གསུང་མགུར 30:1-3

1གཙོ་བོ་དཀོན་མཆོག་ང་ཡི་ཁྱེད་ལ་བསྟོད། གང་ལགས་ཟེར་ན་ཁྱེད་ཀྱིས་ང་ལ་སྐྱབས་གནང་ངོ་།

ང་ཡི་དགྲ་རྣམས་དགའ་རུ་འཇུག་མ་གནང་།

2ཀྱེ་གཙོ་བོ་དཀོན་མཆོག་ང་ཡི་དཀོན་མཆོག་ལགས། ཁྱེད་ཀྱིས་ང་ལ་སྐྱབས་གྲོགས་ཕྱིར་འབོད་པ་དང་།

ང་ལ་ནད་ལས་ཁྱེད་ཀྱིས་དྲག་པར་མཛད།

3ཁྱེད་ཀྱིས་ང་ལ་དུར་ལས་སྐྱབས་པར་མཛད། ང་ནི་འཆི་བའི་ལམ་བརྒྱུད་འགྲུལ་བའི་དུས།

སྐྱར་དུ་ང་ལ་མི་ཚེ་གསར་པ་གང་།

གསུང་མགུར 29:1-2

1ཕོ་ཉའི་ཚོགས་རྣམས་གཙོ་བོ་དཀོན་མཆོག་ལ་བསྟོད་ཅིག།

ཁོང་གི་གཟི་བརྗིད་དང་མཐུ་སྟོབས་ལ་བསྟོད་བསྔོགས་ཤིག།

2གཙོ་བོ་དཀོན་མཆོག་ཁོང་གི་མཚན་གཟི་བརྗིད་ཅན་ལ་བསྟོད།

དམ་པ་མཆོག་མཇལ་དུས་ཁོང་ལ་ཕྱག་འཚོལ་ཞིག།

གསུང་མགུར 28:6-9

6གཙོ་བོ་དཀོན་མཆོག་ཁོང་ལ་བསྟོད་བསྔོགས་ཤིག། ཁོང་གིས་ང་ལ་སྐྱབས་གྲོགས་ཕྱིར་ཞུ་འབོད་གསན།

7གཙོ་བོ་དཀོན་མཆོག་ཁོང་གིས་ང་ལ་སྲུང་ཞིང་སྐྱབས་པ་དང་།

ང་ནི་ཁོང་ལ་བློ་གཏད་བྱེད་བཞིན་ཡོད། ཁོང་གིས་ང་ལ་རོགས་གནང་ཅིང་དགའ་སྤྲོ་གནང་།

ཁོང་ལ་དགའ་བའི་གླུ་ཡིས་ང་བསྟོད་དོ།

8གཙོ་བོ་དཀོན་མཆོག་ཁོང་གིས་རང་གི་འབངས་ལ་སྲུང་བ་དང་།

རང་གིས་བཀོད་པའི་རྒྱལ་པོར་སྲུང་ཞིང་སྐྱབས།

9གཙོ་བོ་དཀོན་མཆོག་ཁྱེད་ཀྱིས་འབངས་ལ་སྐྱབས་པར་མཛོད།

རང་གི་འབངས་ལ་བྱིན་རླབས་གནང་དུ་གསོལ།

ཁྱེད་ཀྱི་དེ་ཚོའི་རྫི་བོ་གནང་བ་དང་།

རྒྱུན་དུ་དེ་ཚོར་འཚོ་སྐྱོང་གནང་བར་མཛོད༎