ཡེ་ཤ་ཡཱ (20) – Isaiah (20)

1  ཨ་སུར་གྱི་རྒྱལ་པོ་ཆེན་པོ་སར་གོན་གྱི་བཀའ་ལྟར་ཨ་སུར་པ་དམག་དཔུང་གི་དམག་སྤྱི་ཆེན་པོས་ཕེ་ལེ་ཤེད་པའི་གྲོང་ཁྱེར་ཨཤ་དྷོད་ལ་དམག་འཐབ་གནང་ངོ།

In the year that the commander in chief, who was sent by Sargon the king of Assyria, came to Ashdod and fought against it and captured it—

2  ལོ་གསུམ་གྱི་སྔོན་ལ་གཙོ་བོ་དཀོན་མཆོག་གིས།  ཨ་མོཛའི་བུ་ཡེ་ཤ་ཡཱ་ལ་ཁོས་གྱོན་པའི་ལྷམ་དང་རྩ་ཕད་ཀྱི་གྱོན་གོས་ཕུད་ཅིག་གསུངས་སོ།  ཁོས་དེ་བཞིན་བྱས་ཏེ་དམར་ཧྲང་ང་དང་རྐང་རྗན་མར་འགྲུལ་ལོ།

at that time the Lord spoke by Isaiah the son of Amoz, saying, “Go, and loose the sackcloth from your waist and take off your sandals from your feet,” and he did so, walking naked and barefoot.

3  ཨཤ་དྷོད་འཛིན་བཟུང་སྐབས་སུ་གཙོ་བོ་དཀོན་མཆོག་གིས།  ངའི་ཞབས་ཕྱི་ཡེ་ཤ་ཡཱ་ལོ་གསུམ་རིང་དམར་ཧྲང་དང་རྐང་རྗེན་མར་འགྲུལ་བཞིན་ཡོད་དོ།  དེ་ནི་ཨི་ཇིབ་དང་ཨི་ཐི་ཨོ་པི་ཡ་གཉིས་ལ་ཇི་ཡོང་བའི་རྟགས་མཚན་ཡིན་ནོ།

Then the Lord said, “As my servant Isaiah has walked naked and barefoot for three years as a sign and a portent against Egypt and Cush,

4  ཨ་སུར་གྱི་རྒྱལ་པོ་ཆེན་པོས་ཡུལ་དེ་ཚོ་གཉིས་ནས་བཟུང་བའི་བཙོན་པ་མི་རྒན་གཞོན་ཚང་མ་རྐང་རྗེན་མ་དང་དམར་ཧྲང་ང་དེ་ཚོར་རྐུབ་སྟོན་ནས་ཡོད་པར་སྣེ་འཁྲིད་གནང་ནས། ཨི་ཇིབ་ཐོག་ངོ་ཚ་བ་བཟོས་བར་འགྱུར།

so shall the king of Assyria lead away the Egyptian captives and the Cushite exiles, both the young and the old, naked and barefoot, with buttocks uncovered, the nakedness of Egypt.

5  ཨི་ཐི་ཨོ་པི་ཡ་ལ་བློ་གཅོལ་བྱེད་མཁན་དང་ཨི་ཇིབ་ཀྱི་སྐོར་ལ་སྤོབས་པ་བྱེད་མཁན་རྣམས་འཇིག་པ་དང་ངོ་འཚེའི་ནང་ཚུད་པར་འགྱུར་རོ།

Then they shall be dismayed and ashamed because of Cush their hope and of Egypt their boast.

6  དུས་ཚོད་དེ་སླེབས་སྐབས་སུ།  རྒྱ་མཚོའི་མཐའ་འཁོར་དུ་བསྡད་པའི་ཕེ་ལེ་ཤེད་ཀྱི་མི་མང་རྣམས་ཀྱིས། ལྟོས་དང་།  ང་ཚོ་ལ་ཨ་སུར་གྱི་རྒྱལ་པོ་ཆེན་པོ་ནས་སྐྱོབས་ཡོང་ཞེས་བློ་འགལ་བའི་མི་མང་ཚོར་ག་རེ་བྱུང་སོང་ངམ།  ད་ང་ཚོ་ཇི་ལྟར་འཚོ་ཐུབ་བམ་ཞེས་སྨྲས་ཡོང༎

And the inhabitants of this coastland will say in that day, ‘Behold, this is what has happened to those in whom we hoped and to whom we fled for help to be delivered from the king of Assyria! And we, how shall we escape?’”

ཡེ་ཤ་ཡཱ (19) – Isaiah (19)

1  གསུང་འཕྲིན་འདི་ཨི་ཇིབ་པ་ཚོའི་སྐོར་ལ་ཡིན།  གཙོ་བོ་དཀོན་མཆོག་སྤྲིན་པར་ཆིབས་ནས་ཨི་ཇིབ་ཡུལ་དུ་ཁྱུག་པོར་ཕེབས་བཞིན་ཡོད།  ཁོང་གི་མདུན་དུ་ཨི་ཇིབ་པའི་འདྲ་སྐུ་རྣམས་འདར་བ་དང་ཨི་ཇིབ་ཀྱི་མི་མང་རྣམས་ཀྱི་སེམས་ཤུགས་ཆགས་ཡོད་དོ།

An oracle concerning Egypt. Behold, the Lord is riding on a swift cloud and comes to Egypt; and the idols of Egypt will tremble at his presence, and the heart of the Egyptians will melt within them.

2  གཙོ་བོ་དཀོན་མཆོག་གིས་གསུངས་པ།  ངས་ཨི་ཇིབ་ཀྱི་ཡུལ་མིའི་དབར་དམག་འཁྲུགས་སློང་རྒྱུ་དང་སྤུན་གྱིས་སྤུན་དང་ཁྱིམ་མཚེས་ཁྱིམ་མཚེས་ལ་རྒོལ་བཅུག་རྒྱུ་ཡིན།  གྲོང་ཁྱེར་རྣམས་གཅིག་གིས་གཅིག་ལ་འཐབ་པ་དང།  རྒྱལ་པོ་རྣམས་དབང་ཆེའི་ཆེད་དུ་འཐབ་པར་འགྱུར་རོ།

And I will stir up Egyptians against Egyptians, and they will fight, each against another and each against his neighbor, city against city, kingdom against kingdom;

3  ངས་ཨི་ཇིབ་པའི་འཆར་གཞི་རྣམས་འཁྲུག་ཏུ་འཇུག་རྒྱུ་དང་དེ་ཚོའི་སེམས་ཤུགས་མེད་པ་བཟོ་རྒྱུ་ཡིན།  དེ་ཚོའི་སྐུ་འདྲར་རོགས་བྱེད་དགོས་བརྗོད་རྒྱུ་དང།  དེ་ཚོས་ལྷ་པར་བཀའ་བསྡུར་ཞུ་བར་འགྲོ་བ་དང་གཤིན་པོའི་རྣམ་ཤེས་ལ་སློབ་སྟོན་ཞུ་བར་འགྱུར་རོ།

and the spirit of the Egyptians within them will be emptied out, and I will confound their counsel; and they will inquire of the idols and the sorcerers, and the mediums and the necromancers;

4  ངས་ཨི་ཇིབ་པ་ཚོ་ལ་མནར་གཅོོད་ཅན་དང་སྡུག་རྩུབ་ཅན་གྱི་རྒྱལ་པོ་ཞིག་ལ་རྩིས་སྤྲོད་བྱ་རྒྱུ་དང་ཁོས་དེ་ཆོའི་ཐོག་ཏུ་རྒྱལ་སྲིད་སྐྱོངས་བར་འགྱུར།  ང་ཀུན་དབང་ཅན་གྱི་གཙོ་བོ་དཀོན་མཆོག་གིས་སྨྲས་པ་ཡིན།

and I will give over the Egyptians into the hand of a hard master, and a fierce king will rule over them, declares the Lord God of hosts.

5  ན་ཨེལ་གྱི་གཙང་པོ་དེ་ཆུང་ངུར་སོང་ནས་རིམ་བཞིན་དེ་སྐམ་པར་འགྱུར་རོ།

And the waters of the sea will be dried up, and the river will be dry and parched,

6  རྒྱུགས་ཆུ་འགྲོ་སའི་ཡུར་བ་དེ་ག་ལེར་སྐམ་ནས་དྲི་མ་བྲོ་བ་དང།  འདམ་རྩ་དང་སྨྱུག་རྩ་རྣམས་སྐམ་པར་འགྱུར་རོ།

and its canals will become foul, and the branches of Egypt’s Nile will diminish and dry up, reeds and rushes will rot away.

7  ན་ཨེལ་གཙང་པོའི་འགྲམ་དུ་བཏབ་པའི་སྟོན་ཐོག་རྣམས་སྐམ་ནས་རླུང་གིས་འཁྱེར་རོ།

There will be bare places by the Nile, on the brink of the Nile, and all that is sown by the Nile will be parched, will be driven away, and will be no more.

8  ན་ཨེལ་གཙང་པོ་ནས་ཉ་ཟིན་ནས་མི་ཚེ་སྐྱེལ་མཁན་རྣམས་སྐད་ངན་འདོན་ནས་ངུའོ། དེ་ཚོའི་ལྕགས་ཀྱུ་དང་དྲ་བ་རྣམས་ཕན་མེད་དུ་འགྱུར་རོ།

The fishermen will mourn and lament, all who cast a hook in the Nile; and they will languish who spread nets on the water.

9  ཀ་ཤི་ཀའི་རས་བཟོ་མཁན་རྣམས་ཡིད་མུག་པར་འགྱུར་རོ།

The workers in combed flax will be in despair, and the weavers of white cotton.

10  ཐག་མཁན་དང་ལག་རྩལ་ལྡན་པའི་ལས་མི་རྣམས་སེམས་ཤུགས་ཆགས་པ་དང་ཡིད་མུག་པར་འགྱུར་རོ།

Those who are the pillars of the land will be crushed, and all who work for pay will be grieved.

11  ཛོ་ཨན་གྲོང་ཁྱེར་གྱི་འགོ་འཛིན་རྣམས་གླེན་པ་ཡིན།  ཨི་ཇིབ་ཀྱི་སྐྱེ་བོ་ཤེས་རབ་ཆེ་ཤོས་ཚོས་ཀྱང་གླེན་པའི་སླབ་བྱ་སྤྲད་དོ།  དེ་ཚོས་རྒྱལ་པོ་ལ་དེ་ཚོ་སྔོན་གྱི་མཁས་དབང་དང་རྒྱལ་པོ་ཚོའི་ཤུལ་འཛིན་ཡིན་ཞེས་ཇི་ལྟར་ཞུ་ནུས་སམ།

The princes of Zoan are utterly foolish; the wisest counselors of Pharaoh give stupid counsel. How can you say to Pharaoh, “I am a son of the wise, a son of ancient kings”?

12  ཨི་ཇིབ་ཀྱི་རྒྱལ་པོ་ཁྱེད་ཀྱི་སློབ་སྟོན་པ་གྲུང་པོ་ཚོ་གང་དུ་སོང།  ཕལ་ཆེར་དེ་ཚོས་ཀུན་དབང་ཅན་གྱི་གཙོ་བོ་དཀོན་མཆོག་གིས་ཨི་ཇིབ་ཀྱི་ཆེད་དུ་འཆར་གཞི་ཇི་འདྲ་གཏིང་གནང་བ་བརྗོད་ཐུབ་བོ།

Where then are your wise men? Let them tell you that they might know what the Lord of hosts has purposed against Egypt.

13  ཛོ་ཨན་དང་མེམ་ཕིསིའི་འགོ་འཛིན་རྣམས་གླེན་པ་ཡིན།  དེ་ཚོ་ནི་རྒྱལ་ཁབ་ཀྱི་སྣེ་འཁྲིད་མཁན་ཡིན་ན་ཡང་དེ་ཚོས་ལམ་ནོར་དུ་འཁྲིད་ཡོད་དོ།

The princes of Zoan have become fools, and the princes of Memphis are deluded; those who are the cornerstones of her tribes have made Egypt stagger.

14  གཙོ་བོ་དཀོན་མཆོག་གིས་དེ་ཚོ་ལ་བློ་རྨངས་པའི་ལམ་སྟོན་བྱེད་དུ་འཇུག་གནང་ཡོད། དེའི་རྐྱེན་གྱིས་ཨི་ཇིབ་ཀྱིས་ནོར་འཁྲུལ་འབའ་ཞིག་བྱེད་པ་དང།  མི་ར་བཟི་བ་བཞིན་འཁྱོར་ནས་རང་གི་སྐྱུག་པའི་སྟེང་འདྲེད་དག་ཤོར་རོ།

The Lord has mingled within her a spirit of confusion, and they will make Egypt stagger in all its deeds, as a drunken man staggers in his vomit.

15  ཨི་ཇིབ་དུ་མི་དབུལ་པོའམ་ཕྱུག་པོ་དང་མི་གཙོ་ཆེའམ་རྒྱུས་མེད་བཅས་སུས་ཀྱང་རོགས་བྱེད་མི་ཐུབ་བོ༎

And there will be nothing for Egypt that head or tail, palm branch or reed, may do.

16  ཨི་ཇིབ་ཀྱི་མི་མང་རྣམས་བུད་མེད་ལྟ་བུར་བློ་ཁོག་ཆུང་བར་འགྱུར་བའི་དུས་ཤིག་ཡོང། དེ་ཚོར་ཀུན་དབང་ཅན་གྱི་གཙོ་བོ་དཀོན་མཆོག་གིས་ཉེས་ཆད་གཏོང་འགྱུར་ཕྱག་བརྐྱངས་གནང་བ་མཐོང་ནས་དེ་ཚོ་འཇིགས་སྣང་ངང་འདར་བར་འགྱུར་རོ།

In that day the Egyptians will be like women, and tremble with fear before the hand that the Lord of hosts shakes over them.

17  ཀུན་དབང་ཅན་གྱི་གཙོ་བོ་དཀོན་མཆོག་གིས་ཨི་ཇིབ་ཀྱི་མི་མང་རྣམས་ལ་ཇི་ལྟར་མཛད་འཆར་ཡོད་སྐོར་དྲན་གསོ་བྱེད་སྐབས་དེ་ཚོ་ཡ་ཧུ་དཱ་པར་ཤིན་ཏུ་འཇིགས་པར་འགྱུར་རོ།

And the land of Judah will become a terror to the Egyptians. Everyone to whom it is mentioned will fear because of the purpose that the Lord of hosts has purposed against them.

18  དུས་ཚོད་དེ་སླེབས་སྐབས་སུ།  ཨི་ཇིབ་པའི་གྲོང་ཁྱེར་ལྔའི་ནང་ལ་ཨིབ་རི་པའི་སྐད་དེ་བེད་སྤྱོད་བྱེད་པ་དང། དེར་ཡོད་པའི་མི་མང་ཚོས་ཀུན་དབང་ཅན་གྱི་གཙོ་བོ་དཀོན་མཆོག་གི་མཚན་ནས་མནའ་བསྐྱེལ་བར་བྱེད་དོ།  གྲོང་ཁྱེར་ཞིག་ལ་ཉི་མའི་གྲོང་ཁྱེར་ཞེས་གྲགས་པར་འགྱུར་རོ།

In that day there will be five cities in the land of Egypt that speak the language of Canaan and swear allegiance to the Lord of hosts. One of these will be called the City of Destruction.

19  དུས་ཚོད་དེ་སླེབས་སྐབས་སུ།  ཨི་ཇིབ་ཡུལ་དུ་གཙོ་བོ་དཀོན་མཆོག་ལ་མཆོད་ཁྲིད་ཞིག་བྱུང་བ་དང།  ཨི་ཇིབ་ཀྱི་ས་མཚམས་སུ་ཁོང་ལ་རྡོའི་ཀ་བ་ཞིག་བསྔོ་བར་འགྱུར།

In that day there will be an altar to the Lord in the midst of the land of Egypt, and a pillar to the Lord at its border.

20  དེ་ཚོ་ནི་ཀུན་དབང་ཅན་གྱི་གཙོ་བོ་དཀོན་མཆོག་ཨི་ཇིབ་དུ་བཞུགས་པའི་རྟགས་སུ་འགྱུར།  དེར་ཡོད་པའི་མི་མང་རྣམས་ལ་མནར་གཅོད་བྱུང་སྐབས་སྐྱབས་རོགས་སུ་གཙོ་བོ་དཀོན་མཆོག་ལ་འབོད་བསྐུལ་ཞུས་པ་ཡིན་ན།  ཁོང་གིས་སུ་ཞིག་ལ་སྐྱོབ་པར་གཏོང་གནང་ངོ།

It will be a sign and a witness to the Lord of hosts in the land of Egypt. When they cry to the Lord because of oppressors, he will send them a savior and defender, and deliver them.

21  གཙོ་བོ་དཀོན་མཆོག་ཁོང་རང་ཨི་ཇིབ་པའི་མི་མང་རྣམས་ལ་མངོན་པར་མཛད་རྒྱུ་དང། དེ་ཚོས་ཁོང་ལ་ངོས་ལེན་ཞུས་ནས་མཆོད་པ་དང་དམར་མཆོད་དང་འབུལ་བ་རྣམས་ཕུལ་བར་འགྱུར།  དེ་ཚོས་ཁོང་ལ་དམ་བཅའ་བརྟན་པོ་ཕུལ་བ་ལྟར་བྱས་པར་འགྱུར།

And the Lord will make himself known to the Egyptians, and the Egyptians will know the Lord in that day and worship with sacrifice and offering, and they will make vows to the Lord and perform them.

22  གཙོ་བོ་དཀོན་མཆོག་གིས་ཨི་ཇིབ་པ་ཚོར་ཆད་པ་གཏོང་གནང་ན་ཡང་ཁོང་གིས་དེ་ཚོ་གསོ་བར་མཛད་དོ།  དེ་ཚོ་ཁོང་གི་ཕྱོགས་སུ་ཁ་སྒྱུར་ནས་དེ་ཚོས་སྐྱབས་ཞུ་བ་དང་ཁོང་གིས་དེ་ཚོའི་གསོལ་འདེབས་ལ་གསན་ནས་གསོ་བར་མཛད་དོ།

And the Lord will strike Egypt, striking and healing, and they will return to the Lord, and he will listen to their pleas for mercy and heal them.

23  དུས་ཚོད་དེ་སླེབས་སྐབས་སུ།  ཨི་ཇིབ་དང་ཨ་སུར་གྱི་དབར་རྒྱ་ལམ་ཞིག་ཡོང་བར་འགྱུར།  ཡུལ་དེ་གཉིས་ཀྱི་མི་མང་ཚོ་ཕར་ཚུར་འགྲུལ་བཞུད་བྱེད་པ་དང།  རྒྱལ་ཁབ་གཉིས་པོས་མཉམ་དུ་མཆོད་འབུལ་བྱེད་པར་འགྱུར།

In that day there will be a highway from Egypt to Assyria, and Assyria will come into Egypt, and Egypt into Assyria, and the Egyptians will worship with the Assyrians.

24  དུས་ཚོད་དེ་སླེབས་སྐབས་སུ།  ཨིསི་རཱཨེལ་ཡང་ཨི་ཇིབ་དང་ཨ་སུར་དང་འདྲ་མཉམ་བྱུང་བ་དང།  རྒྱལ་ཁབ་འདི་ཚོ་གསུམ་འཛམ་གླིང་ཡོངས་ཀྱི་བྱིན་རླབས་སུ་འགྱུར་རོ།

In that day Israel will be the third with Egypt and Assyria, a blessing in the midst of the earth,

25  ཀུན་དབང་ཅན་གྱི་གཙོ་བོ་དཀོན་མཆོག་གིས་དེ་ཚོ་ལ་བྱིན་རླབས་གནང་རྒྱུ་དང།  ངས་ངའི་མི་མང་ཨི་ཇིབ་དང་ངས་བཀོད་པའི་ཨ་སུར་དང་ངས་འདམས་པའི་ཨིསི་རཱཨེལ་གྱི་མི་མང་ལ་བྱིན་གྱིས་རླབས་ཀྱི་ཡིན་ཞེས་གསུངས་བར་འགྱུར༎

whom the Lord of hosts has blessed, saying, “Blessed be Egypt my people, and Assyria the work of my hands, and Israel my inheritance.”

ཡེ་ཤ་ཡཱ (18) – Isaiah (18)

1  ཨི་ཐི་ཨོ་པི་ཡའི་གཙང་པོ་རྣམས་ཀྱི་ཕ་རོལ་དུ་ཤོག་པའི་སྒྲ་ཐོས་པའི་ཡུལ་ཞིག་ཡོད་དོ།

Ah, land of whirring wings that is beyond the rivers of Cush,

2  ཡུལ་དེ་ནས་སྐུ་ཚབ་རྣམས་སྨྱུག་མས་བཟོས་པའི་གྲུའི་ནང་དུ་ན་ཨེལ་རྒྱུད་ཡོང་ངོ།  བང་ཆེན་ཁྱུག་པོ་ཚོ་ཁྱིམ་དུ་ཕྱིར་ལོག་ཅིག།  གཙང་པོ་རྣམས་ཀྱི་བགོས་པའི་ཁྱོད་ཚོའི་ཡུལ་སྟོབས་དང་དབང་ཤུགས་ལྡན་པའི་ཁྱོད་ཚོའི་མི་རིགས།  གཟུགས་རིང་ཤ་འཇམ་པོའི་ཁྱོད་ཚོའི་མི་མང་འཛམ་གླིང་ཡོངས་སུ་འཇིགས་སྣང་བྱེད་མཁན་ཚོར་འཕྲིན་ཞིག་འཁྱེར་ཞིག

which sends ambassadors by the sea, in vessels of papyrus on the waters! Go, you swift messengers, to a nation tall and smooth, to a people feared near and far, a nation mighty and conquering, whose land the rivers divide.

3  ས་གཞིར་སྡོད་མཁན་རྣམས་ཉོན་ཞིག།  རི་བོའི་སྟེང་དུ་མཚོན་རྟགས་ཅན་གྱི་དར་ཆེན་བགྲེངས་པར་ལྟོས་ཤིག་དང།  དུང་འབུད་པ་ལ་ཉོན་ཞིག།

All you inhabitants of the world, you who dwell on the earth, when a signal is raised on the mountains, look! When a trumpet is blown, hear!

4  གཙོ་བོ་དཀོན་མཆོག་གིས།  ང་ལ་འདི་ལྟར་གསུངས་སོ།  བཙས་མ་རྔ་བའི་ཚ་དྲོད་ཅན་གྱི་མཚན་མོར་ཟིལ་པ་ཁུ་སིམ་མིར་ཆགས་པ་ལྟ་བུ།  ཉིན་མོའི་ཚ་བར་ཉི་མ་དལ་བུར་ཤར་བ་བཞིན་ངས་ནམ་མཁའ་ནས་མར་ལྷོད་པོར་བལྟའོ།

For thus the Lord said to me: “I will quietly look from my dwelling like clear heat in sunshine, like a cloud of dew in the heat of harvest.”

5  རྒུན་འབྲུམ་བསྡུ་བའི་སྔོན་དུ་མེ་ཏོག་ཤར་བ་ཚང་མ་མར་ལྷུང་ནས།  རྒུན་འབྲུམ་སྨིན་པའི་སྐབས་རྒུན་ཤིང་གི་ཡལ་ག་གྲིས་ལས་སླ་པོར་བཅད་པ་ལྟར་དགྲ་བོས་ཨི་ཐི་ཨོ་པི་ཡ་པ་ཚོར་འཛིགས་པར་བྱེད་དོ།

For before the harvest, when the blossom is over, and the flower becomes a ripening grape, he cuts off the shoots with pruning hooks, and the spreading branches he lops off and clears away.

6  དེ་ཚོའི་དམག་མིའི་རོ་རྣམས་བྱ་དང་གཅན་གཟན་ཚོར་ལུས་པར་འགྱུར།  དབྱར་ཁ་བྱ་རྣམས་ཀྱིས་དེ་ཚོ་ཟ་བ་དང་དགུན་ཁ་གཅན་གཟན་ཚོས་དེ་ཚོ་ཟའོ།

They shall all of them be left to the birds of prey of the mountains and to the beasts of the earth. And the birds of prey will summer on them, and all the beasts of the earth will winter on them.

7  དུས་ཚོས་སླེབས་བཞིན་ཡོད།  ཀུན་དབང་ཅན་གྱི་གཙོ་བོ་དཀོན་མཆོག་གིས།  གཙང་པོ་རྣམས་ཀྱི་བགོས་པའི་ཡུལ་འདི་དང་སྟོབས་ལྡན་དང་དབང་ཆེན་པོའི་མི་རིགས་འདི།  གཟུགས་རིང་ཤ་འཇམ་པོའི་མི་མང་འཛམ་གླིང་ཡོངས་སུ་འཇིགས་སྣང་བྱེད་མཁན་དེ་ཚོ་ནས་འབུལ་བ་ངོས་ལེན་གནང་བར་འགྱུར།  དེ་ཚོས་ཀུན་དབང་ཅན་གྱི་གཙོ་བོ་དཀོན་མཆོག་ལ་མཆོད་ཡུལ་རི་བོ་ཛི་ཡོན་དུ་ཡོང་བར་བྱའོ༎

At that time tribute will be brought to the Lord of hosts from a people tall and smooth, from a people feared near and far, a nation mighty and conquering, whose land the rivers divide, to Mount Zion, the place of the name of the Lord of hosts.