ཡེ་ཤ་ཡཱ (6) – Isaiah (6)

1  རྒྱལ་པོ་ཨུ་ཛི་ཡཱ་གྲོངས་པའི་ལོ་དེ་ལ་གཙོ་བོ་དཀོན་མཆོག་བཞུགས་ཁྲི་མཐོ་པོ་སྨད་དུ་བྱུང་བའི་སྟེང་བཞུགས་ཡོད་པ་དང།  ཁོང་གི་ན་བཟས་མཆོད་ཁང་ཆ་ཚང་ཁེངས་ཡོད་པ་ངས་མཇལ་བྱུང།

In the year that King Uzziah died I saw the Lord sitting upon a throne, high and lifted up; and the train of his robe filled the temple.

2  ཁོང་གི་མཐའ་འཁོར་དུ་སེ་རཕེ་རྣམས་ལངས་ཡོད་པ་དང་དེ་ཚོ་རེ་རེར་ཤོག་པ་དྲུག་དྲུག་འདུག  དེ་ཚོ་རེ་རེས་ཤོག་པ་གཉིས་ཀྱིས་རང་གི་གདོང་བཀབ་པ་དང་གཉིས་ཀྱིས་གཟུགས་བཀབ་པ་དང་གཞན་གཉིས་པོ་དེས་འཕུར་བཞིན་འདུག

Above him stood the seraphim. Each had six wings: with two he covered his face, and with two he covered his feet, and with two he flew.

3  དེ་ཚོ་གཅིག་གིས་གཅིག་ལ་།  དམ་པ་དམ་པ་དམ་པ་།  ཀུན་དབང་ཅན་གྱི་གཙོ་བོ་དཀོན་མཆོག་དམ་པ་ཡིན།  ཁོང་གི་གཟི་བརྗིད་ཀྱིས་འཛམ་གླིང་ཡོངས་སུ་ཁྱབ་བོ་ཅེས་སྨྲ་བཞིན་འདུག་གོ།

And one called to another and said: “Holy, holy, holy is the Lord of hosts; the whole earth is full of his glory!

4  དེ་ཚོའི་སྐད་ཀྱི་སྒྲས་མཆོད་ཁང་གི་རྨང་གཞི་གཡོ་བ་དང་མཆོད་ཁང་དེ་ཉིད་དུ་བས་ཁེངས་པར་འགྱུར་རོ།

And the foundations of the thresholds shook at the voice of him who called, and the house was filled with smoke.

5  ངས་སྨྲས་པ་ཡིན།  ང་ལ་རེ་བ་གང་ཡང་མེད།  ང་འཇིགས་ནས་ཡོད།  གང་ལ་ཟེར་ན། ངའི་མཆུ་ལྟོ་ནས་ཐོན་པའི་ཚིག་རེ་རེ་བཞིན་སྡིག་ཅན་ཡིན་པ་དང་ང་མི་མང་སྡིག་ཅན་གྱི་ཚིག་རེ་རེ་ཤོད་མཁན་གྱི་ཁྲོད་དུ་བསྡད་ཡོད་དོ།  ཡིན་ན་ཡང་ངའི་མིག་གིས་རྒྱལ་པོ་ཀུན་དབང་ཅན་གྱི་གཙོ་བོ་དཀོན་མཆོག་ཁོང་ལ་མཇལ་བྱུང་ངོ།

And I said: “Woe is me! For I am lost; for I am a man of unclean lips, and I dwell in the midst of a people of unclean lips; for my eyes have seen the King, the Lord of hosts!”

6  དེ་ནས་སེ་རཕེ་གཅིག་གིས་སྐམ་པས་མཆོད་ཁྲིད་ནས་མེ་འབར་བཞིན་ཡོད་པའི་སོལ་ལ་འཁྱེར་ཡོང་ནས་ངའི་སར་འཕུར་ཡོང་ངོ།

Then one of the seraphim flew to me, having in his hand a burning coal that he had taken with tongs from the altar.

7  ཁོང་གིས་མེ་འབར་བཞིན་པའི་སོལ་ལ་དེ་ངའི་མཆུ་ལྟོར་རེག་ནས་སྨྲས་པ།  འདིས་ཁྱོད་ཀྱི་མཆུ་ལྟོར་རེག་ཡོད་པ་དེས་ཁྱོད་ཀྱི་ཉེས་པ་སེལ་ཡོད།  ཁྱོད་ཀྱི་སྡིག་པར་བཟོད་གསོལ་མཛད་ཡོད་ཅེས་གསུངས་བྱུང།

And he touched my mouth and said: “Behold, this has touched your lips; your guilt is taken away, and your sin atoned for.”

8  དེ་ནས་དཀོན་མཆོག་གིས་ངས་སུ་མངགས་པར་བྱ།  ང་ཚོའི་བང་ཆེན་སུས་བྱེད་ཅེས་བཀའ་གནང་བ་ངས་ཐོས་བྱུང།  དེ་ནས་ངས་ང་འགྲོ་གི་ཡིན།  ང་གཏོང་རོགས་གནང་ཞུས་པ་ཡིན།

And I heard the voice of the Lord saying, “Whom shall I send, and who will go for us?” Then I said, “Here I am! Send me.”

9  དེ་འདྲ་སོང་ཙང་ཁོང་གིས་ང་ལ་སོང་ནས་མི་ཚོར་འཕྲིན་འདི་ཤོད་ཅིག ཁྱོད་ཚོ་ཇི་ལྟར་ཉན་རུང་རྟོགས་མི་ཐུབ།  ཁྱོད་ཚོས་ཇི་ལྟར་བལྟ་ཡང་གང་བྱུང་ཡོང་བ་ཤེས་མི་ཐུབ་ཅེས་བཀའ་གནང་བྱུང།

And he said, “Go, and say to this people: “‘Keep on hearing, but do not understand; keep on seeing, but do not perceive.’

10  དེ་ནས་ཁོང་གིས་ང་ལ་མི་རྣམས་ཀྱི་རིགས་པ་གླེན་པ་དང་དེ་ཚོའི་རྣ་བ་འོན་པ་དང་མིག་ལོང་བ་བཟོས་ཤིག  དེ་མིན་དེ་ཚོས་མཐོང་བ་དང་ཐོས་པ་དང་རྟོགས་པ་དང་དེ་ཚོ་ངའི་ཕྱོགས་སུ་སྒྱུར་ནས་གསོ་བར་འགྱུར་ཞེས་བཀའ་གནང་བྱུང།

Make the heart of this people dull, and their ears heavy, and blind their eyes; lest they see with their eyes, and hear with their ears, and understand with their hearts, and turn and be healed.”

11  ངས་གཙོ་བོ་ལ་དེ་ལྟར་དུས་ཡུན་ཇི་ཙམ་རིང་ཡོང་བར་འགྱུར་ཞེས་བཀའ་འདྲི་ཞུས་པ་ཡིན་པས།  ཁོང་གིས་བཀའ་ལེན་དུ། གྲོང་ཁྱེར་རྣམས་གྱང་གོག་ཏུ་འགྱུར་ནས་སྟོངས་པར་མ་འགྱུར་བར་དང།  ཁང་པའི་ནང་སྡོད་མི་མེད་པའི་བར་དང་ཡུལ་སྟོང་དུ་མ་འགྱུར་བར་དུ་དེ་ལྟར་བྱུང་ཡོང།

Then I said, “How long, O Lord?” And he said: “Until cities lie waste without inhabitant, and houses without people, and the land is a desolate waste,

12  ངས་མི་མང་རྣམས་ཐག་རིང་པོར་བཏང་ནས་ཡུལ་ཡོངས་སུ་སྟོང་པར་བཟོ་བར་འགྱུར།

and the Lord removes people far away, and the forsaken places are many in the midst of the land.

13  ཡུལ་དེར་མི་བཅུའི་ནང་ནས་གཅིག་གནས་པ་ཡིན་ན་ཁོ་ཡང་མེད་པར་འགྱུར།  ཁོ་བེ་ཤིང་བཅད་པའི་མདུང་མ་བཞིན་དུ་འགྱུར་རོ།  (མདུང་མ་དེས་དཀོན་མཆོག་གི་མི་མང་གི་མི་ཚེ་གསར་དུ་བཞད་པའི་མཚོན་རྟགས་ཡིན་ནོ།)

And though a tenth remain in it, it will be burned again, like a terebinth or an oak, whose stump remains when it is felled.” The holy seed is its stump.

 

ཡེ་ཤ་ཡཱ (5) – Isaiah (5)

1  ང་ཡིས་གཞས་འདི་གཏོང་སྐབས་ཁྱོད་ཉོན་ཞིག།  ང་ཡི་གྲོགས་དང་ཁོ་ཡི་རྒུན་ཚལ་སྐོར་ལ་ཡིན།  ཤིན་ཏུ་ས་ལུས་འཛོམས་པའི་རི་བོའི་སྟེང།  ང་ཡི་གྲོགས་པོར་རྒུན་ཚལ་ཞིག་ཡོད་དོ༎

Let me sing for my beloved my love song concerning his vineyard: My beloved had a vineyard on a very fertile hill.

2  ཁོ་ཡིས་ས་བྲུས་རྡོ་རྣམས་གཙང་མར་འདོན།  རྒུན་ཚལ་ལེགས་ཤོས་ཁོ་ཡིས་དེར་བཙུགས་སོ། དེ་ཚོ་སྲུང་ཆེད་ཁོ་ཡིས་གན་རྡོ་བརྩིགས།  རྒུན་འབྲུམ་འཆག་ཕྱིར་ས་དོང་ཞིག་ཀྱང་བྲུས། ཁོ་ཡིས་རྒུན་འབྲུམ་སྨིན་ཕྱིར་ངང་སྒུག་བྱས།  འོན་ཀྱང་རྒུན་འབྲུམ་རྣམས་ནི་སྐྱུར་མོའོ།

He dug it and cleared it of stones, and planted it with choice vines; he built a watchtower in the midst of it, and hewed out a wine vat in it; and he looked for it to yield grapes, but it yielded wild grapes.

3  དེ་འདྲ་སོང་ཙང་ངའི་གྲོགས་པོས།  ཡེ་རུ་ཤ་ལེམ་དང་ཡ་ཧུ་དཱར་སྡོད་མཁན་ཚོ་ལ་ངའི་རྒུན་ཚལ་དང་ངའི་དབར་ཞིབ་དཔྱོད་གནང་རོགས།

And now, O inhabitants of Jerusalem and men of Judah, judge between me and my vineyard.

4  དེའི་ཆེད་དུ་ངས་མ་བྱེད་པ་གང་ཡོད་དམ།  དེ་བས་ན་དེ་ཚོ་ལ་རྒུན་འབྲུམ་སྐྱུར་མོ་སྐྱེས་ནས་ངས་རེ་བ་བྱས་པ་ལྟར་རྒུན་འབྲུམ་བཟང་པོ་ཅི་ཕྱིར་མ་སྐྱེས་པ་རེད་དམ་ཞེས་སྨྲས་སོ།

What more was there to do for my vineyard that I have not done in it? When I looked for it to yield grapes, why did it yield wild grapes?

5  ད་ང་ངའི་རྒུན་ཚལ་ལ་འདི་ལྟར་བྱ་རྒྱུ་ཡིན།  ངས་དེའི་མཐའ་འཁོར་གྱི་ར་བ་ཕྱིར་འཐེན་བྱ་རྒྱུ་དང་དེ་སྲུང་བའི་ལྕགས་རི་བཤིགས་རྒྱུ་དང་སེམས་ཅན་རྒོད་པོ་རྣམས་ནས་དེ་ཟ་བ་དང་རྡོག་བརྫེས་གཏོང་བཅུག་རྒྱུ་ཡིན་ནོ།

And now I will tell you what I will do to my vineyard. I will remove its hedge, and it shall be devoured; I will break down its wall, and it shall be trampled down.

6  ངས་དེའི་སྟེང་རྩ་ངན་སྐྱེས་བཅུག་རྒྱུ་ཡིན།  ངས་རྒུན་འབྲུམ་གྱི་ཤིང་དེ་རྩེ་བྲེག་རྒྱུ་མིན། ས་ལ་འཇོར་མི་རྒྱབ་པ་དང།  དེའི་ཚབ་ངས་དེ་ཚོའི་སྟེང་ལྗང་ཚེར་དང་ཚེར་མས་བཀབ་འཇུག་རྒྱུ་ཡིན།  ངས་སྤྲིན་པ་ཚོ་ལ་ཡང་དེར་ཆར་པ་འབབ་འཇུག་རྒྱུ་མིན།

I will make it a waste; it shall not be pruned or hoed, and briers and thorns shall grow up; I will also command the clouds that they rain no rain upon it.

7  ཨིསི་རཱཨེལ་ནི་མཐུ་སྟབོས་ཅན་གྱི་གཙོ་བོ་དཀོན་མཆོག་གི་རྒུན་ཚལ་ཡིན།  ཡ་ཧུ་དཱ་པའི་མི་མང་ནི་ཁོང་གིས་བཏབ་པའི་རྒུན་ཚལ་ཡིན།  ཁོང་གིས་དེ་ཚོས་ལེགས་པའི་བྱ་བ་འབའ་ཞིག་བྱེད་པའི་རེ་བ་གནང་ན་ཡང།  དེ་ཡི་ཚབ་ཏུ་དེ་ཚོས་མི་གསོད་བྱས།  དེ་ཚོས་དྲང་པོ་ཇི་ཡིན་བྱེད་ཡོང་ཞེས་ཁོང་གིས་རེ་བ་གནང་ན་ཡང།  དེ་ཚོའི་མནར་གཅོད་ནང་དུ་ཚུལ་མཁན་ཚོས་ཁྲིམས་དྲང་གི་ཆེད་དུ་སྨྲེ་ངག་འདོན་བཞིན་འདུག།

For the vineyard of the Lord of hosts is the house of Israel, and the men of Judah are his pleasant planting; and he looked for justice, but behold, bloodshed; for righteousness, but behold, an outcry!

8  ཁྱོད་ཚོ་འཇིགས་པ་ཡིན།  ཁྱོད་ཚོར་ཡོད་པའི་ཐོག་ཏུ་ཁང་པ་དང་ས་ཞིང་ཕར་མ་མང་དུ་ཉོས་པས།  མགྱོགས་པོར་ཚང་མར་སྡོད་ཡུལ་མེད་པར་འགྱུར་བ་དང་ཡུལ་དུ་ཁྱོད་ཚོ་གཅིག་པུ་གནས་པར་འགྱུར་རོ།

Woe to those who join house to house, who add field to field, until there is no more room, and you are made to dwell alone in the midst of the land.

9  ཀུན་དབང་ལྡན་པའི་གཙོ་བོ་དཀོན་མཆོག་གིས་འདི་ལྟར་བཀའ་གནང་བ་ངས་ཐོས་བྱུང། ཁང་པ་ཆེན་པོ་དང་ལེགས་པོ་འདི་ཚོ་ཚང་མ་ཁང་སྟོང་གྱང་གོག་ཏུ་འགྱུར་རོ།

The Lord of hosts has sworn in my hearing: “Surely many houses shall be desolate, large and beautiful houses, without inhabitant.

10  རྒུན་ཚལ་ས་ཆ་ཧེག་ཀྲར་བཅུ་ནང་རྒུན་ཆང་ལི་ཀྲར་བརྒྱད་གཅིག་པོ་སྤྲད་ཡོང།  ས་བོན་ལི་ཁྲར་ ༡༨༠ ཀྱིས་འབྲུ་ལི་ཀྲར་བཅོ་བརྒྱད་སྐྱེས་པར་འགྱུར་རོ།

For ten acres of vineyard shall yield but one bath, and a homer of seed shall yield but an ephah.”

11  ཁྱོད་ཚོ་འཇིགས་པ་ཡིན།  ཁྱོད་ཚོ་ཆང་རག་འཐུང་ཆེད་ཞོག་པ་སྔ་པོ་ལངས་བ་དང། ར་བཟི་ཆེད་མཚན་མོ་ཕྱི་པོ་བསྡད་དོ།

Woe to those who rise early in the morning, that they may run after strong drink, who tarry late into the evening as wine inflames them!

12  ཁྱོད་ཚོའི་ཐུགས་སྤྲོར་ལག་རྔ་དང་པི་ཝང་དང་གླིང་བུ་དང་རྒུན་ཆང་བཅས་ཡོད་དོ། འོན་ཀྱང་གཙོ་བོ་དཀོན་མཆོག་གིས་ཇི་ལྟར་མཛད་བཞིན་ཡོད་པ་ཁྱོད་ཚོས་རྟོགས་མི་ཐུབ་བོ།

They have lyre and harp, tambourine and flute and wine at their feasts, but they do not regard the deeds of the Lord, or see the work of his hands.

13  དེ་འདྲ་སོང་ཙང་ཁྱོད་ཚོ་བཙོན་དུ་འཁྲིད་པར་འགྱུར།  ཁྱོད་ཚོའི་འགོ་འཛིན་ཚོ་ལྟོགས་ཤི་བརྒྱབ་པ་དང་སྐྱེ་བོ་ཕལ་པ་རྣམས་སྐོམ་ནས་འཆིའོ།

Therefore my people go into exile for lack of knowledge; their honored men go hungry, and their multitude is parched with thirst.

14  འཆི་བའི་འཇིག་རྟེན་དེ་ཚོའི་ཆེད་ལྟོགས་པ་དང།  དེས་ཁ་ཆེན་པོ་གདངས་ཡོད།  དེས་ཡེ་རུ་ཤ་ལེམ་གྱི་མཐོ་རིམ་མི་སྣ་རྣམས་དང་མི་མང་སྐྱུ་མ་ཅ་ཅོ་ཅན་གྱི་ཚོགས་རྣམས་གྱུར་མིག་གཏོང་བར་འགྱུར་རོ།

Therefore Sheol has enlarged its appetite and opened its mouth beyond measure, and the nobility of Jerusalem and her multitude will go down, her revelers and he who exults in her.

15  ཚང་མ་ཞབས་འདྲེན་བྱུང་ནས་མི་ང་རྒྱལ་ཅན་རྣམས་ཉམ་ཆུང་དུ་འགྱུར་རོ།

Man is humbled, and each one is brought low, and the eyes of the haughty are brought low.

16  འོན་ཀྱང་ཀུན་དབང་ཅན་གྱི་གཙོ་བོ་དཀོན་མཆོག་གིས་ལས་དྲང་པོ་གནང་ནས་རང་གི་རླབས་ཆེན་སྟོན་གནང་བ་དང། ཁོང་གི་མི་མང་ལ་ཁྲིམས་ཞིབ་གནང་ནས་ཁོང་ནི་དམ་པ་ཡིན་པ་མངོན་པར་མཛད་དོ།

But the Lord of hosts is exalted in justice, and the Holy God shows himself holy in righteousness.

17  གྲོང་ཁྱེར་གྱང་རོང་བྱུང་ནས་ལུག་གུས་རྩ་ཟ་བ་དང་ར་ཕྲུག་ལ་རྩ་ཁ་རྙེད་པར་འགྱུར་རོ།

Then shall the lambs graze as in their pasture, and nomads shall eat among the ruins of the rich.

18  ཁྱོད་ཚོ་འཇིགས་པ་ཡིན།  ཁྱོད་ཚོ་སྡིག་པ་ལས་ཁ་བྲལ་མི་ཐུབ་བོ།

Woe to those who draw iniquity with cords of falsehood, who draw sin as with cart ropes,

19  ཁྱོད་ཚོས་སྨྲས་པ།  ང་ཚོས་མཐོང་བའི་ཆེད་གཙོ་བོ་དཀོན་མཆོག་གིས་ཇི་འདྲ་གནང་གི་ཡིན་གསུངས་པ་མགྱོགས་པོ་གནང་དུ་བཅུག་ཅིག  ཨིསི་རཱཨེལ་གྱི་དཀོན་མཆོག་དམ་པས་ཁོང་གི་འཆར་གཞི་ལྟར་གནང་དུ་འཇུག་ཅིག  ཁོང་གི་ཐུགས་དགོངས་ལ་ཇི་ཡོད་ང་ཚོས་བལྟ་དགོས།

who say: “Let him be quick, let him speed his work that we may see it; let the counsel of the Holy One of Israel draw near, and let it come, that we may know it!”

20  ཁྱོད་ཚོ་འཇིགས་པ་ཡིན། ཁྱོད་ཚོས་ངན་པར་བཟང་པོ་དང།  བཟང་པོར་ངན་པ་བརྗོད་ཀྱི་ཡོད།  ཁྱོད་ཚོས་མུན་པ་འོད་དུ་འགྱུར་བ་དང་འོད་དེ་མུན་པར་འགྱུར་ཡོད།  ཁྱོད་ཚོས་ཁ་ཏིག་མངར་མོ་བཟོ་བ་དང་མངར་མོ་ཁ་ཏིག་བཟོ་བཞིན་ཡོད་དོ།

Woe to those who call evil good and good evil, who put darkness for light and light for darkness, who put bitter for sweet and sweet for bitter!

21  ཁྱོད་ཚོ་འཇིགས་པ་ཡིན་།  ཁྱོད་ཚོའི་བསམ་བློར་ཁྱོད་ཚོ་ཤེས་རབ་ཅན་དང་ཧ་ཅང་གཅང་པོ་ཡིན་བསམ་གྱི་ཡོད་དོ།

Woe to those who are wise in their own eyes, and shrewd in their own sight!

22  ཁྱོད་ཚོ་འཇིགས་པ་ཡིན། ཆང་འཐུང་བའི་ཕྱིར་དཔའ་བོ་དང།  ཆང་བསྲེས་རྒྱུར་བློ་སྟོབས་ཆེན་པོ་དང་མི་འཇིགས་མཁན་དང།

Woe to those who are heroes at drinking wine, and valiant men in mixing strong drink,

23  ལྐོག་རྔན་གྱི་ཆེད་དུ་ཁྱོད་ཚོས་ཉེས་ཅན་རང་དབང་ངང་འགྲོར་བཅུག་པ་དང།  སྐྱོན་མེད་མི་ལ་ཁྲིམས་དྲང་སྤྲོད་རྒྱུར་བཀག་འགོག་བྱེད་དོ།

who acquit the guilty for a bribe, and deprive the innocent of his right!

24  དེ་འདྲ་སོང་ཙང་ད་སོག་མ་དང་རྩ་སྐམ་ནས་མེ་ལ་འབར་བ་བཞིན་ཁྱོད་ཚོའི་རྩ་བ་རུལ་བ་དང་མེ་ཏོག་ཤར་བ་རྣམས་སྐམ་ནས་རླུང་གིས་འཁྱེར་རོ།  གང་ལ་ཟེར་ན། ཁྱོད་ཚོས་ང་ཚོར་ཀུན་དབང་ཅན་གྱི་གཙོ་བོ་དཀོན་མཆོག་ཨིསི་རཱཨེལ་གྱི་དམ་པའི་དཀོན་མཆོག་གིས་སློབ་སྟོན་གནང་བ་རྣམས་ལ་དང་ལེན་ཞུས་མེད་དོ།

Therefore, as the tongue of fire devours the stubble, and as dry grass sinks down in the flame, so their root will be as rottenness, and their blossom go up like dust; for they have rejected the law of the Lord of hosts, and have despised the word of the Holy One of Israel.

25  གཙོ་བོ་དཀོན་མཆོག་ཁོང་གིས་མི་མང་ལ་ཐུགས་ཁྲོས་ཡོད་པ་དང་དེ་དག་ལ་ཆད་པ་གཏོང་ཕྱིར་ཕྱག་བརྐྱངས་ཡོད་པས།  རི་བོ་འགུལ་བ་དང་འཆི་བའི་རོ་རྣམས་གད་སྙིགས་བཞིན་རྒྱ་ལམ་དུ་དོར་བར་འགྱུར།  ད་དུང་གཙོ་བོ་དཀོན་མཆོག་གི་ཐུགས་ཁྲོོ་མི་ཞི་བར་ཆད་པ་གཏོང་བར་ཁོང་གི་ཕྱག་བརྐྱངས་ཡོད་དོ།

Therefore the anger of the Lord was kindled against his people, and he stretched out his hand against them and struck them, and the mountains quaked; and their corpses were as refuse in the midst of the streets. For all this his anger has not turned away, and his hand is stretched out still.

26  གཙོ་བོ་དཀོནམཆོག་གིས།  ཐག་རིང་གི་མི་རིགས་རྣམས་འབོད་གནང་བའི་བརྡ་གཏོང་གནང་བ་དང།  ཁོང་གི་དེ་ཚོ་ལ་ས་གཞི་མཐའ་ནས་ཡོང་དགོས་པའི་སི་བརྡ་གཏོང་གནང་བ་དང།  འདིར་དེ་ཚོ་མགྱོགས་པོར་རྒྱུག་ནས་ཡོང་ངོ།

He will raise a signal for nations far away, and whistle for them from the ends of the earth; and behold, quickly, speedily they come!

27  དེ་ཚོ་སུ་ཡང་ཐང་མི་ཆད་ཅིང་མི་འགྱེལ་བ་དང།  དེ་ཚོ་གཉིད་ཙོག་མི་བརྒྱབ་པ་དང་གཉིད་མི་ཉལ་བ་དང།  སྐེ་རག་ལྷུག་ལྷུག་མི་ཆགས་པ་དང་ལྷམ་སྒྲོག་ཀྱང་མི་ཆད་དོ།

None is weary, none stumbles, none slumbers or sleeps, not a waistband is loose, not a sandal strap broken;

28  དེ་ཚོའི་མདའི་རྩེ་པོ་དང་གཞུ་རྣམས་རྒྱབ་རྒྱུར་གྲ་སྒྲིགས་ཡོད་པ་དང།  དེ་ཚོའི་རྟའི་རྨིག་པ་རྣམས་མེ་རྡོ་བཞིན་མཁྲེགས་པོ་དང་ཤིང་རྟ་འཁོར་ལོའི་འཁོར་ལོ་རྣམས་རླུང་འཚུབ་བཞིན་འཁོར་རོ།

their arrows are sharp, all their bows bent, their horses’ hoofs seem like flint, and their wheels like the whirlwind.

29  སེམས་ཅན་བསད་ནས་སུས་ཀྱང་དེ་ཚོ་ནས་ཕྱིར་འཕྲོག་མི་ཐུབ་པའི་ས་ཆ་དུ་འཁྱེར་བཞིན་པའི་སེང་གེ་རྣམས་ལྟར་དམག་མི་རྣམས་ནས་ངར་སྐད་འདོན་ནོ།

Their roaring is like a lion, like young lions they roar; they growl and seize their prey; they carry it off, and none can rescue.

30  ཉིན་དེ་སླེབས་སྐབས་སུ།  དེ་ཚོས་ཨིསི་རཱཨེལ་གྱི་སྟེང་དུ་རྒྱ་མཚོའི་སྒྲ་སྐད་ཤུགས་ཆེན་པོ་ལྟར་ངར་སྐད་འདོན་ནོ།  ཡུལ་འདིར་ལྟོས་དང་།  མུན་པ་དང་དཀའ་སྡུག་གཅིག་པོ་ཡོད་དོ། མུན་པས་འོད་གྱུར་མིག་བཏང་ཡོད་དོ༎

They will growl over it on that day, like the growling of the sea. And if one looks to the land, behold, darkness and distress; and the light is darkened by its clouds.

ཡེ་ཤ་ཡཱ (4) – Isaiah (4)

1  དུས་དེ་སླེབས་སྐབས་བུད་མེད་བདུན་གྱིས་ཁྱོ་ཞིག་བཟུང་ནས་སྨྲས་པ།  ང་ཚོ་རང་གི་ཁ་ཟས་ཟ་བ་དང་གོས་གྱོན་རྒྱུ་བཅས་ཡོད་པས།  འོན་ཀྱང་ང་ཚོ་ཆང་ས་མ་རྒྱབ་པར་ངོ་ཚ་ལས་གྲོལ་ཕྱིར་ཁྱེད་ང་ཚོའི་ཁྱོ་ཡིན་ཞེས་ང་ཚོར་སྨྲ་བཅུག་རོགས་ཤེས་བརྗོད་དོ༎

And seven women shall take hold of one man in that day, saying, “We will eat our own bread and wear our own clothes, only let us be called by your name; take away our reproach.”

2  གཙོ་བོ་དཀོན་མཆོག་གིས་ཡུལ་དུ་རྩེ་ཤིང་དང་ཤིང་སྡོང་ཚང་མ་ཆེན་པོ་དང་ཡིད་དུ་འོང་བའི་འཚར་བའི་དུས་སྐབས་ཤིག་ཡོང་བ་དང།  ཨིསི་རཱཨེལ་གྱི་མི་མང་གསོན་པོར་ཐར་བ་རྣམས་ཀྱིས་ཡུལ་ནས་ཐོན་པའི་སྟོན་ཐོག་ལ་དགའ་བ་དང་སྤོབས་པ་བྱེད་དོ།

In that day the branch of the Lord shall be beautiful and glorious, and the fruit of the land shall be the pride and honor of the survivors of Israel.

3  དཀོན་མཆོག་གིས་ཡེ་རུ་ཤ་ལེམ་དུ་གསོན་པོར་འདམ་གནང་བའི་མི་ལྷག་ལུས་ཚང་མར་དམ་པ་ཅེས་བརྗོད་པར་འགྱུར་རོ།

And he who is left in Zion and remains in Jerusalem will be called holy, everyone who has been recorded for life in Jerusalem,

4  གཙོ་བོའི་མཐུ་སྟོབས་ཀྱིས་རྒྱལ་ཁབ་ལ་རྟགས་ཞིབ་དང་གཙང་མ་བཟོས་པ་གནང་ནས།  ཡེ་རུ་ཤ་ལེམ་གྱི་ཉེས་སྡེག་དང་དེར་ཁྲག་འཐོར་བའི་ཐིག་རྣམས་འཁྲུས་པར་མཛད་དོ།

when the Lord shall have washed away the filth of the daughters of Zion and cleansed the bloodstains of Jerusalem from its midst by a spirit of judgment and by a spirit of burning.

5  དེ་ནས་གཙོ་བོ་དཀོན་མཆོག་གིས་རི་བོ་ཛི་ཡོན་གྱི་སྟེང་དང་དེར་འདུས་པའི་མི་མང་ཚང་མའི་སྟེང་ཉིན་མོར་སྤྲིན་དང་མཚན་མོར་དུ་བ་དང་མེ་ལྕེ་གསལ་པོར་གཏོང་གནང་ཡོང།  དཀོན་མཆོག་གི་གཟི་བརྗིད་ཀྱིས་གྲོང་ཁྱེར་ཡོངས་སུ་ཁྱབ་པ་དང་སྐྱོབས་པར་མཛད་དོ།

Then the Lord will create over the whole site of Mount Zion and over her assemblies a cloud by day, and smoke and the shining of a flaming fire by night; for over all the glory there will be a canopy.

6  ཁོང་གི་གཟི་བརྗིད་ཀྱིས་གྲོང་ཁྱེར་གྱི་ཉིན་མོའི་དྲོད་ལ་བསིལ་གྲིབ་བྱེད་པ་དང་ས་གནས་དེ་བརྟན་པོར་གྱུར་ནས་ཆར་པ་དང་རླུང་འཚུབ་ནས་སྐྱོབས་པར་བྱེད་དོ༎

There will be a booth for shade by day from the heat, and for a refuge and a shelter from the storm and rain.