ཡེ་ཤ་ཡཱ (24) – Isaiah (24)

1  གཙོ་བོ་དཀོན་མཆོག་གིས།  ས་གཞིར་གྱང་རོང་དུ་བཏང་གནང་ནས་དེ་མི་མེད་ལུང་སྟོང་དུ་འཇོག་གནང་བར་འགྱུར།  ཁོང་གིས་ས་གཞིའི་དབྱིབས་ལ་བསྒྱུར་བ་གཏོང་གནང་ནས་དེར་གནས་པའི་མི་མང་རྣམས་ཁ་འཐོར་དུ་གཏོང་གནང་བར་བྱའོ།

Behold, the Lord will empty the earth and make it desolate, and he will twist its surface and scatter its inhabitants.

2  བླ་མ་ཚོ་དང་མི་མང་ཚོ་དང་ཚེ་གཡོག་ཚོ་དང་སྦྱིན་བདག་ཚོ་དང་ཉོ་མཁན་ཚོ་དང་ཚོང་མཁན་ཚོ་དང་བུ་ལོན་ལེན་མཁན་ཚོ་དང་གཏོང་མཁན་ཚོ་དང་འབྱོར་ལྡན་དང་དབུལ་ཕོངས་དང་བཅས་པ་ཚང་མའི་སྐྱལ་བ་འདྲ་མཉམ་ཡོང་བར་འགྱུར་རོ།

And it shall be, as with the people, so with the priest; as with the slave, so with his master; as with the maid, so with her mistress; as with the buyer, so with the seller; as with the lender, so with the borrower; as with the creditor, so with the debtor.

3  ས་གཞི་དུམ་བུར་འགྱུར་ནས་གྱང་གོག་ཏུ་གནས་པ་དང།  འདི་ནི་གཙོ་བོ་དཀོན་མཆོག་གིས་བཀའ་གནང་བ་ཡིན་པ་དང།  དེ་ནི་སྒྲུབ་པར་མཛད་པར་འགྱུར་རོ།

The earth shall be utterly empty and utterly plundered; for the Lord has spoken this word.

4  ས་གཞི་སྐམ་ནས་རྙིད་པ་དང།  འཛམ་གླིང་ཡོངས་སུ་ཉམས་པ་དང་།  ས་གཞི་དང་ནམ་མཁའ་གཉིས་ཀ་རུལ་བར་འགྱུར་རོ།

The earth mourns and withers; the world languishes and withers; the highest people of the earth languish.

5  མི་མང་རྣམས་ནས་དཀོན་མཆོག་གི་བཀའ་ཁྲིམས་དང།   ཁོང་གིས་ཇི་སྲིད་ནམ་གནས་བར་འཇོག་གནང་བའི་དམ་བཅའ་ཁག་དང་འགལ་བའི་རྐྱེན་གྱིས་ས་གཞི་མི་གཙང་བ་བཟོས་སོ།

The earth lies defiled under its inhabitants; for they have transgressed the laws, violated the statutes, broken the everlasting covenant.

6  དེ་འདྲ་སོང་ཙང་དཀོན་མཆོག་གིས་ས་གཞིར་དམོད་པ་མཛད་ཡོད་།  དེར་གནས་པའི་མི་མང་རྣམས་ནས་ཇི་བྱས་པར་རིམ་པ་འཇལ་བཞིན་ཡོད།  མི་ཉུང་ཉུང་གསོན་པོར་འཚོ་ཐུབ་ཡོང།

Therefore a curse devours the earth, and its inhabitants suffer for their guilt; therefore the inhabitants of the earth are scorched, and few men are left.

7  རྒུན་ཚལ་རྙིད་པ་དང་རྒུན་ཆང་དཀོན་པོར་འགྱུར་ཡོད།  སྔར་དགའ་སྐྱིད་ཡོད་མཁན་ཚང་མ་ད་ཆ་སེམས་སྡུག་ཏུ་འགྱུར་རོ།

The wine mourns, the vine languishes, all the merry-hearted sigh.

8  ད་དེ་ཚོའི་དགའ་བའི་པི་ཝང་གི་དབྱངས་དང་རྔ་སྒྲ་སྒྲོགས་པར་མི་འགྱུར་རོ།

The mirth of the tambourines is stilled, the noise of the jubilant has ceased, the mirth of the lyre is stilled.

9  རྒུན་ཆང་འཐུང་ནས་དགའ་པོའི་གཞས་གཏོང་མཁན་མེད་པ་དང།  སུས་ཀྱང་དེའི་བྲོ་བར་སླར་ཡང་མྱོང་བར་མི་འགྱུར་རོ།

No more do they drink wine with singing; strong drink is bitter to those who drink it.

10  གྲོང་ཁྱེར་ནང་གནས་ཚུལ་ཚང་མ་ཟིང་ཕྱང་ཡོད་པ་དང་མི་མང་རྣམས་རང་གི་སྲུང་སྐྱབས་ཀྱི་ཆེད་དུ་ཁྱིམ་ནང་དུ་སྒོ་ལྕགས་རྒྱབ་ནས་བསྡད་དོ།

The wasted city is broken down; every house is shut up so that none can enter.

11  མི་མང་རྣམས་ཁྲོམ་ལམ་དུ་སྐད་ཅོར་རྒྱབ་པར་བྱའོ།  གང་ལག་ཟེེར་ན།  དེ་ཚོ་ལ་རྒུན་ཆང་མེད་དོ།  བདེ་སྐྱིད་གཏན་གྱི་ཆེད་དུ་མེད་པ་དང།  དེས་ཡུལ་ནས་རྒྱང་ཕུད་གཏོང་ཡོད་དོ།

There is an outcry in the streets for lack of wine; all joy has grown dark; the gladness of the earth is banished.

12  གྲོང་ཁྱེར་གྱང་གོག་ཏུ་འགྱུར་ཡོད་པ་དང་དེའི་རྒྱལ་སྒོ་རྣམས་བཅག་ཡོད་དོ།

Desolation is left in the city; the gates are battered into ruins.

13  དེ་ལྟར་འཛམ་གླིང་ཡོངས་ཀྱི་རྒྱལ་ཁབ་ཚང་མར་བྱུང་ཡོང།  དེ་ནི་ཁ་སྐྱུར་པོའི་ཤིང་སྡོང་ཚང་མ་དཀྲུག་ཟིན་པ་དང་རྒུན་ཤིང་ནས་རྒུན་འབྲུམ་སྒྲུག་ཟིན་ནས་སྟོན་ཐོག་གི་མཐའ་མ་ལྟ་བུར་བྱུང་ཡོང།

For thus it shall be in the midst of the earth among the nations, as when an olive tree is beaten, as at the gleaning when the grape harvest is done.

14  གསོན་པོར་གནས་མཁན་རྣམས་ནས་དགའ་བའི་ཆེད་དུ་གཞས་གཏོང་བར་འགྱུར།  ནུབ་ཕྱོགས་སུ་ཡོད་མཁན་རྣམས་ནས་གཙོ་བོ་དཀོན་མཆོག་ཇི་ལྟར་རླབས་ཆེན་ཡིན་པའི་སྐོར་བརྗོད་པ་དང།

They lift up their voices, they sing for joy; over the majesty of the Lord they shout from the west.

15  ཤར་ཕྱོགས་སུ་ཡོད་མཁན་ཚོ་ཁོང་ལ་བསྟོད་པ་ཕུལ་བར་འགྱུར།  རྒྱ་མཚོའི་ཉེ་འཁྲིས་སུ་ཡོད་པའི་མི་མང་རྣམས་ནས་གཙོ་བོ་དཀོན་མཆོག་ཨིསི་རཱཨེལ་གྱི་དཀོན་མཆོག་ལ་བསྟོད་པ་ཕུལ་བར་འགྱུར།

Therefore in the east give glory to the Lord; in the coastlands of the sea, give glory to the name of the Lord, the God of Israel.

16  འཛམ་གླིང་ཐག་རིང་ཤོས་ཡུལ་གྲུ་རྣམས་ནས་དྲང་བདེན་གྱི་རྒྱལ་ཁབ་ཨིསི་རཱཨེལ་ལ་བསྟོད་པའི་གཞས་ང་ཚོས་ཐོས་ཡོང།  འོན་ཀྱང་ང་ལ་རེ་བ་གང་ཡང་མེད།  ང་ཆུད་ཟོས་སུ་འགྲོ་བཞིན་ཡོད།  བསླུ་འཁྲིད་མཁན་གྱིས་མུ་མཐུད་བསླུ་འཁྲིད་བྱེད་པ་དང།  དེ་ཚོའི་བསླུ་འཁྲིད་ཇེ་སྡུག་ཏུ་འཕེལ་བར་འགྱུར་རོ།

From the ends of the earth we hear songs of praise, of glory to the Righteous One. But I say, “I waste away, I waste away. Woe is me! For the traitors have betrayed, with betrayal the traitors have betrayed.”

17  ཚང་མས་ང་ལ་ཉོན་ཞིག།  འཇིགས་སྐྲག་དང་ས་དོང་དང་རྙིད་ཀྱིས་ཁྱོད་ཚོར་སྒུག་བཞིན་ཡོད་དོ།

Terror and the pit and the snare are upon you, O inhabitant of the earth!

18  འཇིགས་སྐྲག་ནས་བྲོས་ཐབས་བྱེད་མཁན་རྣམས་ས་དོང་ནང་ལྷུང་བ་དང།  དོང་ནས་བྲོས་ཐར་བ་རྣམས་རྙིས་བཟུང་བར་བྱ།  ནམ་མཁའ་ནས་ཆར་ཤུགས་ཆེན་པོ་བབས་པ་དང་ས་གཞིའི་རྨང་གཞི་རྣམས་འགུལ་བར་བྱེད་དོ།

He who flees at the sound of the terror shall fall into the pit, and he who climbs out of the pit shall be caught in the snare. For the windows of heaven are opened, and the foundations of the earth tremble.

19  ས་གཞི་གས་པ་དང་གཞིགས་པ་དང་དུམ་བུར་གས་ནས་ཁ་ཕྱེ་བར་འགྱུར་རོ།

The earth is utterly broken, the earth is split apart, the earth is violently shaken.

20  ས་གཞི་དེ་ར་བཟི་བའི་མི་བཞིན་འཁྱོར་བ་དང།  རླུང་འཚུབ་ནང་རྩ་གཡབ་ཀྱི་ཁང་ཆུང་གཡོ་བ་ལྟར་གཡོ་བར་འགྱུར།  འཛམ་གླིང་རང་གི་སྡིག་པས་མར་འདེགས་པ་དང་དེ་མར་རྡིབ་ནས་ཡར་རྩ་བ་ནས་ལང་བར་མི་འགྱུར་རོ།

The earth staggers like a drunken man; it sways like a hut; its transgression lies heavy upon it, and it falls, and will not rise again.

21  གཙོ་བོ་དཀོན་མཆོག་གིས།  མཐོ་བའི་ནུས་སྟོབས་དང་ས་གཞིའི་རྒྱལ་པོ་རྣམས་ལ་ཆད་པ་གཏོང་བའི་དུས་ཚོད་ཅིག་ཡོང་བཞིན་ཡོད་དོ།

On that day the Lord will punish the host of heaven, in heaven, and the kings of the earth, on the earth.

22  དཀོན་མཆོག་གིས་རྒྱལ་པོ་རྣམས་ས་དོང་ནང་ཡོད་པའི་བཙོན་པ་ལྟར་བཀོང་བར་འགྱུར། དེ་ཚོ་ལ་ཉེས་ཆད་གཏོང་བའི་དུས་ཚོད་དེ་མ་སླེབས་བར་ཁོང་གིས་དེ་ཚོར་བཙོན་ཁང་ནང་བཅུག་པར་གནང་ངོ།

They will be gathered together as prisoners in a pit; they will be shut up in a prison, and after many days they will be punished.

23  ཟླ་བ་མུན་པར་འགྱུར་བ་དང།  ཉི་མ་སླར་ཡང་འཆར་བར་མི་འགྱུར།  གང་ལ་ཟེར་ན། གཙོ་བོ་དཀོན་མཆོག་ཀུན་དབང་ཅན་རྒྱལ་པོར་གྱུར་ནས། ཁོང་གིས་ཡེ་རུ་ཤ་ལེམ་གྱི་རི་བོ་ཛི་ཡོན་ནས་རྒྱལ་སྲིད་སྐྱོངས་གནང་བ་དང།  མི་མང་གི་འགོ་པ་ཚོས་ཁོང་གི་གཟི་བརྗིད་མཐོང་བར་འགྱུར་རོ༎

Then the moon will be confounded and the sun ashamed, for the Lord of hosts reigns on Mount Zion and in Jerusalem, and his glory will be before his elders.

ཡེ་ཤ་ཡཱ (23) – Isaiah (23)

1  འདི་ནི་ཊ་ཡར་གྱི་སྐོར་ལ་གསུང་འཕྲིན་ཡིན།  རྒྱ་མཚོ་ནས་ཡོང་བའི་གྲུ་པ་ཚོ་མྱ་ངན་གྱི་སྨྲེ་ངག་འདོན་ཞིག  ཁྱོད་ཚོའི་ཊ་ཡར་གྱི་ཡུལ་གྱི་གྲུ་ཁ་དེ་མེད་པར་བཟོས་ཡོད་པ་དང།  དེའི་ཁང་པ་རྣམས་དང་གྲོང་ཁྱེར་གཙོ་བོ་རྣམས་གྱང་འཁོག་དུ་འགྱུར་ཡོད།  ས་ཡི་པེརེསེེ་ཡུལ་ནས་གྲུ་རྣམས་ལོག་ཡོང་སྐབས་ཁྱོད་ཚོས་གནས་ཚུལ་དེ་ཤེས་པར་འགྱུར་རོ།

The oracle concerning Tyre. Wail, O ships of Tarshish, for Tyre is laid waste, without house or harbor! From the land of Cyprus it is revealed to them.

2  སི་དོན་གྱི་ཚོང་པ་ཁྱོད་ཚོ་སྨྲེ་ངག་འདོན་ཞིག།  ཁྱོད་ཚོས་མི་རྣམས་ལ།

Be still, O inhabitants of the coast; the merchants of Sidon, who cross the sea, have filled you.

3  རྒྱ་ཚོའི་ཕ་རོལ་དུ་ཨི་ཇིབ་དུ་སྐྱེས་པའི་འབྲུ་ཉོ་ཚོང་དང་རྒྱལ་ཁབ་ཡོངས་ལ་ཚོང་བྱེད་པར་བཏང་ངོ།

And on many waters your revenue was the grain of Shihor, the harvest of the Nile; you were the merchant of the nations.

4  སི་དོན་གྱི་གྲོང་ཁྱེར་ལ་དམའ་འབེབས་བྱུང་ཡོད།  རྒྱ་མཚོ་དང་རྒྱ་མཚོ་ཆེན་པོའི་གཏིང་ནས་ཁྱོད་ཚོར་བདག་སྤྲོད་མ་བྱས་པར་ང་ལ་ཕྲུ་གུ་རྩ་བ་ནས་བྱུང་མེད་པ་དང།  ངས་བུ་དང་བུ་མོ་ཚོ་འཚར་ལོངས་རྩ་བ་ནས་བྱས་མེད་སྨྲ་བར་འགྱུར།

Be ashamed, O Sidon, for the sea has spoken, the stronghold of the sea, saying: “I have neither labored nor given birth, I have neither reared young men nor brought up young women.”

5  ཨི་ཇིབ་པ་ཚོ་ཡང་ཊ་ཡར་མེད་པར་བཟོ་བའི་སྐོར་ཤེས་པ་དང་དེ་ཚོ་ཧང་སང་ནས་སེམས་ཤུགས་ཆག་པར་འགྱུར།

When the report comes to Egypt, they will be in anguish over the report about Tyre.

6  ཕོ་ནི་སི་ཨའི་མི་མང་རྣམས་མྱ་ངན་གྱི་ངུ་འབོད་བྱོས་ཤིག  ཨིསི་པེན་དུ་བྲོས་ཐབས་བྱོས་ཤིག།

Cross over to Tarshish; wail, O inhabitants of the coast!

7  ཊ་ཡར་གྱི་གྲོང་ཁྱེར་དེ་ལོ་མང་པོའི་སྔོན་ནས་ཆགས་པའི་དགའ་སྐྱིད་ཅན་དེ་ཡིན་ནོ།  རྒྱ་མཚོའི་ཕ་རོལ་དུ་མི་རྣམས་གཞིས་ཆགས་པར་གཏོང་ནས་གྲོང་ཁྱེར་གསར་པ་བཟོས་མཁན་གྲོང་ཁྱེར་འདི་རེད་དམ།

Is this your exultant city whose origin is from days of old, whose feet carried her to settle far away?

8  ཊ་ཡར་རྒྱལ་པོའི་གྲོང་ཁྱེར་དེའི་ཚོང་པ་རྒྱལ་སྲས་རྣམས་ས་གཞི་འདིའི་སྟེང་གུས་བཀུར་ཞུ་བའི་སྐྱེ་བོ་ཡིན།  གྲོང་ཁྱེར་འདི་ཐོག་འདི་ལྟར་ཡོང་བའི་འཆར་གཞི་སུས་གཏིང་པ་རེད་དམ།

Who has purposed this against Tyre, the bestower of crowns, whose merchants were princes, whose traders were the honored of the earth?

9  ཀུན་དབང་ལྡན་པའི་གཙོ་བོ་དཀོན་མཆོག་གིས་འཆར་གཞི་དེ་གཏིང་བ་ཡིན་ནོ།  ཁོང་གིས་དེ་ཚོས་དེ་ལྟར་སྤོབས་པ་བྱེད་པར་མཚམས་འཇོག་གནང་བ་དང་།  དེ་ཚོའི་གུས་བཀུར་ཞུ་བའི་མི་ཚོར་དམའ་འབེབས་མཛད་པའི་ཕྱིར་འཆར་གཞི་བཏིང་གནང་ངོ།

The Lord of hosts has purposed it, to defile the pompous pride of all glory, to dishonor all the honored of the earth.

10  ཁྱོད་ཚོ་ཨིསི་པེན་གྱི་གྲོང་ཁྱེར་གསར་པ་ཁག་ནང་སོང་ལ་ས་གནས་དེར་ཞིང་འདེབས་ཤིག དེར་ཁྱོད་ཚོ་ལ་སྲུང་སྐྱོབ་བྱེད་མཁན་སུ་ཡང་མེད་དོ།

Cross over your land like the Nile, O daughter of Tarshish; there is no restraint anymore.

11  གཙོ་བོ་དཀོན་མཆོག་གིས།  རྒྱ་མཚོའི་སྟེང་དུ་ཁོང་གིས་ཕྱག་བརྐྱངས་ནས་རྒྱལ་ཁབ་རྣམས་ཕམ་པར་མཛད་ཡོད་དོ།  ཁོང་གིས་ཕོ་ནི་སི་ཡན་གྱི་ཚོང་རའི་སྟི་གནས་མེད་པར་བཟོ་བའི་བཀའ་གནང་ཡོད་དོ།

He has stretched out his hand over the sea; he has shaken the kingdoms; the Lord has given command concerning Canaan to destroy its strongholds.

12  སི་དོན་གྱི་གྲོང་ཁྱེར་ཁྱོད་ཀྱི་བདེ་སྐྱིད་རྫོགས་ཡོད་པ་དང།  ཁྱོད་ཚོའི་མི་མང་རྣམས་མནར་གཅོད་མྱོང་ཡོད་པ་དང།  དེ་ཚོ་ས་ཡི་པེརེསེ་རུ་བྲོས་ན་ཡང་དེར་ཡང་སྲུང་སྐྱོབས་མེད་དོ།

And he said: “You will no more exult, O oppressed virgin daughter of Sidon; arise, cross over to Cyprus, even there you will have no rest.”

13  ཊ་ཡར་སྟེང་དུ་གཅན་གཟན་རྣམས་ཀྱིས་ཁེངས་བཅུག་མཁན་དེ་ནི་བྷེ་བྷི་ལོ་ནི་ཨ་པ་ཚོ་ཡིན་པ་དང་ཨ་སུར་པ་ཚོ་མ་ཡིན་ནོ།  བྷེ་བྷི་ལོ་ནི་ཨ་པ་ཚོས་མཐའ་བསྐོར་རུ་གན་དྷོ་ལ་བཟོས་པ་དང་ཊ་ཡར་གྱི་འཛིངས་རག་རྣམས་གཤིགས་པ་དང་གྲོང་ཁྱེར་རྣམས་གྱང་གོག་བཟོས་པ་རེད།

Behold the land of the Chaldeans! This is the people that was not; Assyria destined it for wild beasts. They erected their siege towers, they stripped her palaces bare, they made her a ruin.

14  རྒྱ་མཚོར་ཡོད་པའི་གྲུད་པ་ཚོ་མྱ་ངན་གྱི་སྨྲེ་ངག་འདོན་ཞིག  ཁྱོད་ཚོས་བློས་འགེལ་བའི་གྲོང་ཁྱེར་མེད་པར་བཟོས་ཡོད་དོ།

Wail, O ships of Tarshish, for your stronghold is laid waste.

15  རྒྱལ་པོ་ཞིག་གིས་སྐུ་ཚེའི་དུས་ཡུན་ལོ་བདུན་ཅུའི་རིང་ཊ་ཡར་བརྗེད་པའི་དུས་སྐབས་ཤིག་ཡོང་བཞིན་ཡོད།  ལོ་དུས་དེ་ཡོལ་བའི་རྗེས་སུ་ཊ་ཡར་ནི་གཞས་ནང་གི་དེ་བཞིན་སྨད་འཚོང་མ་ལྟར་འགྱུར་རོ།

In that day Tyre will be forgotten for seventy years, like the days of one king. At the end of seventy years, it will happen to Tyre as in the song of the prostitute:

16  བརྗེད་པའི་སྨད་འཚོང་མ་སྐྱོ་པོ་ཁྱོད།  པི་ཝང་ཐོག་སྟེ་གྲོང་ཁྱེར་ནང་དུ་རྒྱུགས།  ཁྱོ་རྣམས་ཡང་སྐྱར་ཕྱི་རུ་བཀུག་པའི་ཆེད།  པི་ཝང་གཏོང་ནས་ཡང་སྐྱར་གཞས་རྣམས་གཏོང།

“Take a harp; go about the city, O forgotten prostitute! Make sweet melody; sing many songs, that you may be remembered.”

17  ལོ་བདུན་ཅུ་ཐམ་པ་རྫོགས་པའི་རྗེས་ལ་གཙོ་བོ་དཀོན་མཆོག་གིས་ཊ་ཡར་ལ་སྔར་གྱི་ཚོང་བྱེད་དུ་འཇུག་གནང་བ་དང།  མོ་ནི་རང་ལ་འཛམ་གླིང་གི་རྒྱལ་ཁབ་ཚང་མར་གླ་ཆར་སྤྲད།

At the end of seventy years, the Lord will visit Tyre, and she will return to her wages and will prostitute herself with all the kingdoms of the world on the face of the earth.

18  མོས་ཚོང་ནས་བསགས་པའི་དངུལ་ཚོ་གཙོ་བོ་དཀོན་མཆོག་ལ་བསྔོ་བར་བྱེད་དོ།  མོས་དངུལ་གསོག་འཇོག་མི་བྱེད་པ་དང་།  འོན་ཀྱང་གཙོ་བོ་དཀོན་མཆོག་ལ་མཆོད་མཁན་ཚོས་དེ་ཚོ་ལ་དགོས་པའི་ཟས་དང་གོས་ཉོ་བར་མོའི་དངུལ་རྣམས་བེད་སྤྱོད་བྱེད་པར་འགྱུར༎

Her merchandise and her wages will be holy to the Lord. It will not be stored or hoarded, but her merchandise will supply abundant food and fine clothing for those who dwell before the Lord.

ཡེ་ཤ་ཡཱ (22) – Isaiah (22)

1  གསུང་འཕྲིན་འདི་ཞལ་གཟིགས་ཀྱི་ལུང་གཤོང་སྐོར་ལ་ཡིན།  ད་ག་རེ་ཡོང་བཞིན་ཡོད། གྲོང་ཁྱེར་གྱི་མི་མང་རྣམས་ཁང་པའི་རྩེ་ཐོག་ཏུ་གང་གི་དོན་དུ་དུས་སྟོན་བྱེད་བཞིན་ཡོད་དོ།

The oracle concerning the valley of vision. What do you mean that you have gone up, all of you, to the housetops,

2  གྲོང་ཁྱེར་ཡོངས་རྫོགས་སྐད་སྒྲ་དང་ངར་སྟོབས་ཀྱི་ཟང་ཟིང་གིས་ཁེངས་ཡོད་དོ།  ཁྱོད་ཀྱི་མི་ཚོ་དམག་དེའི་ནང་དུ་ཤི་ཡོད་པ་རྣམས་འཐབ་རྩོད་ནང་ཤི་མེད་ཅིང།

you who are full of shoutings, tumultuous city, exultant town? Your slain are not slain with the sword or dead in battle.

3  ཁྱོད་ཀྱི་འགོ་འཛིན་ཚང་མ་བྲོས་འགྲོ་བ་དང་དེ་ཚོས་མདའ་གཅིག་མ་འཕེན་པའི་སྔོན་དུ་བཟུང་ངོ་།

All your leaders have fled together; without the bow they were captured. All of you who were found were captured, though they had fled far away.

4  ད་ང་མི་མང་ཤི་བ་དེ་ཚོ་ཚང་མའི་ཆེད་དུ་ང་ལ་གཅིག་པུར་བཞག་ནས་རབ་ཏུ་ངུ་རུ་བཅུག་ཅིག་  ང་ལ་སེམས་གསོ་གཏོང་ཐབས་མ་བྱེད་ཅིག

Therefore I said: “Look away from me; let me weep bitter tears; do not labor to comfort me concerning the destruction of the daughter of my people.”

5  ཞལ་གཟིགས་ཀྱི་ལུང་གཤོང་ནང་མགོ་རྙོག་དང་དངངས་སྐྲག་དང་ཕམ་པའི་དུས་སྐབས་ཡིན།  འདི་ནི་བླ་ན་མེད་པའི་གཙོ་བོ་དཀོན་མཆོག་ཀུན་དབང་ཅན་གྱི་གིས་ང་ཚོའི་ཐོག་ཏུ་གཏོང་གནང་བ་ཡིན།  ང་ཚོའི་གྲོང་ཁྱེར་གྱི་ལྕགས་རི་རྣམས་སྟོར་ཡོད་པ་དང་རི་བོ་རྣམས་ཀྱི་ཁྲོད་དུ་རོགས་པ་ཞུ་བའི་ཆེད་ངུ་སྐད་ཀྱིས་བྲག་ཆར་འཐབ་བོ།

For the Lord God of hosts has a day of tumult and trampling and confusion in the valley of vision, a battering down of walls and a shouting to the mountains.

6  ཨེ་ལམ་ཡུལ་གྱི་དམག་མི་རྣམས་རྟར་ཞོན་ནས་མདའ་དང་གཞུའི་གོ་མཚོན་དང་བཅས་ཡོང་བ་དང།  ཀིར་ཡུལ་གྱི་དམག་མི་རྣམས་ནས་དེ་ཚོའི་ཕུབ་གྲ་སྒྲིགས་ཡོད་དོ།

And Elam bore the quiver with chariots and horsemen, and Kir uncovered the shield.

7  ས་ལུས་འཛོམས་པའི་ཡ་ཧུ་དཱའི་ལུང་གཤོང་དེ་ཚོ་ཤིང་རྟ་འཁོར་ལོས་ཁེངས་པ་དང།  རྟ་ལ་ཞོན་པའི་དམག་མི་རྣམས་ཡེ་རུ་ཤ་ལེམ་གྱི་རྒྱལ་སྒོ་རྣམས་ཀྱི་མདུན་དུ་ལངས་སོ།

Your choicest valleys were full of chariots, and the horsemen took their stand at the gates.

8  ཡ་ཧུ་དཱའི་སྲུང་སྐྱོབས་ཡོངས་རྫོགས་གཞིགས་སོ།  དེ་ལྟར་བྱུང་སྐབས་ཁྱོད་ཀྱི་གོ་མཛོད་ཁང་ནས་མཚོན་ཆ་རྣམས་འཁྱེར་ཡོང་ངོ།

He has taken away the covering of Judah. In that day you looked to the weapons of the House of the Forest,

9-10  ཁྱོད་ཀྱིས་ཉམས་གསོ་བྱེད་དགོས་པའི་ཡེ་རུ་ཤ་ལེམ་གྱི་ལྕགས་རི་རྣམས་རྙེད་དོ། ཁྱོད་ཀྱིས་ཡེ་རུ་ཤ་ལེམ་གྱི་ཁང་ཁྱིམ་ཚང་མར་རྟགས་ཞིབ་བྱས་ནས་གྲོང་ཁྱེར་གྱི་ལྕགས་རི་རྣམས་ཉམས་གསོ་བྱེད་པའི་ཆེད་རྡོ་ཐོབ་པའི་ཕྱིར་ཁང་ཁྱིམ་ཁ་ཤས་བཤིགས་སོ། ཆུ་གསོག་པའི་ཆེད་དུ།

and you saw that the breaches of the city of David were many. You collected the waters of the lower pool, and you counted the houses of Jerusalem, and you broke down the houses to fortify the wall.

11  གྲོང་ཁྱེར་གྱི་ནང་ཆུ་རྫིང་རྙིང་པ་རྣམས་ཆུ་རྒྱུགས་ནས་གསོགས་པའི་ཆེད་ཆུ་མཛོད་ཞིག་བཟོས་སོ།  འོན་ཀྱང་དུས་ཡུན་རིང་པོའི་སྔོན་ནས་འཆར་གཞི་དེ་ལྟར་བཟོ་གནང་བ་དང།  དེ་ལྟར་བྱུང་བ་མཛད་མཁན་དཀོན་མཆོག་ལ་ཁྱོད་ཀྱིས་དོ་སྣང་མི་བྱེད་དོ།

You made a reservoir between the two walls for the water of the old pool. But you did not look to him who did it, or see him who planned it long ago.

12  དུས་སྐབས་དེ་ལ་བླ་ན་མེད་པའི་གཙོ་བོ་དཀོན་མཆོག་ཀུན་དབང་ཅན་གྱིས།  ཁྱོད་ཚོ་ངུ་བ་དང་མྱ་ངན་བྱེད་པ་དང་ཁྱོད་ཚོའི་སྐྲ་བཞར་བ་དང་རྩ་ཕད་ཀྱི་གོས་གྱོན་པའི་ཆེད་འབོད་བཞིན་ཡོད་དོ།

In that day the Lord God of hosts called for weeping and mourning, for baldness and wearing sackcloth;

13  དེའི་ཚབ་ལ་ཁྱོད་ཚོས་གད་མོ་གད་པ་དང་དུས་སྟོན་བྱེད་དོ།  ཁྱོད་ཚོས་ཟ་བའི་ཆེད་ལུག་དང་བ་ཕྱུགས་གསོད་པ་དང་རྒུན་ཆང་འཐུང་བ་དང།  ཁྱོད་ཚོས་ང་ཚོ་ཟ་བ་དང་འཐུང་བ་བྱ་དགོས།  སང་ཉིན་ང་ཚོ་འཆི་བར་འགྱུར་ཞེས་སྨྲས་སོ།

and behold, joy and gladness, killing oxen and slaughtering sheep, eating flesh and drinking wine. “Let us eat and drink, for tomorrow we die.”

14  བླ་ན་མེད་པའི་གཙོ་བོ་དཀོན་མཆོག་ཀུན་དབང་ཅན་གྱིས་ཁོང་རང་ཉིད་ནས་ང་ལ་བཀའ་གནང་བར།  དེ་ཚོས་བྱས་པས་ལས་ངན་གྱི་ཆེད་དུ་དེ་ཚོ་ཇི་སྲིད་ནམ་གནས་བར་བཟོད་གསོལ་ནམ་ཡང་ཐོབ་མི་ཡོང།  ང་བླ་ན་མེད་པའི་གཙོ་བོ་དཀོན་མཆོག་ཀུན་དབང་ཅན་གྱིས་སྨྲས་པ་ཡིན་ནོ༎

The Lord of hosts has revealed himself in my ears: “Surely this iniquity will not be atoned for you until you die,” says the Lord God of hosts.

15  བླ་ན་མེད་པའི་གཙོ་བོ་དཀོན་མཆོག་ཀུན་དབང་ཅན་གྱིས།  ང་ལ་རྒྱལ་པོའི་ཁྱིམ་ཚང་གི་ཕྱག་མཛོད་ཤེབ་ན་རྩར་ཕྱིན་ནས་འདི་ལྟར་སྨྲས་པར་བཀའ་གནང་བྱུང།

Thus says the Lord God of hosts, “Come, go to this steward, to Shebna, who is over the household, and say to him:

16  ཁྱོད་ཀྱི་བསམ་པར་ཁྱོད་སུ་ཡིན་བསམ་གྱི་འདུག་གམ།  ཁྱོད་ཀྱི་ཆེད་དུ་བྲག་རིར་རོ་ཁང་བཀོས་བའི་ཐོབ་ཐང་ཡོད་དམ།

What have you to do here, and whom have you here, that you have cut out here a tomb for yourself, you who cut out a tomb on the height and carve a dwelling for yourself in the rock?

17  ཁྱོད་གཙོ་བོ་ཡིན་ན་ཡང།  གཙོ་བོ་དཀོན་མཆོག་གིས་ཁྱོད་ལ་ཡར་སྒྲུག་གནང་ནས་ཕར་འཕེན་པར་མཛད་དོ།

Behold, the Lord will hurl you away violently, O you strong man. He will seize firm hold on you

18  ཁོང་གིས་ཁྱོད་ལ་པོ་ལོ་བཞིན་ཡར་སྒྲུག་གནང་ནས་ཡུལ་ཧ་ཅང་ཆེ་བ་ཞིག་ནང་འཕེན་པར་མཛད་དོ།  ཁྱོད་ཀྱིས་ཧ་ཅང་སྤོབས་པ་བྱེད་པའི་ཤིང་རྟ་འཁོར་ལོ་ཚོའི་ཉེ་འཁྲིས་སུ་ཁྱོད་འཆི་བར་འགྱུར།  ཁྱོད་ཀྱི་སྦྱིན་བདག་གི་ཁྱིམ་ཚང་ནང་ཁྱོད་རང་ཞབས་འདྲེན་ཡིན་ནོ།

and whirl you around and around, and throw you like a ball into a wide land. There you shall die, and there shall be your glorious chariots, you shame of your master’s house.

19  གཙོ་བོ་དཀོན་མཆོག་གིས།  ཁྱོད་ལས་ཁུངས་ནས་ཕྱིར་འབུད་གནང་བ་དང་ཁྱོད་ཀྱི་གོ་གནས་མཐོ་རིམ་ནས་མར་འབེབས་པར་གནང་ངོ།

I will thrust you from your office, and you will be pulled down from your station.

20  གཙོ་བོ་དཀོན་མཆོག་གིས་ཤེབ་ན་ལ་གསུངས་པ།  དེ་ལྟར་བྱུང་སྐབས་ངས་ཧིལ་ཀི་ཡཱའི་བུ་ངའི་ཞབས་ཕྱི་ཨེལ་ཡ་ཀིམ་ལ་སྐད་གཏོང་རྒྱུ་ཡིན།

In that day I will call my servant Eliakim the son of Hilkiah,

21  ངས་ཁོ་ལ་ཁྱོད་ཀྱི་ལས་བྱེད་པའི་གོས་དེ་བསྐོན་ནས་སྐེ་རག་དེ་བཅིངས་ནས་ཁྱོད་ཀྱི་དབང་ཆ་ཚང་མ་ཁོ་ལ་སྤྲོད་རྒྱུ་ཡིན་ནོ།  ཁོ་ནི་ཡེ་རུ་ཤ་ལེམ་དང་ཡ་ཧུ་དཱའི་མི་མང་གི་ཆེད་དུ་ཕ་བཞིན་དུ་འགྱུར་རོ།

and I will clothe him with your robe, and will bind your sash on him, and will commit your authority to his hand. And he shall be a father to the inhabitants of Jerusalem and to the house of Judah.

22  ངས་དཱ་བིད་ཀྱི་རིགས་བརྒྱུད་ཀྱི་རྒྱལ་པོའི་འོག་ཁོ་པར་དབང་ཆ་ཆ་ཚང་སྤྲད་ནས།  ཁོ་ལ་ལས་ཁུངས་ཀྱི་ལྡེ་མིག་ཡོད་པ་དང་ཁོས་ཕྱེས་པ་རྣམས་སུས་ཀྱང་རྒྱབ་མི་ཐུབ་པ་དང་ཁོས་རྒྱབ་པ་རྣམས་སུས་ཀྱང་ཕྱེས་མི་ཐུབ་བོ།

And I will place on his shoulder the key of the house of David. He shall open, and none shall shut; and he shall shut, and none shall open.

23  ངས་ཁོ་ལ་ཕུར་པ་ལྟར་ས་གནས་བརྟན་པོར་བཙུགས་པ་དང།  ཁོ་རང་གི་ཁྱིམ་ཚང་གི་གུས་བརྩི་འབྱུང་ཁུངས་སུ་འགྱུར་རོ།

And I will fasten him like a peg in a secure place, and he will become a throne of honor to his father’s house.

24  འོན་ཀྱང་ཁོ་པའི་གཉེན་ཉེ་བ་དང་བློ་བཅོལ་བ་རྣམས་ཁོ་པའི་འཁུར་པོ་ལྟ་བུར་འགྱུར། དེ་ཚོ་ནི་སྣོད་དང་དུང་ཕན་སོགས་ཕུར་པར་འཁོན་པ་ལྟ་བུར་ཁོ་པའི་སྟེང་འཁོན་པར་འགྱུར་རོ།

And they will hang on him the whole honor of his father’s house, the offspring and issue, every small vessel, from the cups to all the flagons.

25  དེ་ལྟར་བྱུང་སྐབས་ཕུར་པ་དམ་པོར་བཙུགས་པ་དེ་ལྷུག་ལྷུག་ཆག་པ་དང་འགྱེལ་བར་འགྱུར།  དེ་ནི་དེ་ལ་བཀལ་བ་ཐམས་ཅད་ཀྱི་མཐའ་མར་འགྱུར།  གཙོ་བོ་དཀོན་མཆོག་གིས་བཀའ་གནང་ངོ༎

In that day, declares the Lord of hosts, the peg that was fastened in a secure place will give way, and it will be cut down and fall, and the load that was on it will be cut off, for the Lord has spoken.”