གསུང་མགུར 18 – Psalm 18
1 གཙོ་བོ་དཀོན་མཆོག་ཁྱེད་ནི་ཁོ་བོ་ཡི། སྲུང་སྐྱོབ་མཛད་པོ་ཡིན་པས་ངས་ཁྱེད་ལ།
བློ་སེམས་དགའ་པོས་བརྩེ་གུས་ཞུ་བཞིན་ཡོད།
2 གཙོ་བོ་དཀོན་མཆོག་ང་ཡི་སྐྱབས་གནས་ཡིན། ཁོང་ནི་ང་ཡི་མཁར་རྫོང་བརྟན་པོ་ཡིན།
ང་ཡི་དཀོན་མཆོག་ང་ཡི་སྐྱབས་གནས་ཡིན། ང་ནི་ཁོང་མཉམ་བརྟན་པོར་གནས།
ཁོང་གིས་ཕུབ་བཞིན་ང་ལ་སྲུང་སྐྱོབ་མཛད། ཁོང་གིས་ང་ལ་སྐྱབས་དང་དཔུང་གཉེན་མཛད།
3 ངས་ནི་གཙོ་བོ་དཀོན་མཆོག་ལ་འབོད་བསྐུལ་ཞུ་བའི་སྐབས། ཁོང་གིས་ང་ལ་དགྲ་བོ་རྣམས་ལས་སྐྱབས།
གཙོ་བོ་དཀོན་མཆོག་ལ་བསྟོད་བསྔགས་འབུལ།
4 ང་ཡི་ཕྱོགས་བཞིར་འཆི་བའི་འཇིགས་ཉེན་འཁོར། འཇིགས་པའི་རྦ་རླབས་ང་ལ་བཏུམས།
5 འཆི་བའི་འཇིགས་པས་ང་ལ་མཐའ་བསྐོར་ཞིང་། དུར་གྱི་རྙི་ཞགས་ང་ཡི་དོན་དུ་བཙུགས།
6 རང་ཉིད་དཀའ་ངལ་ནང་དུ་ཚུད་པའི་སྐབས། ངས་ནི་གཙོ་བོ་དཀོན་མཆོག་ཁོང་ལ་འབོད་པ་ཡིན།
ང་ཡི་དཀོན་མཆོག་ལ་སྐྱབས་གྲོགས་ཞུས། ཉིད་ཀྱི་མཆོད་ཁང་ནང་ནས་སྐུ་ཉིད་ཀྱིས།
ང་ཡི་སྐད་འབོད་གསན་པར་མཛད་གནང་ཞིང་། སྐྱབས་གྲོགས་ཞུས་པའི་ང་ཡི་ངུ་འབོད་ལ།
ཁོང་གིས་གསན་ཆོག་མཛད་པར་གནང་།
7 དེ་ནས་དཀོན་མཆོག་རབ་ཏུ་ཐུགས་ཁྲོ་བཞེས་པའི་རྐྱེན། ས་གཞི་དྲག་ཏུ་གཡོ་ཞིང་ཡོངས་སུ་འགུལ་།
རིའི་རྨང་གཞི་རྣམས་ཀྱང་ཡོངས་སུ་འགུལ།
8 ཁོང་གིས་ཤངས་ནས་དུ་བ་ཐོན་པ་དང་། ཞལ་ནས་རབ་ཏུ་འབར་བའི་མེ་སྤུང་ཐོན།
9 ཁོང་གིས་ནམ་མཁའ་ཧྲལ་བར་མཛད་གནང་སྟེ། སྤྲིན་པ་ནག་པོའི་སྟེང་དུ་ཞབས་བཅག་ནས།
མཐོ་རིས་གནས་ནས་མར་ལ་ཕེབས།
10 འདབ་ཤོག་ལྡན་པའི་སྲོག་ཆགས་སྟེང་ཆིབ་ནས། ཁོང་ནི་ཧ་ཅང་མྱུར་བར་འཕུར་ཏེ་ཕེབས།
ཁོང་ནི་རླུང་གི་ཤོག་པར་ཆིབས་ནས་ཕེབས།
11 ཁོང་ནི་མུན་པས་བཀབ་ཅིང་བཞུགས། ཆར་སྤྲིན་སྟུག་པོས་ཁོང་ལ་ཡོངས་སུ་བསྐོར།
12 ཁོང་གི་མདུན་དུ་གློག་འོད་འཁྱུགས་པ་དང་། གནམ་གྱི་སྤྲིན་པ་ནག་པོའི་དཀྱིལ་དེ་ནས།
སེར་བ་དང་ནི་མེ་ལྕེ་འབར་ཞིང་ཐོན།
13 དེ་ནས་ནམ་མཁའ་ནས་གཙོ་བོ་དཀོན་མཆོག་འབྲུག་སྐད་འདིར་བ་རེད།
བླ་ན་མེད་པའི་གཙོ་བོ་དཀོན་མཆོག་གི་གསུང་སྐད་ཐོས་པ་རེད།
14 ཁོང་གིས་ཕྱག་མདའ་བཀྱོན་ཏེ་དགྲ་རྣམས་སྟོར། གློག་འོད་དྲག་པོ་འཁྱུགས་པར་མཛད་གནང་སྟེ།
དེ་ཚོར་དེད་གནང་མཛད་པས་རྒྱུག་ནས་བྲོས།
15 གཙོ་བོ་དཀོན་མཆོག་ཁྱེད་ཉིད་ཀྱི་དགྲ་རྣམས་ལ། ཐུགས་ཁྲོའི་ངང་དུ་བཀའ་ཀྱོན་མཛད་པ་དང་། འབྲུག་སྐད་འདིར་བ་བཞིན་དུ་གསུང་བཀྱོན་པས། རྒྱ་མཚོ་དང་ནི་ས་གཞིའི་རྨང་གཞི་རྣམས་མངོན་པར་མཛད་གནང་ངོ་།
16 གཙོ་བོ་དཀོན་མཆོག་ཁོང་གིས་མཐོ་རིས་ནས།
ཕྱག་གཉིས་བརྐྱངས་ཏེ་ང་ལ་ཡར་བསླངས་ཤིང་།
ཆུ་གཏིང་ཟབ་པོའི་ནང་ནས་ང་བཏོན་མཛད།
17 ང་ཡི་དགྲ་བོ་མཐུ་སྟོབས་ཆེན་པོ་དང་། སྡང་དགྲར་བྱེད་པའི་དགྲ་བོ་སྟོབས་ཆེན་ལས།
ཉིད་ཀྱི་ང་ལ་སྐྱབས་པར་མཛད་གནང་ངོ་།
18 ང་ནི་དཀའ་ངལ་ནང་དུ་ཚུད་པའི་སྐབས། དེ་ཚོས་ང་ལ་འཐབ་རྒོལ་བྱས་མོད་ཀྱང་།
གཙོ་བོ་དཀོན་མཆོག་གིས་ང་ལ་སྲུང་སྐྱོབ་མཛད་གནང་ངོ་།
19 ཁོང་གིས་ང་ལ་ཉེན་ཁའི་ནང་ནས་སྐྱབས། ཁོང་ནི་ང་དང་ཧ་ཅང་ཐུགས་མཉེས་པས།
ང་ལ་སྐྱབས་མཛད་གནང་ངོ་།
20 ང་ནི་ཚུལ་བཞིན་དྲང་པོར་སྤྱོད་པས་ན། གཙོ་བོ་དཀོན་མཆོག་ང་ལ་བྱ་དགའ་གནང་བར་མཛད།
ང་ནི་གནོང་མེད་ཡིན་པས་བྱིན་རླབས་གནང་།
21 ངས་ནི་གཙོ་དཀོན་མཆོག་ཡི་བཀའ་ཁྲིམས་ཚུལ་བཞིན་སྲུང་།
རང་གི་དཀོན་མཆོག་ལ་ངས་ནི་དད་མེད་ལོག་ལྟ་ཞུས་མེད་དོ།
22 ངས་ནི་ཁོང་གི་བཀའ་ཁྲིམས་ཡོངས་སུ་སྲུང་། ཁོང་གི་བཀའ་རྒྱ་བརྩི་མེད་ཞུས་མེད་དོ།
23 ང་ལ་གནོང་དང་སྐྱོན་མཚང་མེད་པ་དང་། ངས་ནི་ལས་ངན་བྱས་པ་ལས་ལོགས་སུ་བསྡད་པའི་སྐོར།
ཁོང་གིས་མཁྱེན་པར་མཛད།
24 དེ་བས་ཁོང་གིས་ང་ལ་བྱ་དགའ་གནང་། གང་ལགས་ཟེར་ན་ང་ནི་ཚུལ་བཞིན་དྲང་པོར་སྤྱོད་པ་དང་།
ཉེས་མེད་ཡིན་པར་ཁོང་གིས་མཁྱེན་པར་མཛད།
25 ཀྱེ་གཙོ་བོ་དཀོན་མཆོག་ཁྱེད་མཉམ་དམ་གཙང་ཞུ་མཁན་ལ།
སྐུ་ཉིད་ཀྱིས་ཀྱང་དམ་གཙང་སྤྱོད་པར་མཛད། རྣམ་དག་རྣམས་ལ་ཁྱེད་ཀྱིས་སྤྱོད་བཟང་མཛད།
26 གཙང་བ་རྣམས་ལ་ཁྱེད་ཀྱིས་གཙང་ཞིང་དག། ངན་པ་རྣམས་ལ་ཁྱེད་ཀྱིས་སྡང་བར་མཛད།
27 ཉམ་ཆུང་རྣམས་ལ་ཁྱེད་ཀྱིས་སྐྱབས་པར་མཛད། ང་རྒྱལ་ཅན་ལ་ཁྱེད་ཀྱིས་སྨད་པར་མཛད།
28 ཀྱེ་གཙོ་བོ་ཁྱེད་ཀྱི་ང་ལ་འོད་གནང་སྟེ། ང་ཡི་མུན་ནག་ཡོངས་སུ་སེལ་བར་མཛད།
29 ཁྱེད་ཀྱིས་ང་ཡི་དགྲ་བོར་འཐབ་རྒོལ་བྱེད་པའི་ཕྱིར་སྟོབས་ཤུག་གནང་བ་དང།
དེ་ཚོའི་ཐོག་ཏུ་རྒྱལ་ཁ་ཐོབ་པའི་ཕྱིར་ང་ལ་ནུས་ཤུགས་གནང་བར་མཛོད།
30 དཀོན་མཆོག་འདི། ཁོང་གི་མཛད་འཕྲིན་ཡང་དག་ལགས།
ཁོང་གི་བཀའ་རྣམས་བློ་གདེངས་བྱ་འོས་ལགས།
ཁོང་ནས་སྲུང་སྐྱོབ་ཞུ་བར་འདོད་མཁན་ལ་ཁོང་ནི་ཕུབ་དང་འདྲ།
31 གཙོ་བོ་དཀོན་མཆོག་གཅིག་པོ་དཀོན་མཆོག་ལགས་པ་དང་། དཀོན་མཆོག་གཅིག་པོ་ང་ཚོའི་སྲུང་སྐྱོབ་ཡིན།
32 ང་ལ་མཐུ་དང་ནུས་སྟོབས་གནང་མཁན་དང་། ང་ཡི་འགྲུལ་ལམ་བརྟན་པོར་འཁྲིད་མཁན་དེ།
དཀོན་མཆོག་རང་ཉིད་ཡིན་པར་ངེས་ལགས་སོ།
33 རི་དྭགས་ཤ་བའི་གོམ་འགྲོས་བརྟན་པོ་བཞིན། ང་ཡི་གོམ་པ་རྣམས་བརྟན་པོར་མཛད།
ཁོང་གིས་ང་ལ་རི་ཁར་ཉེན་མེད་བཞག།
34 ཀུན་ལས་མཁྲེགས་པའི་མདའ་གཞུ་སྤྱོད་ཐུབ་ཕྱིར། ཁོང་གིས་ང་ལ་འཐབ་མོའི་སྦྱོང་བདར་སྤྲད།
35 ཀྱེ་གཙོ་བོ་དཀོན་མཆོག་ཁྱེད་ཀྱིས་གདག་ཉིད་ལ།
སྲུང་སྐྱོབ་བརྟན་པོར་མཛད་དེ་སྐྱབས་གྲོགས་གནང་། ཉིད་ཀྱིས་ང་ལ་གཟིགས་སྐྱོང་མཛད་པར་བརྟེན།
ཉིད་ཀྱི་མཐུ་དང་ནུས་པར་བརྟེན་པས་ན། ང་ནི་ཉེས་མེད་བརྟན་པོར་གནས་ལགས་སོ།
36 ཁྱེད་ཀྱིས་ང་ལ་བཙོན་ལས་སྐྱབས་པ་གནང་། ང་ནི་ད་བར་ནམ་ཡང་འགྱེལ་མེད་དོ།
37 ངས་དགྲ་བོའི་རྗེས་སུ་འདེད་ནས་འཛིན་བཟུང་བྱེད། དེ་ཚོ་ཡོངས་སུ་ཚར་གཅོད་མ་བྱེད་པར།
མཚམས་འཇོག་བྱེད་དེ་ང་ནི་ལོག་མི་ཡོང་།
38 ང་ཡིས་དེ་ཚོར་ཞུས་པས་རྐྱེན་དེ་ཚོ་ངའི་མདུན་ཕམ་ཞིང་ལང་མི་ཐུབ།
39 འཐབ་མོའི་དོན་དུ་མཁོ་བའི་ནུས་སྟོབས་དང་། དགྲ་བོའི་གཡུལ་ལས་རྣམ་པར་རྒྱལ་བ་དེ།
ཁྱེད་ཉིད་རང་གི་ང་ལ་གནང་བར་མཛད།
40 ང་ཡི་མདུན་ནས་རང་གི་དགྲ་བོ་རྣམས། ཁྱེད་ཀྱིས་ཡོངས་སུ་འདེད་པར་མཛད་པ་གནང་།
ང་ལ་སྡང་མཁན་རྣམས་ལ་ངས་ཚར་བཅད།
41 དེ་ཚོས་སྐྱབས་གྲོགས་ཞུ་ཕྱིར་སྐད་འབོད་ཀྱང་། སུས་ཀྱང་དེ་ཚོར་སྐྱབས་གྲོགས་མི་བྱེད་དོ།
དེ་ཚོས་གཙོ་བོ་དཀོན་མཆོག་ལ་ཞུ་འབོད་བྱེད་མོས་ཀྱང་། ཁོང་གིས་དེ་ཚོར་བཀའ་ལན་མི་གནང་ངོ་།
42 ངས་ནི་དེ་ཚོར་བརྫིས་བས་རྐྱེན། དེ་ཚོ་རླུང་གིས་འཁྱེར་བའི་རྡུལ་བཞིན་འགྱུར།
ངས་ནི་དེ་ཚོར་ལམ་གྱི་འདམ་རྫབ་བཞིན། རྐང་པའི་འོག་ཏུ་རྡོག་བརྫིས་གཏོང་བར་བྱེད།
43 ཁྱེད་ཀྱིས་ང་ལ་མི་ངོ་ལོག་ཅན་ལས་སྐྱབས་ནས། མི་རིགས་རྣམས་ཀྱི་ཐོག་རྒྱལ་པོར་བསྐོས།
ད་ལྟ་ངོ་ཤེས་མེད་པའི་མི་རྣམས་ང་ཡི་འབངས་སུ་འགྱུར།
44 ཕྱི་ཡུལ་མི་རྣམས་ངའི་མདུན་མགོ་སྒུར་ཞིང་། ང་ཡི་གཏམ་དེ་ཚོས་ཐོས་ནས་བརྩི་སྲུང་བྱས།
45 དེ་ཚོ་སེམས་ཤུགས་ཉམ་ཤིང་ལུས་འདར་ཏེ། རང་གི་འཛིང་རག་ཁག་ནས་ཐོན་པར་འགྱུར།
46 གཙོ་བོ་དཀོན་མཆོག་ཉིད་ནི་སྐུ་གསོན་པས། ང་ཡི་བསྲུང་སྐྱོབས་བྱས་མཁན་དེ་ལ་བསྟོད་བསྔོགས་ཤིག།
ང་ལ་སྐྱབས་པར་མཛད་མཁན་དཀོན་མཆོག་གི། མངའ་ཐང་ཆེན་པོའི་སྐོར་ལ་ཁྱབ་བསྒྲགས་བྱོས།
47 ཁོང་གིས་ང་ལ་རང་གི་དགྲ་རྣམས་ཐོག། རྒྱལ་ཁ་གནང་བར་མཛད།
ཁོང་གིས་མི་རིགས་རྣམས་ང་ཡི་དབང་དུ་བསྡུ་བར་མཛད་གནང་ངོ་།
48 ང་ལ་རང་གི་དགྲ་ལས་སྐྱབས་པར་མཛད། ཀྱེ་གཙོ་བོ་དཀོན་མཆོག་ཁྱེད་ཀྱིས་བདག་ཉིད་ལ།
རང་གི་དགྲ་བོ་རྣམས་ལས་རྒྱལ་ཁ་གནང་། དྲག་ཤུལ་མི་ལས་སྐྱབས་པར་མཛད།
49 དེ་བས་ང་ནི་མི་རིགས་ཀུན་གྱི་ཁྲོད། བསྟོད་དབྱངས་ལེན་ཞིང་ཁྱེད་ལ་བསྔགས་བརྗོད་ཞུ།
50 དཀོན་མཆོག་གིས་ནི་རང་གི་རྒྱལ་པོ་ལ། རྣམ་པར་རྒྱལ་བའི་གོ་སྐབས་གནང་བར་མཛད།
ཁོང་གིས་འདམས་པའི་སྐྱེ་བོ་དཱ་བིད་དང་ནི་ཁོང་གི་རིགས་བརྒྱུད་ལ།
རྒྱུན་ལྡན་ཐུགས་བརྩེ་རྒྱུན་དུ་བསྟན་པར་མཛད་གནང་ངོ༎
1 I love you, O Lord, my strength. 2 The Lord is my rock and my fortress and my deliverer, my God, my rock, in whom I take refuge, my shield, and the horn of my salvation, my stronghold. 3 I call upon the Lord, who is worthy to be praised, and I am saved from my enemies.
4 The cords of death encompassed me; the torrents of destruction assailed me; 5 the cords of Sheol entangled me; the snares of death confronted me.
6 In my distress I called upon the Lord; to my God I cried for help. From his temple he heard my voice, and my cry to him reached his ears.
7 Then the earth reeled and rocked; the foundations also of the mountains trembled and quaked, because he was angry. 8 Smoke went up from his nostrils, and devouring fire from his mouth; glowing coals flamed forth from him. 9 He bowed the heavens and came down; thick darkness was under his feet. 10 He rode on a cherub and flew; he came swiftly on the wings of the wind. 11 He made darkness his covering, his canopy around him, thick clouds dark with water. 12 Out of the brightness before him hailstones and coals of fire broke through his clouds.
13 The Lord also thundered in the heavens, and the Most High uttered his voice, hailstones and coals of fire. 14 And he sent out his arrows and scattered them; he flashed forth lightnings and routed them. 15 Then the channels of the sea were seen, and the foundations of the world were laid bare at your rebuke, O Lord, at the blast of the breath of your nostrils.
16 He sent from on high, he took me; he drew me out of many waters. 17 He rescued me from my strong enemy and from those who hated me, for they were too mighty for me. 18 They confronted me in the day of my calamity, but the Lord was my support. 19 He brought me out into a broad place; he rescued me, because he delighted in me.
20 The Lord dealt with me according to my righteousness; according to the cleanness of my hands he rewarded me. 21 For I have kept the ways of the Lord, and have not wickedly departed from my God. 22For all his rules were before me, and his statutes I did not put away from me. 23 I was blameless before him, and I kept myself from my guilt. 24 So the Lord has rewarded me according to my righteousness, according to the cleanness of my hands in his sight.
25 With the merciful you show yourself merciful; with the blameless man you show yourself blameless; 26 with the purified you show yourself pure; and with the crooked you make yourself seem tortuous. 27 For you save a humble people, but the haughty eyes you bring down. 28 For it is you who light my lamp; the Lord my God lightens my darkness. 29 For by you I can run against a troop, and by my God I can leap over a wall. 30 This God—his way is perfect; the word of the Lord proves true; he is a shield for all those who take refuge in him.
31 For who is God, but the Lord? And who is a rock, except our God? — 32 the God who equipped me with strength and made my way blameless. 33 He made my feet like the feet of a deer and set me secure on the heights. 34 He trains my hands for war, so that my arms can bend a bow of bronze. 35 You have given me the shield of your salvation, and your right hand supported me, and your gentleness made me great. 36 You gave a wide place for my steps under me, and my feet did not slip. 37 I pursued my enemies and overtook them, and did not turn back till they were consumed. 38 I thrust them through, so that they were not able to rise; they fell under my feet. 39 For you equipped me with strength for the battle; you made those who rise against me sink under me. 40You made my enemies turn their backs to me, and those who hated me I destroyed. 41They cried for help, but there was none to save; they cried to the Lord, but he did not answer them. 42I beat them fine as dust before the wind; I cast them out like the mire of the streets.
43 You delivered me from strife with the people; you made me the head of the nations; people whom I had not known served me. 44 As soon as they heard of me they obeyed me; foreigners came cringing to me. 45 Foreigners lost heart and came trembling out of their fortresses.
46 The Lord lives, and blessed be my rock, and exalted be the God of my salvation— 47the God who gave me vengeance and subdued peoples under me, 48 who rescued me from my enemies; yes, you exalted me above those who rose against me; you delivered me from the man of violence.
49 For this I will praise you, O Lord, among the nations, and sing to your name. 50 Great salvation he brings to his king, and shows steadfast love to his anointed, to David and his offspring forever.
The Life of Yeshu 