ཡོ་ཧ་ནན། 2 – John 2

ཡོ་ཧ་ནན། 2 – John 2

2:1  དེ་ནས་ཉིན་གསུམ་པ་ལ་ག་ལིལ་ཡུལ་གྱི་ཀ་ནཱ་རུ་གཉེན་སྟོན་ཞིག་ཡོད༌ལ།  སྐྱབས་མགོན་ཡེ་ཤུའི་ཡུམ་ཡང་གནས་དེར་བཞུགས༌ཤིང༌།

On the third day there was a wedding at Cana in Galilee, and the mother of Jesus was there.

2:2  སྐྱབས་མགོན་ཡེ་ཤུ་དང་ཁོང་གི་ཐུགས་སྲས་རྣམས་ཀྱང་གཉེན་སྟོན་དུ་གདན་འདྲེན་ཞུས༌ཡོད་དོ།།

Jesus also was invited to the wedding with his disciples.

2:3  དུས༌དེར།  སྟོན་ཆང་ཐམས་ཅད་བཏུང་ཚར་བ་དང་སྐྱབས་མགོན་ཡེ་ཤུའི་ཡུམ་གྱིས་ཁོང༌ལ།  ཁོ་རྣམས་ལ་རྒུན་ཆང་མེད་ཅེས་ཞུས་པ༌ན།

When the wine ran out, the mother of Jesus said to him, “They have no wine.”

2:4  སྐྱབས་མགོན་ཡེ་ཤུས་འདི་སྐད༌དུ།  ཡུམ༌ལགས།  དོན་དེ་བདག་དང་འབྲེལ་བ་ཅི་ཡོད་དམ། བདག་གི་དུས་ནི་ད་དུང་སླེབ་མེད་ཅེས་གསུངས་སོ།།

And Jesus said to her, “Woman, what does this have to do with me? My hour has not yet come.”

2:5  ཁོང་གི་ཡུམ་གྱིས་གནས་དེར་ཡོད་པའི་གཡོག་པོ་རྣམས༌ལ།  ཁོང་གིས་ཁྱོད་ཅག་ལ་ཇི་ལྟར་གསུངས་ན་ཁྱོད་ཅག་གིས་དེ་ལྟར་བྱོས་ཤིག་ཅེས་སྨྲས།

His mother said to the servants, “Do whatever he tells you.”

2:6  ཡ་ཧུ་དཱ་པའི་ལུགས་སྲོལ་བཞིན་གཙང་སྦྲ་བྱེད་པ༌ལ།  རྡོ་ཡིས་བཟོས་པའི་ཆུ་རྫ་དྲུག་ཀྱང་གནས་དེར་བཞག་ཡོད༌དེ།  དེ་རེ་རེའི་ནང་དུ་ཧ་ལམ་ཆུ་ཟོ་གཉིས་གསུམ་ཙམ་ཤོང༌ཐུབ་བོ།།

Now there were six stone water jars there for the Jewish rites of purification, each holding twenty or thirty gallons.

2:7  དེ་ནས་སྐྱབས་མགོན་ཡེ་ཤུས་གཡོག་པོ་དེ་རྣམས་ལ་ཆུ་རྫ་འདི་དག་ཆུས་གང་བར་བྱོས་ཞེས་བཀའ་བསྩལ་པ་དང་ཁོ་རྣམས་ཀྱིས་ཀྱང་ཆུས་བལྟམས་པར་བྱས།

Jesus said to the servants, “Fill the jars with water.” And they filled them up to the brim.

2:8  ཡང་ཁོང་གིས་འདི་སྐད༌དུ།  ད་ལྟ་བཅུས་ཏེ་གཉེན་སྟོན་གྱི་གཉེར་པ་ལ་སྤྲོད་ཅིག་ཅེས་གསུངས་པ་དང་གཡོག་པོ་རྣམས་ཀྱིས༌བསྐྱལ་ཏོ།།

And he said to them, “Now draw some out and take it to the master of the feast.” So they took it.

2:9  དེ་ནས་གཉེར་པས་ཆུ་ནས་བསྒྱུར་བའི་རྒུན་ཆང་གི་བྲོ་བ་མྱངས་ནའང་གང་ནས་བཅུས་ཤིང་གང་ནས་ཁྱེར་ཡོང་བ་མི་ཤེས།  འོན་ཀྱང་ཆུ་བཅུ་མཁན་གཡོག་པོ་རྣམས་ཀྱིས་གང་ནས་ཁྱེར་འོངས་པ་ཤེས༌པ་རེད།  དེ་ནས་གཉེར་པས་མག་གསར་ཚུར་བོས་ཏེ་ན༌རེ།

When the master of the feast tasted the water now become wine, and did not know where it came from (though the servants who had drawn the water knew), the master of the feast called the bridegroom

2:10  མི་ཚང་མས་རྒུན་ཆང་ཞིམ་པོ་སྔོན་ལ་ལྡུད་ཅིང་མགྲོན་པོ་རྣམས་བཟི་བར་གྱུར༌ཚེ།  རྒུན་ཆང་ཕལ་བ་གཞུག་ནས་ལྡུད་པར༌བྱེད།  འོན་ཀྱང་ཁྱོད་ཀྱིས་དེ་ལྟར་མི་བྱེད་པར་རྒུན་ཆང་ཞིམ་པོ་གཞུག་ཏུ་བསྐྱུར་ཞེས་སྨྲས་སོ།།

and said to him, “Everyone serves the good wine first, and when people have drunk freely, then the poor wine. But you have kept the good wine until now.”

2:11  དེ་ལྟར་གྲུབ་རྟགས་དང་པོ་དེ་སྐྱབས་མགོན་ཡེ་ཤུས་ག་ལིལ་ཡུལ་གྱི་ཀ་ནཱ་རུ་བསྟན་ཏེ།  རང་གི་གཟི་བརྗིད་མངོན་པར་མཛད་པས་ཐུགས་སྲས་རྣམས་ཀྱང་ཁོང་ལ་དད་པར་གྱུར་ཏོ།།

This, the first of his signs, Jesus did at Cana in Galilee, and manifested his glory. And his disciples believed in him.

2:12  དེའི་རྗེས༌སུ།  སྐྱབས་མགོན་ཡེ་ཤུ་རང་གི་ཡུམ་དང་སྐུ༌མཆེད།  ཐུགས་སྲས་རྣམས་དང་མཉམ་དུ་མར་ཀཱ་ཕར་ན་ཧུམ་དུ་ཕེབས་ཤིང་གནས་དེ་རུ་ཉིན་འགར་བཞུགས༌སོ།།

After this he went down to Capernaum, with his mother and his brothers and his disciples, and they stayed there for a few days.

2:13  དེ་ཡང་ཡ་ཧུ་དཱ་པའི་པེ་སག་གི་དུས་ཆེན་སླེབ་ལ་ཉེ་བ༌ན།  སྐྱབས་མགོན་ཡེ་ཤུ་ཡར་ཡེ་རུ་སཱ་ལེམ་དུ་ཕེབས་པ༌དང༌།

The Passover of the Jews was at hand, and Jesus went up to Jerusalem.

2:14  མཆོད་ཁང་ནང་དུ་བ་གླང༌དང༌།  ལུག  ་རོན་བཅས་ཚོང་མཁན་དང་དངུལ་བརྗེ་མཁན་རྣམས་བསྡད་ཡོད་པ་གཟིགས༌ཏེ།

In the temple he found those who were selling oxen and sheep and pigeons, and the money-changers sitting there.

2:15  ཁོང་གིས་ཐག་པས་རྟ་ལྕག་ཞིག་མཛད༌དེ།  བ་གླང་དང་ལུག་དང་བཅས་པ་ཐམས་ཅད་མཆོད་ཁང་ལས་ཕྱིར་ཕུད་པ༌དང༌།  དངུལ་བརྗེ་མཁན་གྱི་དངུལ་སྒོར་ཡང་ས་རུ་གཏོར་བ་དང་དེ་དག་གི་ཅོག་ཙེའང་སར་བསྒྱེལ་ཏོ།།

And making a whip of cords, he drove them all out of the temple, with the sheep and oxen. And he poured out the coins of the money-changers and overturned their tables.

2:16  དེ་ནས་ཕུག་རོན་ཚོང་མཁན་རྣམས་ལ་འདི་སྐད༌དུ།  ཕུག་རོན་འདི་དག་ཕྱིར་ཁྱེར༌ཅིག བདག་གི་ཡབ་ཀྱི་ཕོ་བྲང་འདི་ནི་ཚོང་རར་བྱེད་མི་རུང་ཞེས་གསུངས་སོ།།

And he told those who sold the pigeons, “Take these things away; do not make my Father’s house a house of trade.”

2:17  དེ་ནས་ཁོང་གི་ཐུགས་སྲས་རྣམས་ཀྱིས་གསུང་རབ་ཀྱི་མདོ༌ལས།  ཁྱེད་ཀྱི་བཞུགས་གནས་ཀྱི་ཆེད་དུ་བདག་གི་སེམས་ནི་བྲེལ་ཞིང་འཚབ་པ་མེ་ལྟར་འབར་ཞེས་བཀོད་ཡོད་པ་དེ་དྲན་ནོ།།

His disciples remembered that it was written, “Zeal for your house will consume me.”

2:18  དེ་ནས་ཡ་ཧུ་དཱ་པ་རྣམས་ན༌རེ།  ཁྱེད་ལ་དོན་འདི་རྣམས་མཛད་པའི་དབང་ཡོད་པར་བདེན་དཔང་བྱ་ཆེད་གྲུབ་རྟགས་གང་ཞིག་སྟོན་ནུས་སམ་ཞེས་སྨྲས་པ༌ལ།

So the Jews said to him, “What sign do you show us for doing these things?”

2:19  སྐྱབས་མགོན་ཡེ་ཤུས་འདི་སྐད༌དུ།  གལ་ཏེ་ཁྱོད་ཅག་གིས་མཆོད་ཁང་འདི་བཤིག་ན།  བདག་གིས་ཉིན་གསུམ་ལ་སླར་ཡང་བརྩིག་པར་བྱ་ཞེས་གསུངས་སོ།།

Jesus answered them, “Destroy this temple, and in three days I will raise it up.”

2:20  ཡང་དེ་རྣམས་ན༌རེ།  མཆོད་ཁང་འདི་ནི་ལོ་ངོ་བཞི་བཅུ་ཞེ་དྲུག་རིང་ལ་བརྩིགས་པ་ཡིན་ཡང་ཁྱོད་ཀྱིས་ཉིན་གསུམ་ལ་བརྩིག་ཐུབ་བམ་ཞེས་དྲིས།

The Jews then said, “It has taken forty-six years to build this temple, and will you raise it up in three days?”

2:21  འོན་ཀྱང་དེ་ནི་སྐྱབས་མགོན་ཡེ་ཤུས་རང་གི་སྐུ་ལུས་ཡིན་པའི་མཆོད་ཁང་ལ་དམིགས་ཏེ་གསུངས་པ་ཡིན།

But he was speaking about the temple of his body.

2:22  དེའི༌ཕྱིར། ཁོང་ཉིད་སྐུ་གཤེགས་པ་ནས་སླར་གསོན་པའི་རྗེས༌སུ།  ཐུགས་སྲས་རྣམས་ཀྱིས་ཁོང་གི་གསུང་དེ་དྲན༌ནས།  གསུང་རབ་ཀྱི་མདོ་དང་སྐྱབས་མགོན་ཡེ་ཤུས་གསུངས་པའི་བཀའ་ལ་དད་པར་གྱུར༌ཏོ།།

When therefore he was raised from the dead, his disciples remembered that he had said this, and they believed the Scripture and the word that Jesus had spoken.

2:23  དེ་ཡང་པེ་སག་གི་དུས་ཆེན་ལ་སྐྱབས་མགོན་ཡེ་ཤུ་ཁོང་ཉིད་ཡེ་རུ་སཱ་ལེམ་དུ་བཞུགས༌ཤིང༌། མི་མང་པོས་ཁོང་གིས་མཛད་པའི་གྲུབ་རྟགས་རྣམས་མཐོང་སྟེ་ཁོང་གི་མཚན་ལ་དད་པར་གྱུར་ཏོ།།

Now when he was in Jerusalem at the Passover Feast, many believed in his name when they saw the signs that he was doing.

2:24  འོན་ཀྱང་སྐྱབས་མགོན་ཡེ་ཤུས་མི་ཐམས་ཅད་མཁྱེན་པས་དེ་དག་ལ་བློ་མི་གཏོད༌ཅིང༌།

But Jesus on his part did not entrust himself to them, because he knew all people

2:25  ཁོང་གིས་མིའི་སེམས་སུ་ཅི་ཡོད་པའང་མཁྱེན་པས་སུས་ཀྱང་མི་གཞན་ཅི་འདྲ་ཡིན་པར་བདེན་དཔང་བྱེད་དགོས་དོན་ཅི་ཡང་མེད༌དོ།།

and needed no one to bear witness about man, for he himself knew what was in man.