Psalm (29) – གསུང་མགུར (29)

1ཕོ་ཉའི་ཚོགས་རྣམས་གཙོ་བོ་དཀོན་མཆོག་ལ་བསྟོད་ཅིག།

ཁོང་གི་གཟི་བརྗིད་དང་མཐུ་སྟོབས་ལ་བསྟོད་བསྔོགས་ཤིག།

2གཙོ་བོ་དཀོན་མཆོག་ཁོང་གི་མཚན་གཟི་བརྗིད་ཅན་ལ་བསྟོད།

དམ་པ་མཆོག་མཇལ་དུས་ཁོང་ལ་ཕྱག་འཚོལ་ཞིག།

3རྒྱ་མཚོའི་སྟེང་གཙོ་བོ་དཀོན་མཆོག་གི་གསུང་ཐོས་ཤིང་། དཔལ་ལྡན་དཀོན་མཆོག་ཁོང་ནི་འབྲུག་ལྟར་ལྡིར།

རྒྱ་མཚོར་ཁོང་གི་གསུང་གི་བྲག་ཆ་ཐོས་བཞིན་འདུག།

4གཙོ་བོ་དཀོན་མཆོག་ཁོང་གི་གསུང་སྐད་ནི། གཟི་བརྗིད་དང་སྟོབས་ལྡན་བཞིན་དུ་ཐོས།

5གཙོ་བོ་དཀོན་མཆོག་ཁོང་གི་གསུང་གིས་གྱམ་ཤིང་།

ལེབ་ནོན་གྱི་འགྱམ་ཤིང་རྣམས་ཡང་གཅོག་པར་བྱེད།

6ཁོང་གི་ལེབ་ནོན་རི་རྣམས་བེའུ་བཞིན། ཧར་མོན་རི་རྣམས་གླང་བཞོན་བཞིན་དུ་མཆོང་བཅུག།

7གཙོ་བོ་དཀོན་མཆོག་ཁོང་གི་གསུང་སྐད་ཀྱིས་གློག་འོད་འབར།

8ཁོང་གི་གསུང་གིས་འབྲོག་སྟོང་འགུལ། ཁོང་གིས་ཀ་དྷེཤ་འབྲོག་སྟོང་གཡོ་བ་གནང་།

9གཙོ་བོ་དཀོན་མཆོག་ཁོང་གི་གསུང་གིས་བེ་ཤིང་འགུལ་བ་དང། དེའི་ལོ་མ་རྣམས་བཤུ་བར་མཛད།

དེ་དུས་ཁོང་གི་མཆོད་ཁང་ནང་ཡོད་པའི། ཚང་མས་སྐད་ཤུགས་ཆེན་པོ་ཡི་སྒོ་ནས་སྨྲས་པ།

དཀོན་མཆོག་ལ་གཟི་བརྗིད།

10གཙོ་བོ་དཀོན་མཆོག་ཁོང་གི་རྒྱ་མཚོའི་གཏིང་དུ་རྒྱལ་སྲིད་བསྐྱངས།

རྒྱལ་པོ་ལྟར་ཁོང་གི་དུས་བརྟན་རྒྱལ་སྲིད་བསྐྱངས།

11གཙོ་བོ་དཀོན་མཆོག་གིས་རང་གི་འབངས་ལ་སྟོབས་ཤུགས་གནང་།

ཁོང་གིས་དེ་ཚོར་ཞི་བདེ་ཡི་སྦྱིན་རླབས་གནང་ངོ༎