ཡེ་ཤ་ཡཱ 42:1-9

1གཙོ་བོ་དཀོན་མཆོག་ཁོང་གིས་བཀའ་གནང་བ། ང་ཡིས་ནུས་སྟོབས་བྱིན་པའི་ངའི་ཞབས་ཕྱི་འདིར།

ང་ཡིས་དེ་ལ་འདམས་ཡོད། ཁོ་མཉམ་ང་ནི་དགའ།

ང་ཡི་ཐུགས་ཉིད་ཁོའི་ནང་བཀང་ཡོད་པས། མི་རིགས་ཡོངས་ལ་ཁྲིམས་དྲང་སྤེལ་ཡོང་ངོ།

2ཁོ་ནི་སྐད་ཤུགས་མཐོ་པོར་མི་སྨྲའོ། རྒྱ་ལམ་ཁག་ཏུ་སྐད་ཤུགས་གཏམ་མི་གླེང།

3རྨད་པའི་འདམ་རྩྭ་དེ་ལ་ཁོ་ཡིས་མི་ཆག་གོ། ཞུ་མར་ཤི་གྲབ་ཡོད་ཀྱང་མ་བསད་དོ།

ཁོང་གིས་ཚང་མར་གཏན་གྱི་ཁྲིམས་དྲང་འཁྱེར་ཡོང་ངོ།

4ཁོང་གི་རེ་བ་དང་ནི་སྙིང་སྟོབས་དེ་མི་རླག། ཁོང་གིིས་ས་གཞིར་ཁྲིམས་དྲང་འཇུག་པར་བྱ།

གླིང་ཕྲན་ཚོས་ཁོང་གི་སློབ་སྟོན་སྒུག།

5དཀོན་མཆོག་ཁོང་གིས་མཐོ་རིས་བཀོད་ནས་དེ་བརྐྱངས་སོ།

ཁོང་གིས་ས་གཞི་དང་དེར་གནས་རྣམས་ལ་བཀོད་གནང་ངོ་།

ཚང་མར་སྲོག་དང་དབུགས་ནི་གནང་བར་མཛད།

ད་ནི་དཀོན་མཆོག་གཙོ་བོ་དཀོན་མཆོག ཁོང་གིས་རང་གི་ཞབས་ཕྱིར་བཀའ་གནང་བ།

6ས་གཞིར་ཁྲིམས་དྲང་བྱེད་པའི་ཕྱིར་ང་གཙོ་བོ་དཀོན་མཆོག། ཁྱོད་ལ་བོས་ནས་ནུས་མཐུ་འབྱིན།

ཁྱོད་རང་བརྒྱུད་ནས་ང་མི་མང་ཚང་མ། མཉམ་དུ་དམ་བཅའ་འཇོག་རྒྱུ་ཡིན།

ཁྱོད་བརྒྱུད་མི་རིགས་ཡོངས་ལ་འོད་གསལ་འབྱིན།

7ཁྱོད་ཀྱིས་ལོང་བའི་མིག་ནི་འབྱེད་པར་འགྱུར། མུན་པའི་བཙོན་ནས་བཙོན་པ་རྣམས་སྒྲོལ་ལོ།

8གཙོ་བོ་དཀོན་མཆོག་ཁྱོད་ཀྱི་དཀོན་མཆོག་ང་རང་གཅིག་པུ་ཡིན།

ང་ཡི་གཟི་བརྗིད་ལྷ་གཞན་ཚོར་མི་སྤྲད་དོ། ང་ཡི་བསྟོད་པར་འདྲ་སྐུར་ཚོ་ལ་མི་སྤྲོད་དོ།

9ང་ཡིས་ལུང་བསྟན་བདེན་པར་བྱུང་ཡོད་དོ། ད་ངས་བྱ་བ་གསར་པ་མ་བྱུང་སྔོན།

དེ་ཚོའི་སྐོར་དེ་ཁྱོད་ལ་ཤོད་རྒྱུ་ཡིན༎