Bible Study – Gospel of John #027
ཡོ་ཧ་ནན། 8:12-30 – John 8:12-30
ཡོ་ཧ་ནན། 8:12-30
12 དེ་ནས་ཡེ་ཤུས་ཡང་བསྐྱར་ཁོ་ཚོར་ “ང་ནི་འཇིག་རྟེན་གྱི་འོད་ཡིན། སུ་ངའི་རྗེས་སུ་འབྲངས་ཀྱང་དེ་མུན་པའི་ནང་ལ་མི་འགྲུལ་བར་ཚེ་ཡི་འོད་དང་ལྡན་པར་འགྱུར་རོ་” ཞེས་གསུངས།
13 ཕཱ་རུ་ཤི་པས་ཁོང་ལ་ “ཁྱོད་ཀྱིས་རང་ལ་དཔང་པོ་བྱེད་པས། ཁྱོད་ཀྱི་དཔང་པོ་དེ་མི་བདེན་” ཞེས་ཟེར།
14 ཡེ་ཤུས་ “ངས་རང་ལ་དཔང་པོ་བྱས་ཀྱང་ངའི་དཔང་པོ་བདེན་པ་ཡིན། གང་ལགས་ཟེར་ན། ང་རང་གང་ནས་བྱུང་བ་དང་གང་དུ་འགྲོ་བ་ཤེས་ཀྱི་ཡོད། འོན་ཀྱང་ཁྱོད་ཚོས་ང་གང་ནས་བྱུང་བ་དང་གང་དུ་འགྲོ་བ་མི་ཤེས།
15 ཁྱོད་རྣམས་ཀྱིས་ངོ་ལ་བལྟས་ཏེ་ཁྲིམས་གཅོད་བྱེད། ངས་སུ་ལ་ཡང་ཁྲིམས་གཅོད་མི་བྱེད།
16 གལ་སྲིད་ངས་ཁྲིམས་གཅོད་བྱས་པ་ཡིན་ན། དེ་ནི་བདེན་པ་ཡིན། གང་ཡིན་ཟེར་ན། ང་གཅིག་པོ་མ་ཡིན་ཏེ། ང་མངགས་མཁན་ཡབ་ང་དང་མཉམ་དུ་ཡོད་པས་སོ།
17 ཁྱོད་ཚོའི་བཀའ་ཁྲིམས་ལྟར་མི་གཉིས་ཀྱིས་དཔང་པོ་བྱེད་པ་ནི་བདེན་ནོ་ཞེས་བྲིས་འདུག
18 ངས་ང་རང་ལ་དཔང་པོ་བྱེད། ང་མངགས་མཁན་ཡབ་ཀྱིས་ཀྱང་ང་ལ་དཔང་པོ་མཛད་” ཅེས་གསུངས་པ་དང༌།
19 ཁོ་ཚོས་ཁོང་ལ་ “ཁྱོད་ཀྱི་ཡབ་གང་དུ་ཡོད་” ཅེས་ཞུས། ཡེ་ཤུས་ “ཁྱོད་རྣམས་ཀྱིས་ང་ཡང་ངོ་མི་ཤེས། ངའི་ཡབ་ཀྱང་ངོ་མི་ཤེས། ཁྱོད་རྣམས་ཀྱིས་ང་ངོ་ཤེས་ན། ངའི་ཡབ་ཀྱང་ངོ་ཤེས་” ཞེས་གསུངས།
20 གསུང་དེ་ནི་ཡེ་ཤུས་མཆོད་ཁང་ཆེན་མོའི་དངུལ་འབུལ་ས་དང་ཉེ་བར་ཆོས་སྟོན་དུས་གསུངས་པ་ཡིན་ཀྱང༌། ཁོང་གི་དུས་ལ་ད་དུང་མ་བབ་པས་མི་སུས་ཀྱང་ཁོང་འཛིན་བཟུང་མ་བྱས།
21 དེ་ནས་ཁོང་གིས་ཡང་ཁོ་ཚོར་ “ང་ཕར་འགྲོ་སྟེ། ཁྱོད་ཚོས་ང་བཙལ་ཡང༌། ཁྱོད་ཚོ་རང་གི་སྡིག་ཉེས་ནང་དུ་འཆི་བར་འགྱུར་རོ། ང་གང་དུ་འགྲོ་བའི་གནས་སུ་ཁྱོད་ཚོ་ཡོང་མི་སྲིད་” ཅེས་གསུངས།
22 དེའི་ཕྱིར་ཡ་ཧུ་དཱ་པ་ཚོས་ “ང་གང་དུ་འགྲོ་བའི་གནས་སུ་ཁྱོད་ཚོ་ཡོང་མི་ཐུབ་ཅེས་ཟེར་ནི་རང་གི་སྲོག་རང་གིས་གཅོད་དམ་ཞེས་པའི་དོན་ཡིན་ནམ་” ཞེས་དྲིས་པ་དང༌།
23 ཡེ་ཤུས་ཁོ་ཚོར་ “ཁྱོད་རྣམས་འོག་ནས་ཡིན། ང་ནི་སྟེང་ནས་ཡིན། ཁྱོད་རྣམས་འཇིག་རྟེན་འདི་ལ་གཏོགས་ཏེ། ང་ནི་འཇིག་རྟེན་འདི་ལ་མི་གཏོགས།
24 དེའི་ཕྱིར་ངས་ཁྱོད་ཚོར་ཁྱོད་ཚོ་རང་གི་སྡིག་ཉེས་ནང་དུ་འཆི་བར་འགྱུར་ཞེས་བཤད། གལ་སྲིད་ཁྱོད་ཚོས་ང་ཁོང་ཡིན་པར་དད་པ་མ་བྱས་ན། ཁྱོད་ཚོ་རང་གི་སྡིག་ཉེས་ནང་དུ་འཆི་བར་འགྱུར་” ཞེས་གསུངས་པ་དང༌།
25 ཁོ་ཚོས་ “ཁྱེད་སུ་ཡིན་” ཞེས་ཞུས་པས། ཡེ་ཤུས་ “ངས་ཐོག་མ་ནས་ཁྱོད་ཚོར་གང་བཤད་དམ།
26 ངར་ཁྱོད་ཚོའི་སྐོར་གྱི་གཏམ་དང་ཁྲིམས་གཅོད་བྱ་རྒྱུ་མང་པོ་ཡོད། འོན་ཀྱང་ང་མངགས་མཁན་དེ་བདེན་པ་ཡིན་པས། ངས་ཁོང་ནས་གང་ཐོས་པ་ཁོ་ན་དེ་ཚོ་ནི་འཇིག་རྟེན་ལ་སྒྲོག་” ཅེས་གསུངས།
27 ཁོང་གིས་ཡབ་དཀོན་མཆོག་གི་སྐོར་གསུངས་པ་ཁོ་ཚོས་ཧ་མ་གོ་བས།
28 ཡེ་ཤུས་ “ཁྱོད་རྣམས་ཀྱིས་མིའི་རིགས་ཀྱི་བུ་འཕགས་པའི་ཚེ། ང་ནི་ཁོང་ཡིན་པར་ཤེས་ཤིང༌། ངས་ཡབ་ལ་མ་བརྟེན་པར་ཅི་ཡང་མི་བྱེད་དེ། ཡབ་ཀྱིས་ང་ལ་གསུངས་གནང་བ་ཁོ་ནར་ངས་དེ་སྨྲའོ།
29 ཡང་ང་མངགས་མཁན་དེ་ང་དང་མཉམ་དུ་ཡོད། ངས་རྟག་ཏུ་ཡབ་ཀྱི་ཐུགས་མཉེས་པར་བྱེད་པས། ཁོང་གིས་ང་གཅིག་པུར་མ་ལུས་པར་མཛད་” ཅེས་གསུངས།
30 ཁོང་གིས་དེ་ལྟར་གསུངས་དུས་མི་མང་པོས་ཁོང་ལ་དད་པ་བྱས་སོ།།
Study Points
. In the beginning of creation God created light by His spoken word
. Jesus is the living word of God and His words redeem us from our world of darkness
. It is when we believe and trust in the words of Jesus we will see and understand God as our Father in heaven
. Jesus warned those who continue in disbelief and will die in their sin and not able to find their way to God
. Again Jesus spoke of His death and resurrection “When you have lifted up the Son of Man” and how many will come to understand He is the Son of God the chosen Messiah