གསུང་མགུར 102 – Psalm 102

གསུང་མགུར 102 – Psalm 102

1  གཙོ་བོ་དཀོན་མཆོག་ང་ཡི་སྨོན་ལམ་གསན་རོགས་གནང་།  སྐྱབས་གྲོགས་ཕྱིར་ང་ཡི་འོ་དོད་ལ་ནི་གསན་པར་མཛོད།

2  དཀའ་ངལ་དུས་སུ་ང་ལ་ཁྱེད་ཀྱི་ཞལ་མ་བསྒྱུར།  ང་ཡི་འབོད་དུས་གསན་ནས་མྱུར་དུ་བཀའ་ལན་གནང་།

3  ང་ཡི་མི་ཚེ་དུ་བ་བཞིན་དུ་ཡལ་བཞིན་ཡོད།  ང་ཡི་གཟུགས་ནི་མེ་དང་འདྲ་བ་འཚིག་བཞིན་འདུག།

4  ང་ནི་རྩ་སྐམ་ལྟར་བརྡུང་ནས་སོང་ཡོད་དོ།  ང་ལ་ཁ་ཟས་ཟ་བའི་འདོད་པ་ཡལ་ཡོད་དོ།

5  ང་ནི་དཀའ་ངལ་ནང་དུ་སྐད་ཅོར་རྒྱབ་ཀྱི་ཡོད།  ང་ནི་སྐང་ཞིག་རུས་ལྤགས་གཅིག་པུ་ཆགས་ནས་ཡོད།

6  ང་ནི་འབྲོག་སྟོང་དུ་ནགས་ཀྱི་བྱ་དང་འདྲ་བ་ཡོད།  སྤངས་བའི་གྱང་གོག་ནང་བསྡད་པའི་འུག་པ་འདྲ་བ་ཡོད།

7  ང་ནི་ཉལ་ཡང་གཉིད་ནི་མ་ཁུག་བསྡད་ཀྱི་ཡོད།  ཁང་པའི་ཐོག་གི་བྱིའུ་དང་འདྲ་གཅིག་པོ་ཡིན།

8  ང་ཡི་དགྲ་ཚོས་ཉིན་གང་དམའ་འབེབས་གཏོང་།  ང་ལ་འཕྱ་མཁན་འདི་ཚོས་ང་ཡི་མིང་སྨོན་ལོག་འདེབས་པར་བེད་དཔྱོད་བྱེད།

9-10  ཁྱེད་ཀྱི་ཁྲོ་བ་དང་ནི་ཐུགས་ཁྲོའི་རྐྱེན་གྱིས་ནི།  གོག་ཐལ་དེ་ཚོ་ང་ཡི་ཁ་ཟས་སུ་འགྱུར་ཡོད།  བཏུང་བའི་ནང་དུ་ང་ཡི་མི་ཆུ་སྲེས་ནས་ཡོད།  ཁྱེད་ཀྱིས་ང་ལ་ཡར་ལ་སླང་ནས་དབྱུགས་གནང་ངོ་།

11  ང་ཡི་མི་ཚེ་དགོང་དྲོའི་གྲིབ་ནང་བཞིན་དུ་ཡོད།  ང་ནི་རྩ་དང་འདྲ་བ་སྐམ་པོ་ཡོད།

12  འོན་ཀྱང་དཀོན་མཆོག་ཁྱེད་ནི་རྒྱུན་དུ་རྒྱལ་ཡིན།  མི་རབས་ཡོངས་ཀྱིས་ཁྱེད་ལ་དྲན་གསོ་བྱས་པར་འགྱུར།

13  ཁྱེད་ནི་བཞེངས་ནས་ཛི་ཡོན་ལ་སྙིང་རྗེ་གནང་བར་འགྱུར།  མོ་ལ་སྙིང་རྗེ་བྱེད་པའི་དུས་དེ་སླེབས་ཚར་འདུག།  དུས་ཚོད་འདི་ནི་རྟག་རྟག་རེད།

14  ཛི་ཡོན་མེད་པར་སོང་ཡང་ཁྱེད་ཀྱི་བྲན་པོས་གཅེས་པ་དང་།  མོ་ནི་གྱང་གོག་དུ་འགྱུར་ཡང་དེ་ཚོས་མོ་ལ་སྙིང་རྗེད་གནང།

15  མི་རིགས་རྣམས་ཀྱིས་གཙོ་བོ་དཀོན་མཆོག་ལ་ནི་འཇིགས་པར་འགྱུར།  ས་གཞིའི་རྒྱལ་པོ་ཀུན་གྱིས་ཁོང་གི་སྟོབས་ལ་འཇིགས།

16  གཙོ་བོ་དཀོན་མཆོག་གིས་ཛི་ཡོན་ལ་ནི་སྐྱར་གསོ་གནང་སྐབས།  ཁོང་གི་རང་གི་རླབས་ཆེན་མངོན་པར་སྟོན་གནང་ངོ་།

17  རང་གི་སྤངས་པའི་མི་ཡི་འོ་དོད་ཁོང་གིས་གསན།  དེ་ཚོའི་སྨོན་ལམ་ཁོང་གིས་གསན།

18  མ་འོངས་མི་རབས་ཆེད་དུ་གཙོ་བོ་དཀོན་མཆོག་གིས།  ཁོང་གི་འཕྲིན་ལས་ཇི་གནང་སྐོར་ལ་བྲིས་ནས་བཞག།  རྗེས་སུ་སྐྱེ་བའི་མི་ཆོས་ཁོང་ལ་བསྟོད་པར་འགྱུར།

19  རང་གི་བཞུགས་གནས་དམ་པའི་མཐོ་བའི་ས་གནས་ནས་གཟིགས།  ཁོང་གི་མཐོ་རིས་གནས་ནས་ས་གཞིར་གཟིགས་གནང་ངོ་།

20  ཁོང་གིས་བཙོན་པ་རྣམས་ཀྱི་འོ་དོད་གསན་པ་དང་།  སྲོག་གི་ཉེས་ཆད་འཕོག་པར་ཐར་གྲོལ་གནང་ངོ།

21  དེར་བརྟེན་ཁོང་མཚན་ཛི་ཡོན་དུ་ནི་ཁྱབ་སྒྲགས་བྱེད་པར་འགྱུར།  ཡེ་རུ་ཤ་ལེམ་དུ་ནི་ཁོང་ལ་བསྟོད་པར་འགྱུར།

22  དེ་ཡི་དུས་སུ་མི་རིགས་དང་རྒྱལ་ཁབ་རྣམས།  གཅིག་ཏུ་འཛོམས་ནས་གཙོ་བོ་དཀོན་མཆོག་ལ་མཆོད་དོ།

23  ང་ནི་གཞོན་དུས་གཙོ་བོ་དཀོན་མཆོག་གིས་ངའི་སྟོབས་ཉམས་སུ་བཅུག།  ཁོང་གིས་ང་ཡི་མི་ཚེ་ཐུང་རུ་མཛད་པ་གནང་།

24  ང་ནི་ན་སོ་མ་རྒས་སྔོན་ནས་ཀྱེ་དཀོན་མཆོག།  ད་ལྟ་གཞོན་ནུའི་དུ་ང་ལ་མ་བསྣམས་རོགས།

25  ཡུན་རིང་སྔོན་དུས་ཁྱེད་ཀྱིས་ས་གཞི་བཀོད་པ་གནང་བ་དང་།  ཁྱེད་ཀྱི་རང་གི་ཕྱག་གིས་མཐོ་རིས་བཀོད་གནང་ངོ་།

26  དེ་ཚོ་ཡལ་བར་སོང་ཡང་ཁྱེད་ནི་རྟག་ཏུ་བཞུགས།  གོས་དང་འདྲ་བ་དེ་ཚོ་ཚང་མ་རྙིད་པར་འགྱུར།  ཁྱེད་ཀྱིས་དེ་ཚོར་གོས་བཞིན་དུ་དབྱུགས་པ་གནང་བ་དང།  དེ་ཚོ་ཡལ་བར་འགྱུར།

27  འོན་ཀྱང་ཁྱེད་ནི་རྒྱུན་དུ་བསྒྱུར་བ་མེད་པར་བཞུགས།  ཁྱེད་ཀྱི་སྐུ་ཚེ་དེ་ནི་ཐོག་མཐའ་མེད།

28  ང་ཚོའི་བུ་ཕྲུག་རྣམས་ནི་ཁམས་བཟང་འཚོ་བ་དང་།  ཁྱེད་ཀྱི་སྲུང་སྐྱོབ་འོག་ཏུ་དེ་ཚོའི་རིགས་བརྒྱུད་བརྟེན་པོ་གནས༎

 

 

1 Hear my prayer, O Lord; let my cry come to you!

2 Do not hide your face from me in the day of my distress! Incline your ear to me; answer me speedily in the day when I call!

3 For my days pass away like smoke, and my bones burn like a furnace.

4 My heart is struck down like grass and has withered; I forget to eat my bread.

5 Because of my loud groaning my bones cling to my flesh.

6 I am like a desert owl of the wilderness, like an owl of the waste places;

7 I lie awake; I am like a lonely sparrow on the housetop.

8 All the day my enemies taunt me; those who deride me use my name for a curse.

9 For I eat ashes like bread and mingle tears with my drink, 10 because of your indignation and anger; for you have taken me up and thrown me down.

11 My days are like an evening shadow; I wither away like grass.

12 But you, O Lord, are enthroned forever; you are remembered throughout all generations.

13 You will arise and have pity on Zion; it is the time to favor her; the appointed time has come.

14 For your servants hold her stones dear and have pity on her dust.

15 Nations will fear the name of the Lord, and all the kings of the earth will fear your glory.

16 For the Lord builds up Zion; he appears in his glory; 17 he regards the prayer of the destitute and does not despise their prayer.

18 Let this be recorded for a generation to come, so that a people yet to be created may praise the Lord: 19 that he looked down from his holy height; from heaven the Lord looked at the earth, 20 to hear the groans of the prisoners, to set free those who were doomed to die, 21 that they may declare in Zion the name of the Lord, and in Jerusalem his praise, 22 when peoples gather together, and kingdoms, to worship the Lord.

23 He has broken my strength in midcourse; he has shortened my days.

24 “O my God,” I say, “take me not away in the midst of my days— you whose years endure throughout all generations!”

25 Of old you laid the foundation of the earth, and the heavens are the work of your hands.

26 They will perish, but you will remain; they will all wear out like a garment. You will change them like a robe, and they will pass away, 27 but you are the same, and your years have no end.

28 The children of your servants shall dwell secure; their offspring shall be established before you.

 

གསུང་མགུར 101 – Psalm 101

གསུང་མགུར 101 – Psalm 101

1  ང་ཡི་མགུར་མ་དམ་ཚིག་ཕྱོགས་འཛིན་དང་ཁྲིམས་དྲང་གི་སྐོར་ལ།  ཀྱེ་གཙོ་བོ་དཀོན་མཆོག་ཁྱེད་ཀྱི་དོན་དུ་བཏང་བཞིན་ཡོད།

2  ང་ཡི་སྤྱོད་ལམ་གཙང་བར་བྱུང་བ་དང་།  ཁྱེད་ནི་ངའི་རྩར་ནམ་ཕེབས་སམ།  ང་ནི་ཁྱིམ་དུ་མི་ཚེ་གཙང་མ་སྐྱེལ།

3  ང་ནི་ངན་པར་ནམ་ཡང་བཟོད་སྲན་བྱེད་མི་ཡོང།  དཀོན་མཆོག་ནས་ཁ་བསྒྱུར་མཁན་ཚོའི་བྱ་བ་ང་ཡིས་སྡང།  དེ་ཚོ་མཉམ་དུ་ང་བྱུས་ཐོགས་གང་ཡང་བཞག་གི་མེད།

4  ང་ནི་དྲང་མིན་སྤྱོད་ཚུལ་བྱེད་ཀྱི་མིན།  ལས་ངན་བྱེད་མི་མཉམ་དུ་ལག་འབྲེལ་བྱེད་མི་འགྱུར།

5  གཞན་སྨད་ར་བརྗོད་མཁན་དེ་ལ་ང་ནི་ཕྱིར་དོར་རྒྱུ་ཡིན།  ང་རྒྱལ་གྱོང་པོའི་མི་ལ་ང་ནི་བཟོད་མི་ཐུབ།

6  དཀོན་མཆོག་མཉམ་དམ་ཚིག་ཅན་གནས་མིར་ང་ནི་བློ་མོས་བྱ་རྒྱུ་ཡིན།  དེ་ཚོ་ང་ཡི་ཕོ་བྲང་ནང་དུ་གནས་འཇུག་གོ།  དྲང་པོ་ཡིན་པར་ང་ཡི་ཞབས་ཏོག་བྱེད་དུ་འཇུག།

7  མི་རྫུན་ཅན་ང་ཡི་ཕོ་བྲང་ནང་མི་གནས།  ཟོག་པོ་ང་ཡི་མདུན་དུ་གནས་པར་མི་འགྱུར།

8  ང་ཚོའི་ཡུལ་དུ་ཡོད་པའི་མི་ངན་རྣམས་ལ་ནི།  ང་ནི་ཉིན་རེ་བཞིན་དུ་ཚར་གཅོད་བྱེད་རྒྱུ་ཡིན།  གཙོ་བོ་དཀོན་མཆོག་ཁོང་གི་གྲོང་ཁྱེར་ནས། ངན་པ་རྣམས་ང་ཡིས་དེད་པར་འགྱུར༎

 

 

1 I will sing of steadfast love and justice; to you, O Lord, I will make music.

2 I will ponder the way that is blameless. Oh when will you come to me? I will walk with integrity of heart within my house;

3 I will not set before my eyes anything that is worthless. I hate the work of those who fall away; it shall not cling to me.

4 A perverse heart shall be far from me; I will know nothing of evil.

5 Whoever slanders his neighbor secretly I will destroy. Whoever has a haughty look and an arrogant heart I will not endure.

6 I will look with favor on the faithful in the land, that they may dwell with me; he who walks in the way that is blameless shall minister to me.

7 No one who practices deceit shall dwell in my house; no one who utters lies shall continue before my eyes.

8 Morning by morning I will destroy all the wicked in the land, cutting off all the evildoers from the city of the Lord.

 

གསུང་མགུར 100 – Psalm 100

གསུང་མགུར 100 – Psalm 100

1  ས་གཞི་ཡོངས་ཀྱིས་གཙོ་བོ་དཀོན་མཆོག་ཁོང་ལ་བསྟོད་བསྔོགས་ཤིག།

2  དགའ་བའི་ངང་ནས་ཁོང་ལ་མཆོད་པ་འབུལ།  དགའ་ཞིང་མགུར་མ་ལེན་ནས་ཁོང་དྲུང་ཤོག།

3  གཙོ་བོ་དཀོན་མཆོག་ཁོང་ནི་དཀོན་མཆོག་ཡིན་པ་ཁས་ལེན་ཅིག།  ང་ཚོ་ཁོང་གིས་བཟོས་པས་ང་ཚོ་ཁོང་གི་ཡིན།  ང་ཚོ་ཁོང་གི་མི་འབངས་དང་ལུག་ཚོགས་ཡིན།

4  ཁོང་གི་མཆོད་ཁང་སྒོར་གཏང་རག་འབུལ་ནས་འཛུལ།  དེའི་ཁྱམས་རར་བསྟོད་བསྔགས་ལེན་བཞིན་སོང་།  གཏང་རག་འབུལ་ཞིང་ཁོང་ལ་བསྟོད་བསྔོགས་ཤིག།

5  གཙོ་བོ་དཀོོན་མཆོག་ཁོང་ནི་བཟང་ཞིང་།  ཁོང་གི་བྱམས་པ་མཐའ་མེད་དོ།  ཁོང་གི་དམ་ལྡན་ཚུལ་ནི་རྒྱུན་དུ་གནས༎

 

 

1 Make a joyful noise to the Lord, all the earth!

2 Serve the Lord with gladness! Come into his presence with singing!

3 Know that the Lord, he is God! It is he who made us, and we are his; we are his people, and the sheep of his pasture.

4 Enter his gates with thanksgiving, and his courts with praise! Give thanks to him; bless his name!

5 For the Lord is good; his steadfast love endures forever, and his faithfulness to all generations.