སྡེབ་ཐོན 39

1བླ་མ་ཚོས་གནས་མཆོག་དམ་པར་ཞབས་ཞུའི་སྐབས་སུ་གྱོན་པའི་ན་བཟའ་གཟི་བརྗིད་ཅན་དེ་ཁོ་ཚོས་བལ་སྔོན་པོ་དང་མུ་མན་དང་དམར་པོས་བཟོས་པ་དང་། གཙོ་བོ་དཀོན་མཆོག་གིས་མོ་ཤེ་ལ་བཀའ་གནང་བ་བཞིན་ཁོ་ཚོས་ཨ་རོན་གྱི་ཆེད་དུ་བླ་མ་གྱི་ན་བཟའ་བཟོས་སོ།

2ཁོ་ཚོས་བལ་སྔོན་པོ་དང་མུ་མན་་དང་དམར་པོ་བཅས་ལས་བཏགས་པའི་ཀ་ཤི་ཀའི་རས་སྤུས་ལེགས་དང་། གསེར་སྐུད་སོགས་ལས་ཨེ་ཕོད་བཟོས་པ་དང་། 3དེ་བཞིན་གསེར་བརྡུང་ནས་དེ་དག་སྲབ་མོར་བཟོས་ཏེ་བྲེགས་ཏེ་གསེར་སྐུད་བཟོས་ཤིང་བལ་སྔོན་པོ་མུ་མན་དང་དམར་པོ་བཅས་ལས་བཏགས་པའི་ཀ་ཤི་ཀའི་རས་སྤུས་ལེགས་དང་མཉམ་དུ་བསྲེས་ནས་བཟོས་སོ། 4ཁོ་ཚོས་ཨེ་ཕོད་དེ་ཡར་དམ་པོར་གནས་པའི་ཕྱིར་དཔུང་ཐག་གཉིས་བཟོས་ནས་དེའི་ཕྱོགས་གཉིས་ལ་དགར་རོ། 5གཙོ་བོ་དཀོན་མཆོག་གིས་མོ་ཤེ་ལ་བཀའ་གནང་བ་ལྟར་གོང་བཞིན་འཐག་སྤུས་དག་གི་སྐེ་རག་དང་རྒྱུ་གཅིག་པ་བྱས་པ་ལས་ཨེ་ཕོད་མཉམ་དུ་སྒྲོག་གོ 6མཆོང་ལ་བཟོ་བཏོན་ཏེ་གསེར་གྱི་ཁྲ་ཁུང་ནང་བཅུག་པ་དང་། ཁྲ་དེའི་སྒང་ལ་ཡ་ཀོབ་ཀྱི་བུ་བཅུ་གཉིས་ཀྱི་མིང་རྣམས་ལག་རྩལ་ཆེན་པོས་བརྐོས་ཡོད་དོ། 7གཙོ་བོ་དཀོན་མཆོག་གིས་མོ་ཤེ་ལ་ཇི་ལྟར་བཀའ་གནང་བ་ལྟར་དེ་ཚོས་ཨིསི་རཱཨེལ་གྱི་སྡེ་རིགས་བཅུ་གཉིས་མཚོན་བྱེད་དུ་ཨེ་ཕོད་ཀྱི་སྒང་ལ་དེ་བཞག་གོ།

8དེ་ཚོས་ཨེ་ཕོད་ཀྱི་རྒྱུ་དང་འཚེམ་འདྲུག་གཅིག་པ་བྱས་པའི་བྲང་རྒྱན་ཞིག་བཟོས་ཤིང་། 9དེའི་དབྱིབས་ནི་གྲུ་བཞི་ཡིན་པ་ལ་ཁེབས་ཉིས་ལྡབ་བྱས་པའི་རིང་ཚད་སན་ཊི་མི་ཊར་ཉི་ཤུ་རྩ་གཉིས་དང་ཞེང་ཚད་སན་ཊི་མི་ཊར་ཉི་ཤུ་རྩ་གཉིས་བཅས་ཡོད་པ་ཡིན་ནོ། 10དེའི་སྟེང་དུ་ཁོ་ཚོས་རྡོ་རིན་ཆེན་ཁག་གྲལ་རིམ་བཞི་ལ་སྒྲིགས་ཤིང་། གྲལ་དང་པོར་པད་མ་ར་ཀ་ཞིག་དང་། ཊོ་པཛི་ཞེས་པ་རྡོ་རིན་ཆེན་གྱི་རིགས་ཀྱི་རྡོ་སེར་པོ་དང་། ཡང་གྷར་ནེཊེ་ཞེས་པའི་ནོར་བུའི་རིགས་ཀྱི་རྡོ་དམར་པོ་ཞིག་དང་། 11གྲལ་གཉིས་པར་ནོར་བུ་མརྒད་དང་། ཨིན་དྲ་ནི་ལ་ཞིག་དང་རྡོ་རྗེ་ཕ་ལམ་ཞིག 12གྲལ་གསུམ་པར་གཡུ་དང་མ་ནེ་ཧོར་དང་། མུན་ཤེལ་ཞེས་པ་ནོར་བུའི་རིགས་ཀྱི་རྡོ་མུ་མན་བྱས་པ་ཞིག་དང་། 13དེ་བཞིན་གྲལ་རིམ་བཞི་པར་སྤུཤ་ཀ་ར་ཞེས་པའི་ནོར་བུའི་རིགས་ཤིག་དང་། མཆོང་དང་གཡང་ཊི་བཅས་སྒྲིགས་སོ། དེ་དག་གསེར་གྱི་ཕྲ་ཁུང་ནང་སྦྱར་རོ། 14གོང་གསལ་རྡོ་བཅུ་གཉིས་ཀྱི་སྒང་ལ་ཨིསི་རཱཨེལ་གྱི་སྡེ་རིགས་བཅུ་གཉིས་སྟོན་པའི་ཕྱིར་ཡ་ཀོབ་ཀྱི་བུ་རེ་རེ་བཞིན་གྱི་མིང་བརྐོས་ཡོད་པ་ཡིན་ནོ། 15བྲང་རྒྱན་དེའི་ཆེད་དུ་གསེར་བཙོ་མས་སྐུད་པ་སྒྲིམ་པ་ལྟ་བུ་གསེར་ཐག་རྣམས་བཟོས་སོ། 16གསེར་གྱི་ཕྲ་ཁུང་གཉིས་དང་ཨ་ལོང་གཉིས་བཟོས་ནས་ཨ་ལོང་དེ་དག་བྲང་རྒྱན་གྱི་ཐོད་ཀྱི་ཟུར་གཉིས་ལ་སྦྱོར་རོ། 17གསེར་ཐག་གཉིས་པོ་དེ་ཨ་ལོང་གཉིས་ལ་བསྡམས་པ་དང་། 18གསེར་ཐག་གི་མཐའ་གཉིས་པོ་དེ་ཕྲ་ཁུང་གཉིས་ལ་བསྡམས་ནས་ཨེ་ཕོད་ཀྱི་དཔུང་ཐག་གི་མདུན་དུ་སྦྱར་རོ། 19དེ་ཚོས་གསེར་གྱི་ཨ་ལོང་གཉིས་བཟོས་ནས་བྲང་རྒྱན་གྱི་གཞོག་ནང་མའི་མཐའ་མཚམས་སུ་འོག་གི་ཟུར་གཉིས་མཉམ་དུ་ཨེ་ཕོད་དང་ཉེ་བར་སྦྱར་རོ། 20ད་དུང་གསེར་གྱི་ཨ་ལོང་གཉིས་བཟོས་ནས་ཨེ་ཕོད་ཀྱི་དཔུང་ཐག་གཉིས་གི་གཤམ་དང་དེའི་མདུན་དུ་ངོས་ཀྱི་ཚེམ་ཁའི་མཐུད་མཚམས་སུ་འཁེལ་བར་བྱས་ཏེ། ལེགས་པར་འཐག་པའི་སྐེ་རག་དེའི་ཐོད་དུ་སྒྲགས་སོ། 21གཙོ་བོ་དཀོན་མཆོག་གིས་མོ་ཤེ་ལ་ཇི་ལྟར་བཀའ་གནང་བ་བཞིན་བྲང་རྒྱན་དེ་མར་ལྷུག་ཏུ་མ་ཕྱིན་པར་སྐེ་རག་གི་སྟེང་དུ་བརྟན་པོར་གནས་པའི་ཕྱིར་དེ་ཚོས་བྲང་རྒྱན་གྱི་ཨ་ལོང་རྣམས་དང་ཨེ་ཕོད་ཀྱི་ཨ་ལོང་རྣམས་ཐག་པ་སྔོན་པོ་ཞིག་གི་བསྡམས་སོ༎

22ཨེ་ཕོད་ཀྱི་ནང་དུ་གྱོན་པའི་ཆོས་གོས་དེ་ནི་བལ་སྔོན་ཀྱང་ལས་བཟོས་པ་ཞིག་ཡིན་ནོ། 23མགོ་བཅུག་ཕྱིར་ཐོད་དུ་ཨི་ཁུང་ཞིག་བཟོས་ཡོད་པ་དེ་མི་རལ་བའི་ཆེད་དུ་དེ་ལ་མཐའ་སྒྲིལ་ཞིག་གིས་བསྐོར་ཡོད་པ་ཡིན་ནོ། 24-26གཙོ་བོ་དཀོན་མཆོག་གིས་མོ་ཤེ་ལ་བཀའ་གནང་བ་བཞིན་དེའི་མཐའ་ལྕགས་འོག་མར་ཀ་ཤི་ཀའི་རས་སྤུས་ལེགས་དང་བལ་སྔོན་པོ་དང་མུ་མན་དང་དམར་པོས་སེ་འབྲུའི་དབྱིབས་བཟོས་ཏེ་དགར་ཡོད་པ་དང་། དེའི་བར་མཚམས་རེ་རེར་གསེར་བཙོ་མས་བཟོས་པའི་དྲིལ་ཆུང་རེའང་དགར་ཡོད་པ་ཡིན་ནོ།

27དེ་ཚོས་ཨ་རོན་དང་ཁོང་གི་བུ་ཚོའི་ཆེད་དུ་སྟོད་གོས་དང་། 28ཐོད་དཀྲི་དང་ཞ་མོ་དང་གཞན་ཡང་ཀ་ཤི་ཀའི་སྨད་གོས་དང་། 29ཀ་ཤི་ཀའི་རས་སྤུས་ལེགས་དང་བལ་སྔོན་པོ་དང་མུ་མན་དང་དམར་པོའི་དཔུང་ཐག་འཚེམ་འདྲུབ་ཀྱི་རྒྱན་པ་བཅས་བཟོས་པ་དང་། དེ་རྣམས་གཙོ་བོ་དཀོན་མཆོག་གི་མོ་ཤེས་ལ་བཀའ་གནང་བ་བཞིན་བཟོས་སོ། 30གསེར་བཙོ་མས་དབུ་རྒྱན་དམ་པ་ཞིག་བཟོས་ཏེ། དེའི་སྟེང་དུ་གཙོ་བོ་དཀོན་མཆོག་གི་དོན་དུ་ཕུལ་བ་ཡིན་ཞེས་ཡི་གེར་བརྐོས་ནས། 31གཙོ་བོ་དཀོན་མཆོག་གིས་མོ་ཤེ་ལ་བཀའ་གནང་བ་བཞིན་དེ་ལ་ཐོད་དཀྲི་ཀྱི་མདུན་ཕྱོགས་སུ་ཐག་པ་སྔོན་པོས་བསྡམས་སོ༎

32གཙོ་བོ་དཀོན་མཆོག་གནས་པའི་དབུ་གུར་དམ་པ་བཞེངས་པའི་ལས་དོན་ཚང་མ་འཇུག་བསྡོམས་ཟིན་ཞིང་། གཙོ་བོ་དཀོན་མཆོག་གིས་མོ་ཤེ་ལ་དབུ་གུར་དམ་པ་བཞེངས་ཕྱོགས་སྐོར་ཇི་ལྟར་བཀའ་གནང་བ་ལྟར་ཨིསི་རཱཨེལ་པ་ཚོས་དེ་བཞིན་བཞེངས་སོ། 33དེ་རྗེས་ཁོ་ཚོས་མོ་ཤེའི་སར་གཤམ་གསལ་མཁོ་བྱད་རྣམས་འཁྱེར་ཡོང་ངོ་། དབུ་གུར་དམ་པ་དང་དེའི་ལྕགས་ཀྱུ་རྣམས་དང་། དེའི་མཐའ་སྒྲོམ་རྣམས་དང་དེའི་རྒྱབ་ལག་རྣམས་དང་། དེའི་ཀ་བ་རྣམས་དང་དེའི་ཞབས་སྟེགས་བཅས་དང་། 34ལུག་ཐུག་གི་པགས་པས་ཚོས་དམར་པོ་རྒྱབ་པའི་ཕྱི་ཁེབས་དང་། ཀོ་བ་སྤུས་ལེགས་ཀྱི་ཕྱི་ཁེབས་དང་ཡོལ་བ། 35རྡོ་ལེབ་གཉིས་བཞག་ཡོད་པའི་དམ་བཅའི་སྒྲོམ་དང་དེའི་འཁྱེར་ཆེད་རྒྱུག་པ་རྣམས་དང་དེའི་ཁེབས་དང་། 36གསོལ་ལྕོག་དང་དེའི་ཡོ་བྱད་ཁག་དང་དཀོན་མཆོག་ལ་ཕུལ་བའི་བག་ལེབ་དང་། 37གསེར་བཙོ་མ་ལས་བཟོས་པའི་མར་མེའི་སྟེགས་བུ་དང་མཆོད་ཀོང་དང་། དེའི་ཡོ་བྱད་རྣམས་དང་མཆོད་ཀོང་གི་ཆེད་དུ་སྣུམ། 38གསེར་གྱི་མཆོད་ཁྲི་དང་བསྔོ་འབུལ་གྱི་སྣུམ་དང་དྲི་ཞིམ་ལྡན་པའི་སྤོས་དང་དབུ་གུར་དམ་པའི་གཟིམ་སྒོའི་ཡོལ་བ་དང་། 39ལིའི་དྲ་བ་ཡོད་པའི་ལིའི་མཆོད་ཁྲི་དང་། དེ་འཁྱེར་བྱེད་རྒྱུག་པ་རྣམས་དང་ཡོ་བྱད་ཆ་ཚང་དང་། ཁྲུས་གཞོང་དང་དེའི་ཞབས་གདན་དང། 40ར་བའི་ཡོལ་བ་རྣམས་དང་དེའི་ཀ་བ་རྣམས་དང་ཞབས་གདན་རྣམས་དང་། ར་བའི་སྒོ་ཡོལ་དང་དེའི་ཐག་པ་རྣམས་དང། དབུ་གུར་དམ་པའི་ཕུར་པ་རྣམས་དང་། དབུ་གུར་དམ་པ་ལ་མཁོ་བའི་ཡོ་བྱད་གཞན་རྣམས་དང་། 41གནས་མཆོག་དམ་པར་ཞབས་ཞུ་བྱེད་སྐབས་གྱོན་དགོས་པའི་བླ་མའི་ན་བཟའ་གཟི་བརྗིད་ཅན་རྣམས་ནི། བླ་མ་ཨ་རོན་དང་ཁོང་གི་བུ་རྣམས་ཀྱི་ན་བཟའ་དམ་པ་བཅས་སོ། 42གཅོ་བོ་དཀོན་མཆོག་གིས་ཇི་ལྟར་བཀའ་གནང་བ་བཞིན་ཨིསི་རཱཨེལ་པ་ཚོས་ལས་ཀ་ཚང་མ་བྱས་ཟིན་ནོ། 43མོ་ཤེས་ལས་ཀ་ཚང་མ་རྟགས་དཔྱད་ནན་ཏན་གནང་ཞིང་། གཙོ་བོ་དཀོན་མཆོག་གིས་བཀའ་གནང་བ་བཞིར་བཟུང་དེ་ཚོས་བྱས་ཡོད་པ་འཕྲད་དོ། མོ་ཤེས་དེ་དག་ལ་བྱིན་རླབས་གནང་བ་རེད༎

Exodus 39

1 From the blue and purple and scarlet yarns they made finely woven garments, for ministering in the Holy Place. They made the holy garments for Aaron, as the Lord had commanded Moses.

2 He made the ephod of gold, blue and purple and scarlet yarns, and fine twined linen. 3 And they hammered out gold leaf, and he cut it into threads to work into the blue and purple and the scarlet yarns, and into the fine twined linen, in skilled design. 4 They made for the ephod attaching shoulder pieces, joined to it at its two edges. 5 And the skillfully woven band on it was of one piece with it and made like it, of gold, blue and purple and scarlet yarns, and fine twined linen, as the Lord had commanded Moses.

6 They made the onyx stones, enclosed in settings of gold filigree, and engraved like the engravings of a signet, according to the names of the sons of Israel. 7 And he set them on the shoulder pieces of the ephod to be stones of remembrance for the sons of Israel, as the Lord had commanded Moses.

8 He made the breast-piece, in skilled work, in the style of the ephod, of gold, blue and purple and scarlet yarns, and fine twined linen. 9 It was square. They made the breast-piece doubled, a span its length and a span its breadth when doubled. 10 And they set in it four rows of stones. A row of sardius, topaz, and carbuncle was the first row; 11 and the second row, an emerald, a sapphire, and a diamond; 12 and the third row, a jacinth, an agate, and an amethyst; 13 and the fourth row, a beryl, an onyx, and a jasper. They were enclosed in settings of gold filigree. 14 There were twelve stones with their names according to the names of the sons of Israel. They were like signets, each engraved with its name, for the twelve tribes. 15 And they made on the breast-piece twisted chains like cords, of pure gold. 16 And they made two settings of gold filigree and two gold rings, and put the two rings on the two edges of the breast piece. 17 And they put the two cords of gold in the two rings at the edges of the breast-piece. 18 They attached the two ends of the two cords to the two settings of filigree. Thus they attached it in front to the shoulder pieces of the ephod. 19 Then they made two rings of gold, and put them at the two ends of the breast-piece, on its inside edge next to the ephod. 20 And they made two rings of gold, and attached them in front to the lower part of the two shoulder pieces of the ephod, at its seam above the skillfully woven band of the ephod. 21 And they bound the breast-piece by its rings to the rings of the ephod with a lace of blue, so that it should lie on the skillfully woven band of the ephod, and that the breast-piece should not come loose from the ephod, as the Lord had commanded Moses.

22 He also made the robe of the ephod woven all of blue, 23 and the opening of the robe in it was like the opening in a garment, with a binding around the opening, so that it might not tear. 24 On the hem of the robe they made pomegranates of blue and purple and scarlet yarns and fine twined linen. 25 They also made bells of pure gold, and put the bells between the pomegranates all around the hem of the robe, between the pomegranates— 26 a bell and a pomegranate, a bell and a pomegranate around the hem of the robe for ministering, as the Lord had commanded Moses.

27 They also made the coats, woven of fine linen, for Aaron and his sons, 28 and the turban of fine linen, and the caps of fine linen, and the linen undergarments of fine twined linen, 29 and the sash of fine twined linen and of blue and purple and scarlet yarns, embroidered with needlework, as the Lord had commanded Moses.

30 They made the plate of the holy crown of pure gold, and wrote on it an inscription, like the engraving of a signet, “Holy to the Lord.” 31 And they tied to it a cord of blue to fasten it on the turban above, as the Lord had commanded Moses.

32 Thus all the work of the tabernacle of the tent of meeting was finished, and the people of Israel did according to all that the Lord had commanded Moses; so they did. 33 Then they brought the tabernacle to Moses, the tent and all its utensils, its hooks, its frames, its bars, its pillars, and its bases; 34 the covering of tanned rams’ skins and goatskins, and the veil of the screen; 35 the ark of the testimony with its poles and the mercy seat; 36 the table with all its utensils, and the bread of the Presence; 37 the lampstand of pure gold and its lamps with the lamps set and all its utensils, and the oil for the light; 38 the golden altar, the anointing oil and the fragrant incense, and the screen for the entrance of the tent; 39 the bronze altar, and its grating of bronze, its poles, and all its utensils; the basin and its stand; 40 the hangings of the court, its pillars, and its bases, and the screen for the gate of the court, its cords, and its pegs; and all the utensils for the service of the tabernacle, for the tent of meeting; 41 the finely worked garments for ministering in the Holy Place, the holy garments for Aaron the priest, and the garments of his sons for their service as priests. 42 According to all that the Lord had commanded Moses, so the people of Israel had done all the work. 43 And Moses saw all the work, and behold, they had done it; as the Lord had commanded, so had they done it. Then Moses blessed them.