བཀའ་ཁྲིམས་སྐྱར་བཤད་ 5

1  ཨིསི་རཱཨེལ་མི་མང་ཚང་མ་བཀོང་སྟེ་མོ་ཤེས་སྨྲས་པ། ཀྱེ་ཨིསི་རཱཨེལ་པ་རྣམས། ངས་དེ་རིང་ཁྱོད་ཚོར་སྤྲད་བཞིན་པས་བཀའ་ཁྲིམས་ཚང་མ་ཉོན་ཞིག དེ་དག་བསླབ་ནས་ངེས་པར་རྩིས་སྲུང་བྱོས་ཤིག 2  རི་བོ་སི་ནཨི་ཁར་གཙོ་བོ་དཀོན་མཆོག་ང་ཚོའི་དཀོན་མཆོག་གིས་དམ་བཅའ་ཞིག་གནང་ཡོད་ཅིང་། 3  དམ་བཅའ་དེ་ནི་ང་ཚོའི་ཕ་མེས་མཉམ་དུ་གཅིག་པུར་མ་ཡིན་པར། དེང་དུས་གསོན་པོར་གནས་བཞིན་པའི་ང་ཚོའི་མི་རབས་ཡོངས་མཉམ་དུ་ཡང་གནང་བ་ཡིན་ནོ། 4  རི་བོའི་སྒང་དུ་གཙོ་བོ་དཀོན་མཆོག་གིས་ཁྱོད་ཚོའི་མདུན་དུ་མེའི་དཀྱིལ་ནས་གསུང་གླེང་མཛད་སྐབས། 5  ཁོང་གིས་གང་གསུངས་པའི་བཀའ་རྣམས་ཁྱོད་ཚོར་ཤོད་ཕྱིར་ང་ནི་གཙོ་བོ་དཀོན་མཆོག་དང་ཁྱོད་ཚོའི་བར་ལ་ལངས་ནས་བསྡད་པ་ཡིན། གང་ལགས་ཟེར་ན། ཁྱོད་ཚོས་མེ་མཐོང་ནས་འཇིགས་ཏེ་རི་བོར་འཛེགས་མ་ནུས་པ་ཡིན་ནོ།

གཙོ་བོ་དཀོན་མཆོག་གིས་གསུངས་པ། 6  ཁྱོད་ཚོ་ཨི་ཇིབ་ཀྱི་བྲན་འཁོལ་ནས་ཕྱིར་བཏོན་བྱེད་མཁན་ཁྱོད་ཚོའི་དཀོན་མཆོག་གཙོ་བོ་དཀོན་མཆོག་དེ་ང་ཡིན་ནོ།

7  ང་མ་གཏོགས་པར་ལྷ་རྟེན་གཞན་སུ་ལའང་བསྟེན་མི་རུང་།

8  ཁྱོད་ཚོས་རང་གི་ཕྱིར་དུ་གནམ་དང་ས་གཞིའམ། ས་གཞིའི་འོག་གི་ཆུའི་ནང་ཡོད་པའི་དངོས་པོ་གང་ཞིག་གི་གཟུགས་བརྙན་མ་བཟོ་ཞིག 9  སྐུ་འདྲའམ་གཟུགས་བརྙན་སོགས་ལ་ཕྱག་འཚལ་བ་དང་བསྙེན་བཀུར་མ་བྱེད་ཅིག གང་ལགས་ཟེར་ན། ང་ཁྱོད་ཚོའི་དཀོནམཆོག་གཙོ་བོ་དཀོན་མཆོག་གཅིག་རང་ཡིན་པས་ང་ལ་ཁ་གཏད་བྱེད་མཁན་རྣམས་ལ་ངས་བཟོད་བསྲན་མི་བྱེད་ཅིང་། ང་ལ་སྡང་བ་བྱེད་མཁན་རྣམས་ལ་ངས་དེ་ཚོའི་མི་རབས་གསུམ་པ་དང་བཞི་པའི་བར་དུ་ཉེས་ཆད་གཏོང་རྒྱུ་ཡིན་ནོ། 10  འོན་ཀྱང་ང་ལ་བརྩེ་བ་བྱེད་མཁན་དང་ངའི་བཀའ་སྲུང་མཁན་རྣམས་ལ་ངས་དེ་ཚོའི་མི་རབས་སྟོང་ཕྲག་མང་པོའི་བར་དུ་བྱམས་སྐྱོང་བྱེད་རྒྱུ་ཡིན་ནོ།

11  ངའི་མིང་དེ་དམིགས་ཡུལ་ངན་པ་ཞིག་སྒྲུབ་པའི་ཕྱིར་དུ་མ་ལེན་ཅིག གང་ལགས་ཟེར་ན། ང་ཁྱོད་ཚོའི་དཀོན་མཆོག་གཙོ་བོ་དཀོན་མཆོག་གི་མིང་དེ་དོན་མེད་དུ་ལེན་མཁན་ཚོར་ངས་ཉེས་ཆད་གཏོང་རྒྱུ་ཡིན་ནོ།

12  གཙོ་བོ་དཀོན་མཆོག་ཁྱོད་ཚོའི་དཀོན་མཆོག་ངས་ཇི་ལྟར་བཀའ་བསྒོས་བྱས་པ་བཞིན་ངལ་གསོ་བའི་ཞག་དེ་བསྲུང་དགོས་པ་དང་དེ་ལ་དམ་པར་བརྩིས་དགོས་སོ། 13  ཉིན་ཞག་དྲུག་བར་དུ་ལས་ཀ་བྱེད་ཆོག་པའི་གནང་བ་ཡོད། 14  འོན་ཀྱང་ཉིན་ཞག་བདུན་པ་དེ་ནི་ངའི་ཆེད་དུ་ཟུར་དུ་དབྱེ་བའི་ངལ་གསོའི་ཉིན་མོ་ཡིན་པས། དེ་ཉིན་ཁྱོད་རང་དང་ཁྱོད་ཀྱི་བུ་ཕྲུག་དང་གཡོག་པོ་དང་། སེམས་ཅན་སོགས་དང་། དེ་བཞིན་ཁྱོད་ཚོའི་ཡུལ་དུ་གནས་པའི་ཕྱི་རྒྱལ་མི་རིགས་ཚོས་ཀྱང་ལས་ཀ་བྱེད་མི་ཆོག ཁྱོད་ཚོའི་བྲན་གཡོག་ཚོས་ཀྱང་ཁྱོད་ཚོ་ལྟར་དེ་ཉིན་ངལ་གསོ་བྱེད་དགོས་སོ། 15  སྔར་ཁྱོད་ཚོ་ཨི་ཇིབ་དུ་བྲན་གཡོག་གི་གནས་སྟངས་སུ་གནས་པ་དང་། དེ་རྗེས་ང་གཙོ་བོ་དཀོན་མཆོག་ཁྱོད་ཚོའི་དཀོན་མཆོག་གིས་རང་གི་མཐུ་སྟོབས་ཀྱི་སྒོ་ནས་ཁྱོད་ཚོར་རྐྱབས་གྲོགས་ཇི་ལྟར་བྱས་པ་དེ་ལ་དྲན་གསོ་བྱོས་ཤིག དེ་བས་ན་ཁྱོད་ཚོས་ངལ་གསོ་བའི་ཞག་དམ་པ་དེ་སྲུང་དགོས་ཅེས་ངས་བཀའ་བསྒོས་བྱས་པ་ཡིན་ནོ།

16  ཁྱོད་ཚོའི་དཀོན་མཆོག་གཙོ་བོ་དཀོན་མཆོག་ངས་ཁྱོད་ཚོར་སྟེར་རྒྱུ་ཡིན་པའི་ཡུལ་གྱི་ནང་དུ་ཁྱོད་ཚོར་བདེ་སྐྱིད་ཡོང་བ་དང་། དེར་ཁྱོད་ཚོ་ཚེ་རིང་པོ་གནས་ཐུབ་ཕྱིར་རང་གི་ཕ་མ་གཉིས་ལ་གུས་ཞབས་བྱོས་ཤིག

17  སྲོག་གཅོད་མ་བྱེད།

18  ལོག་གཡེམ་མ་བྱེད།

19  རྐུན་མ་མ་རྐུ།

20  ནག་ཉེས་མེད་པར་སུ་ལའང་སྐྱོན་བརྗོད་མ་བྱེད་ཅིག

21  ཁྱོད་ཀྱིས་མི་གཞན་གྱི་ཆུང་མར་འདོད་པ་མ་བྱེད་ཅིག དེའི་ཁང་པ་དང་ས་ཞིང་སོགས་དང་། དེའི་བྲན་གཡོག་དང་། དེའི་ཕྱུགས་ཟོག་དང་། དེའི་བོང་བུ་རྣམས། གཞན་ཡང་དེའི་རྒྱུ་དངོས་གང་རུང་ལ་འདོད་རྔམས་མ་བྱེད་ཅིག

22  རི་ཁར་འཛོམས་པའི་སྐབས་སུ་གཙོ་བོ་དཀོན་མཆོག་གིས་ཁྱོད་ཚོ་ཚང་མར་གནང་བའི་བཀའ་ཁྲིམས་ནི་འདི་དག་ཡིན་ཅིང་། ཁོང་གིས་མེ་དང་སྤྲིན་མཐུག་པོའི་དཀྱིལ་ནས་གསུང་སྐད་ཆེན་པོས་ཁྱོད་ཚོར་གསུང་གླེང་གནང་སྟེ། བཀའ་རྒྱ་འདི་དག་གནང་བ་མ་གཏོགས་དེ་མིན་བཀའ་རྒྱ་གཞན་ཞིག་གནང་བ་མ་ཡིན་ནོ། དེ་རྗེས་ཁོང་གིས་བཀའ་རྒྱ་དེ་དག་རྡོ་ལེབ་གཉིས་ཀྱི་ཐོག་ཏུ་བྲིས་གནང་མཛད་དེ་ང་ལ་གནང་ངོ་༎

23  རི་བོ་ཡོངས་སུ་མེ་འབར་བའི་ཚེ་མུན་པའི་དཀྱིལ་ནས་ཁྱོད་ཚོས་ཁོང་གི་གསུང་ཐོས་ཏེ། ཁྱོད་ཚོའི་འགོ་དཔོན་དང་སྡེ་རིགས་ཀྱི་རྒན་པོ་རྣམས་ངའི་རྩར་འོང་སྟེ་སྨྲས་པ། 24  ང་ཚོས་མེའི་དཀྱིལ་ནས་གཙོ་བོ་དཀོན་མཆོག་ང་ཚོའི་དཀོན་མཆོག་གི་གསུང་ཐོས་པ་དེའི་སྒོ་ནས། ཉིད་ཀྱི་མངའ་ཐང་དང་གཟི་བརྗིད་དེ་ང་ཚོར་མངོན་པར་མཛད་དོ། དཀོན་མཆོག་མི་དང་མཉམ་དུ་གསུང་གླེན་གནང་སྐབས་སུའང་མི་གསོན་པོར་གནས་པ་ང་ཚོས་དེ་རིང་མཐོང་བྱུང་། 25  ད་ཡང་སྐྱར་ང་ཚོ་འཆི་བའི་འཇིགས་པ་དེ་ནང་ཅིའི་ཕྱིར་མྱང་དགོས་སམ། འཇིགས་སུ་རུང་བའི་མེ་དེས་ང་ཚོ་ལ་མེད་པར་བཟོ་ཉེན་ཡོད། ང་ཚོའི་དཀོན་མཆོག་གཙོ་བོ་དཀོན་མཆོག་གིས་གསུང་གླེང་གནང་བ་དེ་ཡང་སྐྱར་ང་ཚོས་ཐོས་ན། ང་ཚོ་ཤི་ངེས་ཅན་ཡིན་ནོ། 26  མེའི་དཀྱིས་ནས་གསོན་པོའི་དཀོན་མཆོག་གི་གསུང་དེ་ཐོས་པའི་རྗེས་སུ་མི་སུ་ཞིག་ད་བར་གསོན་པོར་གནས་ཐུབ་ཡོད་དམ། 27  ཀྱེ་མོ་ཤེ་ཁྱེད་རང་ཡང་སྐྱར་ཕེབས་ནས་ང་ཚོའི་དཀོན་མཆོག་གཙོ་བོ་དཀོན་མཆོག་གིས་གང་གསུངས་པ་དེ་གསན་ཏེ། སླར་ཕྱིར་ལོག་ཕེབས་ཏེ་ཁོང་གིས་གང་གསུང་པ་ཐམས་ཅད་ང་ཚོར་གསུངས་ཤིག་དང་། ང་ཚོས་དེ་དག་ཉན་ཏེ་རྩིས་བསྲུང་ཞུ་གི་ཡིན་ནོ།

28  གནས་ཚུལ་འདི་དག་གསན་ཏེ་གཙོ་བོ་དཀོན་མཆོག་གིས་ང་ལ་གསུངས་པ། མི་འདི་ཚོས་གང་སྨྲས་པ་རྣམས་ངས་ཐོས་བྱུང་བས། དེ་དག་འོས་ཤིང་འཚམ་པ་སྨྲས་ཡོད། 29  དེ་ཚོས་རྒྱུན་དུ་དེ་བཞིན་འཚོར་སྣང་སྐྱེས་སྟེ། ང་ལ་རྩིས་གུས་བྱས་ཤིང་ངའི་བཀའ་རྒྱ་ཚང་མ་བསྲུང་པ་ཡིན་ན་ཅི་མ་རུང་། དེ་ལྟར་བྱས་པ་ཡིན་ན་དེ་ཚོ་དང་དེ་ཚོའི་མི་རྒྱུད་རྣམས་ལ་རྟག་ཏུ་བདེ་སྐྱིད་ཡོང་ངེས་སོ། 30  ད་ཁྱོད་སོང་ནས་དེ་ཚོར་སོ་སོའི་གུར་གྱི་ནང་དུ་ལོག་དགོས་ཅེས་སྨྲོས་ཤིག 31  འོན་ཀྱང་མོ་ཤེ་ཁྱོད་ནི་ང་དང་མཉམ་དུ་འདིར་སྡོད་ཅིག ངས་ཁྱོད་ལ་ངའི་བཀའ་ཁྲིམས་ཚང་མ་བཤད་རྒྱུ་ཡིན། ངས་སྤྲོད་རྒྱུ་ཡིན་པའི་ཡུལ་དེར་མི་མང་ཚོས་ངའི་བཀའ་ཁྲིམས་ཚང་མ་སྲུང་ཕྱིར་དེ་དག་ལ་སློབ་སྟོན་བྱོས་ཤིག

32  ཀྱེ་ཨིསི་རཱཨེལ་གྱི་མི་མང་རྣམས། ཁྱོད་ཚོའི་དཀོན་མཆོག་གཙོ་བོ་དཀོན་མཆོག་གིས་ཁྱོད་ཚོར་གནང་བའི་བཀའ་རྒྱ་རྣམས་སྲུང་རྒྱུའི་བློ་ཐག་ཆོད་ཅིག ཁོང་གི་བཀའ་ཁྲིམས་གཅིག་ལའང་མ་རྩིས་པར་མ་བྱེད་ཅིག 33  དེ་ཚོ་ཚང་མ་སྲུང་པ་ཡིན་ན། ཁྱོད་ཚོའི་ལས་དོན་ཚང་མ་འགྲུབ་ཅིང་། ཁྱོད་ཚོས་བདག་ཏུ་འཛིན་རྒྱུ་ཡིན་པའི་ཡུལ་དེར་ཁྱོད་ཚོ་མུ་མཐུད་ཀྱིས་གནས་སྡོད་བྱེད་པར་འགྱུར་རོ༎

 

Deuteronomy 5

And Moses summoned all Israel and said to them, “Hear, O Israel, the statutes and the rules that I speak in your hearing today, and you shall learn them and be careful to do them. 2 The Lord our God made a covenant with us in Horeb. 3 Not with our fathers did the Lord make this covenant, but with us, who are all of us here alive today. 4 The Lord spoke with you face to face at the mountain, out of the midst of the fire, 5 while I stood between the Lord and you at that time, to declare to you the word of the Lord. For you were afraid because of the fire, and you did not go up into the mountain. He said:

6 “‘I am the Lord your God, who brought you out of the land of Egypt, out of the house of slavery.

7 “‘You shall have no other gods before me.

8 “‘You shall not make for yourself a carved image, or any likeness of anything that is in heaven above, or that is on the earth beneath, or that is in the water under the earth. 9 You shall not bow down to them or serve them; for I the Lord your God am a jealous God, visiting the iniquity of the fathers on the children to the third and fourth generation of those who hate me, 10 but showing steadfast love to thousands of those who love me and keep my commandments.

11 “‘You shall not take the name of the Lord your God in vain, for the Lord will not hold him guiltless who takes his name in vain.

12 “‘Observe the Sabbath day, to keep it holy, as the Lord your God commanded you. 13 Six days you shall labor and do all your work, 14 but the seventh day is a Sabbath to the Lord your God. On it you shall not do any work, you or your son or your daughter or your male servant or your female servant, or your ox or your donkey or any of your livestock, or the sojourner who is within your gates, that your male servant and your female servant may rest as well as you. 15 You shall remember that you were a slave in the land of Egypt, and the Lord your God brought you out from there with a mighty hand and an outstretched arm. Therefore the Lord your God commanded you to keep the Sabbath day.

16 “‘Honor your father and your mother, as the Lord your God commanded you, that your days may be long, and that it may go well with you in the land that the Lord your God is giving you.

17 “‘You shall not murder.

18 “‘And you shall not commit adultery.

19 “‘And you shall not steal.

20 “‘And you shall not bear false witness against your neighbor.

21 “‘And you shall not covet your neighbor’s wife. And you shall not desire your neighbor’s house, his field, or his male servant, or his female servant, his ox, or his donkey, or anything that is your neighbor’s.’

22 “These words the Lord spoke to all your assembly at the mountain out of the midst of the fire, the cloud, and the thick darkness, with a loud voice; and he added no more. And he wrote them on two tablets of stone and gave them to me. 23 And as soon as you heard the voice out of the midst of the darkness, while the mountain was burning with fire, you came near to me, all the heads of your tribes, and your elders. 24 And you said, ‘Behold, the Lord our God has shown us his glory and greatness, and we have heard his voice out of the midst of the fire. This day we have seen God speak with man, and man still live. 25 Now therefore why should we die? For this great fire will consume us. If we hear the voice of the Lord our God any more, we shall die. 26 For who is there of all flesh, that has heard the voice of the living God speaking out of the midst of fire as we have, and has still lived? 27 Go near and hear all that the Lord our God will say, and speak to us all that the Lord our God will speak to you, and we will hear and do it.’

28 “And the Lord heard your words, when you spoke to me. And the Lord said to me, ‘I have heard the words of this people, which they have spoken to you. They are right in all that they have spoken. 29 Oh that they had such a heart as this always, to fear me and to keep all my commandments, that it might go well with them and with their descendants forever! 30 Go and say to them, “Return to your tents.” 31 But you, stand here by me, and I will tell you the whole commandment and the statutes and the rules that you shall teach them, that they may do them in the land that I am giving them to possess.’ 32 You shall be careful therefore to do as the Lord your God has commanded you. You shall not turn aside to the right hand or to the left. 33 You shall walk in all the way that the Lord your God has commanded you, that you may live, and that it may go well with you, and that you may live long in the land that you shall possess.