གསུང་མགུར 118 – Psalm 118
1 གཙོ་བོ་དཀོན་མཆོག་ཁོང་ལ་གཏང་རག་འབུལ། གང་ལགས་ཟེར་ན་ཁོང་ནི་བཟང་པོ་ཡིན། ཁོང་གི་བྱམས་པ་རྒྱུན་དུ་གནས།
2 ཨིསི་རཱཨེལ་གྱི་མི་མང་ཚོས་འདི་ལྟར་སྨྲས་པར་ཤོག། ཁོང་གི་བྱམས་པ་རྒྱུན་དུ་གནས།
3 དཀོན་མཆོག་ཁོང་གི་བླ་མ་ཚོ་ཡིས་འདི་ལྟར་སྨྲས་པར་ཤོག། ཁོང་གི་བྱམས་པ་རྒྱུན་དུ་གནས།
4 ཁོང་ལ་བསྙེན་བཀུར་བྱེད་མཁན་ཡོངས་ནས་འདི་ལྟར་སྨྲས་པར་ཤོག། ཁོང་གི་བྱམས་པ་རྒྱུན་དུ་གནས།
5 ང་ཡི་དཀའ་ངལ་དུས་སུ་གཙོ་བོ་དཀོན་མཆོག་ཁོང་ལ་བོས། ཁོང་གིས་བཀའ་ལན་གནང་ནས་ང་ཐར་རོ།
6 གཙོ་བོ་དཀོན་མཆོག་ཁོང་ནི་ང་མཉམ་ཡོད་པས་ང་མི་འཇིགས། ང་ལ་སུ་ཡི་ཅི་ཞིག་བྱེད་ཐུབ་བམ།
7 ང་ལ་མགོན་སྐྱབས་གནང་མཁན་དེ་ནི་གཙོ་བོ་དཀོན་མཆོག་ཡིན་པ་དང་། ངས་རང་གི་དགྲ་རྣམས་ཕམ་པ་མཐོང་བར་འགྱུར།
8 མི་ལ་བློ་བཅོལ་བ་ལས། གཙོ་བོ་དཀོན་མཆོག་ཁོང་ལ་བློ་བཅོལ་བྱེད་པ་ལེགས་པ་ཡིན།
9 མི་ཡི་འགོ་པར་བློ་གཏད་བྱེད་པ་ལས། གཙོ་བོ་དཀོན་མཆོག་ཁོང་ལ་བློ་བཅོལ་བྱེད་པ་ལེགས་པ་ཡིན།
10 ང་ལ་ཕྱོགས་བཞིར་དགྲ་བོ་མང་པོས་བསྐོར། འོན་ཀྱང་གཙོ་བོ་དཀོན་མཆོག་ཁོང་གི་དབང་གིས་ང་ཡིས་དེ་ཚོར་ཚར་བཅད་དོ།
11 དེ་ཚོས་ང་ལ་ཕྱོགས་བཞིར་བསྐོར་ནས་ཡོད། འོན་ཀྱང་གཙོ་བོ་དཀོན་མཆོག་ཁོང་གི་དབང་གིས་ང་ཡིས་དེ་ཚོར་ཚར་བཅད་དོ།
12 སྦྲང་ཚོགས་བཞིན་དུ་དེ་ཚོས་ང་ལ་བསྐོར། འོན་ཀྱང་དེ་ཚོ་ཚེར་ཁྲོད་མེ་ལྟར་འཚིག་ནས་མྱུར་དུ་འཆི། གཙོ་བོ་དཀོན་མཆོག་ཁོང་གི་དབང་གིས་ང་ཡིས་དེ་ཚོར་ཚར་བཅད་དོ།
13 ང་ལ་འཇིགས་སུ་རུང་བར་ཐབ་རྒོལ་བྱེད་པ་དང་ང་འཕམ་བཞིན་ཡོད། འོན་ཀྱང་གཙོ་བོ་དཀོན་མཆོག་ཁོང་གིས་ང་ལ་སྐྱབས།
14 གཙོ་བོ་དཀོན་མཆོག་ཁོང་གིས་ང་ལ་སྟོབས་ཅན་བཟོས་པ་གནང་། ཁོང་གིས་ང་ལ་སྐྱབས་པ་གནང་།
15 དཀོན་མཆོག་གི་མི་འབངས་ཀྱི་གུར་ནང་དུ། རྒྱལ་ཁའི་དགའ་བའི་སྐད་འབོད་ཉོན་ཞིག། གཙོ་བོ་དཀོན་མཆོག་ཁོང་གི་སྟོབས་ཀྱིས་འདི་རྣམས་བྱུང་བ་ཡིན།
16 ཁོང་གི་མཐུ་སྟོབས་ཀྱིས་ནི་དམག་ས་རུ། རྒྱལ་ཁའི་ངང་ནས་ང་ཚོར་འཁྲིད་གནང་ངོ་།
17 ང་ནི་འཆི་མི་ཡོང་། དེའི་ཚབ་ཏུ་ང་གསོན་པོར་བསྡད་པ་དང། གཙོ་བོ་དཀོན་མཆོག་ཁོང་གི་མཛད་འཕྲིན་རྣམས་ནི་ང་ཡིས་བརྗོད།
18 ཁོང་གིས་ང་ལ་ཉེས་ཆད་དྲག་པོ་བཏང་། འོན་ཀྱང་ཁོང་གིས་ང་ནི་འཆི་མ་འཇུག།
19 མཆོད་ཁང་སྒོ་རྣམས་ངའི་ཕྱིར་ཕྱེ་བར་མཛད། ང་ནང་དུ་འཛུལ་ནས་གཙོ་བོ་དཀོན་མཆོག་ཁོང་ལ་གཏང་རག་འབུལ།
20 འདི་ནི་གཙོ་བོ་དཀོན་མཆོག་ཁོང་གི་རྒྱལ་སྒོ་ཡིན། དྲང་བདེན་མི་རྣམས་གཅིག་པུ་དེ་ནང་འཛུལ་ཐུབ།
21 ང་ནི་གཙོ་བོ་དཀོན་མཆོག་ཁྱེད་ལ་བསྟོད་པ་འབུལ། གང་ལགས་ཟེར་ན་ཁྱེད་ཀྱིས་ང་ལ་གསན་པ་དང། ཁྱེད་ཀྱིས་ང་ལ་རྒྱལ་ཁ་གནང་ཡོད།
22 ཁྱིམ་བཟོ་པ་ཚོས་ཕན་མེད་ཟེར་ནས་དབྱུགས་པའི་རྡོ། རྨང་གཞི་ལྟེ་བའི་ཟུར་རྡོར་འགྱུར་ཡོད་དོ།
23 འདི་ནི་གཙོ་བོ་དཀོན་མཆོག་ཁོང་གི་གནང་བ་ཡིན། དེ་ནི་ཇི་ལྟར་ངོ་མཚར་ཅན་གྱི་་སྣང་བ་ཡིན་ནོ།
24 དེ་རིང་གཙོ་བོ་དཀོན་མཆོག་རྒྱལ་བའི་ཉིན་མོ་ཡིན། ང་ཚོ་དགའ་ཞིང་སྐྱིད་པོ་བྱ་དགོས་སོ།
25 གཙོ་བོ་དཀོན་མཆོག་ཁྱེད་ཀྱིས་ང་ཚོར་སྐྱབས་རོགས་གནང་། ང་ཚོར་དར་ཞིང་རྒྱས་མཛོད་ཀྱེ་གཙོ་བོ་དཀོན་མཆོག།
26 གཙོ་བོ་དཀོན་མཆོག་ཁོང་གི་མཚན་ནང་ཕེབས་མཁན་ལ། དཀོན་མཆོག་ཁོང་གིས་བྱིན་རླབས་གནང་བར་ཤོག། གཙོ་བོ་དཀོན་མཆོག་ཁོང་གི་མཆོད་ཁང་ནས། ང་ཚོས་ཁྱེད་ལ་བྱིན་རླབས་འབུལ།
27 གཙོ་བོ་དཀོན་མཆོག་ཁོང་ནི་དཀོན་མཆོག་ཡིན། ཁོང་གི་ང་ཚོའི་ཐོག་ཏུ་བཟང་པོ་གནང་། ལག་ཏུ་ཡལ་ག་འཁུར་ནས་དུས་ཆེན་ཚུགས། དེ་ནས་མཆོད་ཁྲིའི་ཕྱོགས་བཞིར་བསྐོར་བ་བརྒྱབ།
28 ཁྱེད་ནི་ང་ཡི་དཀོན་མཆོག་ཡིན་པ་དང། ང་ནི་ཁྱེད་ལ་གཏང་རག་འབུལ། ཁྱེད་ཀྱི་སྙན་གྲགས་སྐོར་ལ་ང་ཡི་བརྗོད།
29 གཙོ་བོ་དཀོན་མཆོག་ཁོང་ལ་གཏང་རག་འབུལ། གང་ལགས་ཟེར་ན་ཁོང་ནི་བཟང་པོ་ཡིན། ཁོང་གི་བྱམས་པ་རྒྱུན་དུ་གནས་པར་འགྱུར༎
1 Oh give thanks to the Lord, for he is good; for his steadfast love endures forever!
2 Let Israel say, “His steadfast love endures forever.”
3 Let the house of Aaron say, “His steadfast love endures forever.”
4 Let those who fear the Lord say, “His steadfast love endures forever.”
5 Out of my distress I called on the Lord; the Lord answered me and set me free.
6 The Lord is on my side; I will not fear. What can man do to me?
7 The Lord is on my side as my helper; I shall look in triumph on those who hate me.
8 It is better to take refuge in the Lord than to trust in man.
9 It is better to take refuge in the Lord than to trust in princes.
10 All nations surrounded me; in the name of the Lord I cut them off!
11 They surrounded me, surrounded me on every side; in the name of the Lord I cut them off!
12 They surrounded me like bees; they went out like a fire among thorns; in the name of the Lord I cut them off!
13 I was pushed hard, so that I was falling, but the Lord helped me.
14 The Lord is my strength and my song; he has become my salvation.
15 Glad songs of salvation are in the tents of the righteous: “The right hand of the Lord does valiantly, 16 the right hand of the Lord exalts, the right hand of the Lord does valiantly!”
17 I shall not die, but I shall live, and recount the deeds of the Lord.
18 The Lord has disciplined me severely, but he has not given me over to death.
19 Open to me the gates of righteousness, that I may enter through them and give thanks to the Lord.
20 This is the gate of the Lord; the righteous shall enter through it.
21 I thank you that you have answered me and have become my salvation.
22 The stone that the builders rejected has become the cornerstone.
23 This is the Lord’s doing; it is marvelous in our eyes.
24 This is the day that the Lord has made; let us rejoice and be glad in it.
25 Save us, we pray, O Lord! O Lord, we pray, give us success!
26 Blessed is he who comes in the name of the Lord! We bless you from the house of the Lord.
27 The Lord is God, and he has made his light to shine upon us. Bind the festal sacrifice with cords, up to the horns of the altar!
28 You are my God, and I will give thanks to you; you are my God; I will extol you.
29 Oh give thanks to the Lord, for he is good; for his steadfast love endures forever!
The Life of Yeshu 