གསུང་མགུར 15 – Psalm 15

གསུང་མགུར 15 – Psalm 15

1  གཙོ་བོ་དཀོན་མཆོག་ཉིད་ཀྱི་མཆོད་ཁང་ནང་སུ་བཅར་ཐུབ་བམ།

ཉིད་ཀྱི་དམ་པའི་རི་བོ་ཛི་ཡོན་སྒང་།  སུས་བསྙེན་བཀུར་བྱེད་ཐུབ་བམ།

2  དེ་ཚོ་ནི་ལས་དོན་གང་ཅིར་ཁོང་གི་ཐུགས་དགོངས་བཞིན་སྤྱོད་དེ་གཏན་དུ་ཚུལ་བཞིན་བྱེད་དོ།

དེ་ཚོའི་གཏམ་ཚིག་བདེན་ཞིང་དྲང་པོ་དང།

3  དེ་ཚོས་གཞན་ལ་སྨད་ར་མི་མཛོད་ཞིང་།  རང་གི་གྲོགས་པོར་ངན་སྤྱོད་མི་བྱེད་ཅིང་།

རང་གི་ཁྱིམ་མཚེས་རྣམས་ཀྱི་སྐོར་ལའང་།  རྫུན་གྱི་དཀྲོག་གཏམ་སྤེལ་བར་མི་བྱེད་དོ།

4  དཀོན་མཆོག་གིས་ནི་སྤངས་པའི་མི་རྣམས་ལ།  ཁོས་ཀྱང་སེམས་ནས་སྡང་ཞིང་འཕྱ་སྨད་བྱས།

འོན་ཀྱང་ཁོང་གི་བཀའ་ཁྲིམས་སྲུང་མཁན་ལ་ཁོས་ནི་གུས་བཀུར་བྱེད།

གནས་ཚུལ་དཀའ་བ་ཇི་ལྟར་བྱུང་ན་ཡང་།  རྒྱུན་དུ་རང་གི་དམ་བཅའ་ཡོངས་སུ་སྒྲུབ།

5  བུ་ལོན་གཏོང་སྐབས་སྐྱེད་ཁ་མི་ལེན་ཞིང་།  ལྐོག་རྔན་ལེན་ཏེ་སྐྱེ་བོ་གནོང་མེད་ལ།

རྫུན་གྱི་དཔང་པོ་བྱས་ཏེ་གནོད་མི་སྐྱེལ།

དེ་ལྟར་ཚུལ་མཐུན་སྤྱོད་མཁན་མི་རྣམས་ནི་རྒྱུན་དུ་བརྟན་པོར་གནས་ལགས་སོ༎

 

1 O Lord, who shall sojourn in your tent? Who shall dwell on your holy hill?

2 He who walks blamelessly and does what is right and speaks truth in his heart; 3 who does not slander with his tongue and does no evil to his neighbor, nor takes up a reproach against his friend; 4 in whose eyes a vile person is despised, but who honors those who fear the Lord; who swears to his own hurt and does not change; 5 who does not put out his money at interest and does not take a bribe against the innocent. He who does these things shall never be moved.

 

གསུང་མགུར 14 – Psalm 14

གསུང་མགུར 14 – Psalm 14

1  གླེན་པའི་སེམས་ནང་དཀོན་མཆོག་མེད་ཅེས་བརྗོད།

དེ་རྣམས་ཡོངས་སུ་ངན་སྤྱོད་ལོག་པར་བྱས།

དེ་ཚོས་ཡ་ང་པོ་ལས་ངན་ཤ་སྟགས་བྱས།  ཚུལ་མཐུན་ལས་བྱ་མཁན་སུ་ཡང་མེད།

2  མིའི་རིགས་ཤེས་རབས་ཅན་དང་ཁོང་ལ་མཆོད་མཁན་རྣམས།

ཨེ་ཡོད་དགོངས་ཏེ་གཙོ་བོ་དཀོན་མཆོག་གིས།  མཐོ་རིས་གནས་ནས་རྒྱུན་དུ་གཟིགས་ཤིང་བཞུགས།

3  འོན་ཀྱང་དེ་ཚོ་ཚང་མས་ནོར་འཁྲུལ་བྱས།  དེ་ཚོ་ཚང་མ་ངན་པ་གཅིག་པ་ཡིན།

ཚུལ་བཞིན་སྤྱོད་མཁན་གཅིག་ཀྱང་མི་འདུག་གོ།

4  གཙོ་བོ་དཀོན་མཆོག་གིས་བཀའ་འདྲི་གནང།  སྐྱེ་བོ་དེ་ཚོས་ཤེས་ཀྱི་མིན་ནམ།

སྤྱོད་ངན་བྱེད་མཁན་དེ་ཚོ་ཚང་མ་གཏི་མུག་ཅན་ཡིན་ནམ།

དེ་ཚོས་ང་ཡི་མི་འབངས་འཕྲོག་བཅོམ་གྱིས།

རང་ཉིད་འཚོ་བའི་ཐབས་ལམ་དེ་ལས་བྱས།  དེ་ཚོས་ནམ་ཡང་སྨོན་ལམ་མི་འདེབས་སོ།

5  འོན་ཀྱང་དེ་ཚོ་འཇིགས་ཤིང་སྐྲག་པར་འགྱུར།  གང་ལགས་ཟེར་ན་དཀོན་མཆོག་ཁོང་ཉིད་ནི།

ཉིད་ཀྱི་བཀའ་ཁྲིམས་སྲུང་མཁན་མཉམ་དང་འགྲོགས།

6  ངན་པས་དུལ་སེམས་ཅན་གྱི་འཆར་གཞི་ལ།  རྒྱུན་དུ་འཚེ་བ་བར་ཆད་གཏོང་ཐབས་བྱས།

འོན་ཀྱང་གཙོ་བོ་དཀོན་མཆོག་ཁོ་ཚོའི་སྐྱབས་གནས་ལགས།

7  ཛི་ཡོན་གནས་ནས་ཨིསི་རཱཨེལ་པ་ཡི་ཕྱོགས།  རྒྱལ་ཁ་ཡོང་བར་ཤོག་ཅེས་ཁོ་བོ་ཡིས།

སེམས་ནས་སྨོན་འདུན་གང་མང་ཞུས་པ་ཡིན།  ཨིསི་རཱཨེལ་པ་རྣམས་གཙོ་བོ་དཀོན་མཆོག་གིས།

སླར་ཡང་ཕྱུག་པོར་བཟོས་པའི་དུས་སྐབས་སུ།  དེ་ཚོར་དགའ་སྣང་ཆེན་པོ་ཇི་ཙམ་བྱུང་༎

 

1 The fool says in his heart, “There is no God.” They are corrupt, they do abominable deeds; there is none who does good.

2 The Lord looks down from heaven on the children of man, to see if there are any who understand, who seek after God.

3 They have all turned aside; together they have become corrupt; there is none who does good, not even one.

4 Have they no knowledge, all the evildoers who eat up my people as they eat bread and do not call upon the Lord?

5 There they are in great terror, for God is with the generation of the righteous. 6 You would shame the plans of the poor, but the Lord is his refuge.

7 Oh, that salvation for Israel would come out of Zion! When the Lord restores the fortunes of his people, let Jacob rejoice, let Israel be glad.

 

གསུང་མགུར 13 – Psalm 13

གསུང་མགུར 13 – Psalm 13

1  གཙོ་བོ་དཀོན་མཆོག་ཁྱེད་ཀྱིས་ང་ལ་ག་དུས་བར།

ཉིད་ཀྱི་ཐུགས་ནས་བསྙེལ་བར་མཛད་གནང་ངམ།

ག་དུས་བར་དུ་ང་ལས་གབ་པར་མཛད།  དུས་གཏན་གྱི་ཆེད་དུ་ཡིན་ནམ།

2  ནམ་བར་ང་ཡིས་སྡུག་བསྔལ་མྱོང་དགོས་སམ།

ཉིན་མཚན་མེད་པར་སྡུག་བསྔལ་འཁྱེར་དགོས་སམ།

ག་དུས་བར་དུ་ངའི་ཐོག་དགྲ་བོ་རྒྱལ།

3  ཀྱེ་གཙོ་བོ་དཀོན་མཆོག་ང་ཡི་དཀོན་མཆོག་ལགས།

ང་ལ་གཟིགས་ནས་བཀའ་ལན་གནང་།  ང་ཡི་ནུས་སྟོབས་སླར་གསོ་མཛད་གནང་སྟེ།

ང་ལ་ཤི་རུ་འཇུག་པ་མ་གནང་ཞིག།

4  ང་ཡི་དགྲ་བོས་ང་ཚོས་ཁོ་ལ་ཕམ་པར་བྱས་ཞེས་སྨྲ་མ་འཇུག་ཅིག།

ཉམ་རྒུད་ཕྱིན་པའི་ང་ཡི་གནས་སྟངས་ལ།  དེ་ཚོར་སྙིང་ཚིམ་འདེབས་པར་མ་འཇུག་ཅིག།

5  ཁྱེད་ཀྱི་རྒྱུན་ལྡན་ཐུགས་བརྩེ་ལ།  ང་ནི་བློ་གཏད་ཡིད་ཆེས་བརྟེན་པོ་བྱེད།

ཁྱེད་ཀྱིས་ང་ལ་སྐྱབས་མཛད་ངེས་པས།  ང་ནི་བློ་སེམས་དགའ་ཞིང་ཡི་རང་ངོ་།

6  ཀྱེ་གཙོ་བོ་དཀོན་མཆོག་ང་ནི་ཁྱེད་ལ་བསྟོད་དབྱངས་འབུལ་རྒྱུ་ཡིན།

གང་ལགས་ཟེར་ན་ཁྱེད་ཀྱི་ང་ལ་བཟང་པོ་གནང་༎

 

1 How long, O Lord? Will you forget me forever? How long will you hide your face from me? 2 How long must I take counsel in my soul and have sorrow in my heart all the day? How long shall my enemy be exalted over me?

3 Consider and answer me, O Lord my God; light up my eyes, lest I sleep the sleep of death, 4 lest my enemy say, “I have prevailed over him,” lest my foes rejoice because I am shaken.

5 But I have trusted in your steadfast love; my heart shall rejoice in your salvation. 6 I will sing to the Lord, because he has dealt bountifully with me.