Isaiah (4) – ཡེ་ཤ་ཡཱ (4)

1དུས་དེ་སླེབས་སྐབས་བུད་མེད་བདུན་གྱིས་ཁྱོ་ཞིག་བཟུང་ནས་སྨྲས་པ། ང་ཚོ་རང་གི་ཁ་ཟས་ཟ་བ་དང་གོས་གྱོན་རྒྱུ་བཅས་ཡོད་པས། འོན་ཀྱང་ང་ཚོ་ཆང་ས་མ་རྒྱབ་པར་ངོ་ཚ་ལས་གྲོལ་ཕྱིར་ཁྱེད་ང་ཚོའི་ཁྱོ་ཡིན་ཞེས་ང་ཚོར་སྨྲ་བཅུག་རོགས་ཤེས་བརྗོད་དོ༎

2གཙོ་བོ་དཀོན་མཆོག་གིས་ཡུལ་དུ་རྩེ་ཤིང་དང་ཤིང་སྡོང་ཚང་མ་ཆེན་པོ་དང་ཡིད་དུ་འོང་བའི་འཚར་བའི་དུས་སྐབས་ཤིག་ཡོང་བ་དང། ཨིསི་རཱཨེལ་གྱི་མི་མང་གསོན་པོར་ཐར་བ་རྣམས་ཀྱིས་ཡུལ་ནས་ཐོན་པའི་སྟོན་ཐོག་ལ་དགའ་བ་དང་སྤོབས་པ་བྱེད་དོ།

3དཀོན་མཆོག་གིས་ཡེ་རུ་ཤ་ལེམ་དུ་གསོན་པོར་འདམ་གནང་བའི་མི་ལྷག་ལུས་ཚང་མར་དམ་པ་ཅེས་བརྗོད་པར་འགྱུར་རོ།

4གཙོ་བོའི་མཐུ་སྟོབས་ཀྱིས་རྒྱལ་ཁབ་ལ་རྟགས་ཞིབ་དང་གཙང་མ་བཟོས་པ་གནང་ནས། ཡེ་རུ་ཤ་ལེམ་གྱི་ཉེས་སྡེག་དང་དེར་ཁྲག་འཐོར་བའི་ཐིག་རྣམས་འཁྲུས་པར་མཛད་དོ།

5དེ་ནས་གཙོ་བོ་དཀོན་མཆོག་གིས་རི་བོ་ཛི་ཡོན་གྱི་སྟེང་དང་དེར་འདུས་པའི་མི་མང་ཚང་མའི་སྟེང་ཉིན་མོར་སྤྲིན་དང་མཚན་མོར་དུ་བ་དང་མེ་ལྕེ་གསལ་པོར་གཏོང་གནང་ཡོང། དཀོན་མཆོག་གི་གཟི་བརྗིད་ཀྱིས་གྲོང་ཁྱེར་ཡོངས་སུ་ཁྱབ་པ་དང་སྐྱོབས་པར་མཛད་དོ།

6ཁོང་གི་གཟི་བརྗིད་ཀྱིས་གྲོང་ཁྱེར་གྱི་ཉིན་མོའི་དྲོད་ལ་བསིལ་གྲིབ་བྱེད་པ་དང་ས་གནས་དེ་བརྟན་པོར་གྱུར་ནས་ཆར་པ་དང་རླུང་འཚུབ་ནས་སྐྱོབས་པར་བྱེད་དོ༎