ཡ་ཧུ་དཱ་པ། 4 – Hebrews 4

4:1  དེ་བས་ན་ཁོང་གི་བདེ་བར་འཛུལ་བའི་ཞལ་ཆད་གནང་ཡོད་དུས་ཁྱེད་ཚོའི་ནང་ནས་སུ་ཡང་དེར་འཛུལ་མི་ཐུབ་སྙམ་པའི་བསམ་པ་ཙམ་ལའང་དོགས་ཟོན་གྱིས་ཤིག

Therefore, while the promise of entering his rest still stands, let us fear lest any of you should seem to have failed to reach it.

4:2  ཁོ་ཚོ་ལྟར་ངེད་རྣམས་ལའང་འཕྲིན་བཟང་བསྒྲགས་པ་ཡིན།  འོན་ཀྱང་འཕྲིན་བཟང་གི་བཀའ་ལ་ཉན་པ་རྣམས་མ་ཡིན་པ་ལྟར་དད་པ་མེད་པས་དེ་ཚོ་ལ་མ་ཕན།

For good news came to us just as to them, but the message they heard did not benefit them, because they were not united by faith with those who listened.

4:3  འཇིག་རྟེན་ཁམས་བཀོད་པ་ནས་བཟུང་ཁོང་གི་འཕྲིན་ལས་གྲུབ་ཀྱང༌།  དཀོན་མཆོག་གིས། དེས་ན་དེ་དག་ནམ་ཡང་ངའི་བདེ་བར།།  མི་འཇུག་ཅེས་པའི་ཁྲོ་བའི་མནའ་ཚིག་བོར།།  ཞེས་གསུངས། ང་ཚོ་དད་པ་བྱས་པ་རྣམས་བདེ་བ་དེའི་ནང་ལ་འཛུལ།

For we who have believed enter that rest, as he has said, “As I swore in my wrath, ‘They shall not enter my rest,’” although his works were finished from the foundation of the world.

4:4  ཉི་མ་བདུན་པའི་སྐོར་མདོ་ཞིག་ན།  ཡང་དཀོན་མཆོག་གིས་འཕྲིན་ལས་ཐམས་ཅད་གྲུབ་ནས་ཉི་མ་བདུན་པར་ངལ་གསོས་ནས་བཞུགས་ཞེས་གསུངས།

For he has somewhere spoken of the seventh day in this way: “And God rested on the seventh day from all his works.”

4:5  ཡང་མདོ་དེ་ལས།  ཁོ་རྣམས་ངའི་བདེ་བའི་ནང་ལ་ནམ་ཡང་མི་འཛུལ་ཞེས་གསུངས།

And again in this passage he said, “They shall not enter my rest.”

4:6  སྔར་འཕྲིན་བཟང་ཐོས་པ་རྣམས་ཀྱིས་དད་པ་མ་བྱས་པས་བདེ་བ་དེར་མ་ཞུགས།  གཞན་རྣམས་ནང་དུ་འཇུག་རྒྱུ་ཡིན་པས།

Since therefore it remains for some to enter it, and those who formerly received the good news failed to enter because of disobedience,

4:7  དཀོན་མཆོག་གིས་དེ་རིང་ཞེས་པའི་དུས་གཞན་ཞིག་ཡང་བསྐྱར་བསྐོས་པ་གནང་ཞིང༌། ཁོང་གིས་ལོ་མང་པོའི་རྗེས་སུ་རྒྱལ་པོ་དཱ་བིད་བརྒྱུད་ནས་གོང་དུ་བཤད་པ་ལྟར།  ཁྱེད་ཚོས་དེ་རིང་ཁོང་གི་བཀའ་ཐོས་ན།།  སེམས་པ་འཁྲེགས་ཤིང་གྱོང་པོ་མ་བྱེད་ཅིག ། ཅེས་གསུངས།

again he appoints a certain day, “Today,” saying through David so long afterward, in the words already quoted, “Today, if you hear his voice, do not harden your hearts.”

4:8  གལ་ཏེ་ལུང་སྟོན་པ་ཡོ་ཤུ་ཨ་ཡིས་ཁོ་ཚོར་བདེ་བ་གནང་བ་ཡིན་ན།  དཀོན་མཆོག་གིས་དེའི་རྗེས་སུ་ཉིན་མོ་གཞན་ཞིག་གི་སྐོར་མི་གསུང༌།

For if Joshua had given them rest, God would not have spoken of another day later on.

4:9  དེའི་ཕྱིར་དཀོན་མཆོག་གི་མི་རྣམས་ཀྱི་དོན་ལ་ངལ་གསོ་བའི་ཉིན་མོ་ཞིག་བཞག་ཡོད།

So then, there remains a Sabbath rest for the people of God,

4:10  དཀོན་མཆོག་ཉིད་ཀྱི་འཕྲིན་ལས་གྲུབ་ནས་ངལ་གསོས་ནས་བཞུགས་པ་ལྟར།  དཀོན་མཆོག་གི་བདེ་བའི་ནང་དུ་འཛུལ་མཁན་གྱིས་ཀྱང་རང་གི་ལས་རྣམས་བྱས་ཚར་ནས་ངལ་གསོ་བྱེད།

for whoever has entered God’s rest has also rested from his works as God did from his.

4:11  དེ་བས་ན་མི་སུས་ཀྱང་ཁོ་ཚོ་བཀའ་ལ་མ་ཉན་པའི་དཔེ་དེ་བླངས་པའི་སྒོ་ནས་མི་ནོར་བའི་ཕྱིར།  ང་ཚོས་བདེ་བ་དེ་ལ་ཞུགས་པར་འབད་རྩོལ་ཤིན་ཏུ་བྱེད་དགོས།

Let us therefore strive to enter that rest, so that no one may fall by the same sort of disobedience.

4:12  དཀོན་མཆོག་གི་བཀའ་ནི་གསོན་ཤུགས་ལྡན་ཞིང་ནུས་མཐུ་དང་ལྡན་པ།  རལ་གྲི་ཁ་གཉིས་མ་ཀུན་ལས་ཀྱང་རྣོ་བ་ཡིན་པས། བློ་དང་སེམས་དང༌།  ཚིགས་དང་རྐང་མར་གཉིས་ཀུན་ལ་འཛུལ་ཞིང་འབྱེད་པ་མ་ཟད།  བསམ་པ་དང་འདོད་དོན་རྣམས་འོས་མིན་ཐག་གཅོད་བྱེད།

For the word of God is living and active, sharper than any two-edged sword, piercing to the division of soul and of spirit, of joints and of marrow, and discerning the thoughts and intentions of the heart.

4:13  གང་བཀོད་པ་ཐམས་ཅད་དཀོན་མཆོག་གི་སྤྱན་སྔར་མ་མངོན་པ་ཅི་ཡང་མེད།  ང་ཚོས་གང་ཞིག་སུ་ལ་རྩིས་འབུལ་ཞུ་དགོས་པའི་སྤྱན་སྔར་ཐམས་ཅད་མངོན་པར་གསལ་ལོ།།  སྟོན་པ་ཡེ་ཤུ་ནི་བླ་ཆེན་གཙོ་བོ་ཡིན།

And no creature is hidden from his sight, but all are naked and exposed to the eyes of him to whom we must give account.

4:14  དཀོན་མཆོག་གི་སྲས་ཡེ་ཤུ་དཀོན་མཆོག་གི་ཞིང་ཁམས་སུ་ཕེབས་པའི་བླ་ཆེན་གཙོ་བོ་ཁྱད་དུ་འཕགས་པ་ངེད་རྣམས་ལ་ཡོད་པས།  ང་ཚོས་ཁས་ལེན་བྱེད་པའི་དད་པ་དེ་དམ་པོར་འཛིན་དགོས།

Since then we have a great high priest who has passed through the heavens, Jesus, the Son of God, let us hold fast our confession.

4:15  ངེད་རྣམས་ཀྱི་བླ་ཆེན་གཙོ་བོས་ང་ཚོའི་ཞན་ཆ་མཁྱེན།  གང་ལགས་ཟེར་ན།  ང་ཚོ་དང་འདྲ་བར་རྣམ་པ་ཀུན་ནས་ཉམས་ཚོད་མྱོང་ཡང༌།  སྡིག་པ་མ་མཛད།

For we do not have a high priest who is unable to sympathize with our weaknesses, but one who in every respect has been tempted as we are, yet without sin.

4:16  དེའི་ཕྱིར་ང་ཚོར་བཀའ་དྲིན་དང༌།  རོགས་པ་དགོས་པའི་དུས་སུ་ཐུགས་རྗེ་འཐོབ་པའི་ཕྱིར།  ཐུགས་རྗེ་དང་ལྡན་པའི་དཀོན་མཆོག་གི་བཞུགས་ཁྲིའི་དྲུང་དུ་གདེང་ཚོད་དང་ལྡན་པའི་སྒོ་ནས་འགྲོའོ།།

Let us then with confidence draw near to the throne of grace, that we may receive mercy and find grace to help in time of need.