༄༄།  །ཡེ་ཤུ་པའི་ཆོས་ལུགས་སྐོར་དྲི་བ་དྲིས་ལན།

Questions and answers about the Christian Faith

Originally published by “researchonwords”

དཀོན་མཆོག་གཅིག་མ་གཏོགས་མེད་པའི་སྐོར་དྲི་བ་དྲིས་ལན།

ལེའུ་དང་པོ།

 

1  དྲི་བ།    ཆོས་བདེན་པ་དེ་ག་ནས་བྱུང་རེད།

ལན།    ཆོས་བདེན་པ་དེ་(རང་བཞིན་གྱིས་གྲུབ་པའི་) དཀོན་མཆོག་ནས་བྱུང་པ་རེད།

 

2   དྲི་བ།    དཀོན་མཆོག་སུ་རེད།

ལན།    ནམ་མཁའ་དང་།    ས་གཞི་དང་།     མི་དང་།    སྲོག་ཆགས་མི་འདྲ་བ་ཚང་མ་བཟོ་གནང་མཁན་

དེ་དཀོན་མཆོག་རེད།

 

3   དྲི་བ།     དཀོན་མཆོག་ག་ཚོད་ཡོད་རེད།

ལན།     དཀོན་མཆོག་གཅིག་ལས་ཡོད་མ་རེད།    ཡིན་ན་ཡང་དཀོན་མཆོག་གཅིག་པུ་འདི་ལ་དབྱེ་ན་གསུམ་

ཡོད་པ་དེ་ཡབ་དང་།     སྲས་དང་།     དམ་པའི་ཐུགས་ཉིད་བཅས་རེད།     དེ་ཚོ་གསུམ་བསྡུས་

ནས་དཀོན་མཆོག་གཅིག་ཆགས་ཀྱི་ཡོད་རེད།

 

4   དྲི་བ།    སངས་རྒྱས་ཀྱི་ཆོས་ནང་གསུངས་པའི་དཀོན་མཆོག་གསུམ་དང་།     རང་བཞིན་གྱིས་གྲུབ་པའི་

དཀོན་མཆོག་གཉིས་གཅིག་པ་རེད་པས།

ལན།    མ་རེད།     གཅིག་པ་མ་རེད།     སངས་རྒྱས་ཀྱི་གྲུབ་མཐའ་གཞིར་བཟུང་བྱས་པ་ཡིན་ན།     དཀོན་

མཆོག་གསུམ་ཟེར་ན་སངས་རྒྱས་དང་།     ཆོས་དང་།     དགེ་འདུན་བཅས་གསུམ་རེད།    ཡིན་ན་

ཡང་ཡེ་ཤུའི་ཆོས་ལུགས་གཞིར་བཟུང་བྱས་པ་ཡིན་ན།    ཡབ་དཀོན་མཆོག་དང་།     སྲས་དང་།

དམ་པའི་ཐུགས་ཉིད་དེ་ཚོ་དཀོན་མཆོག་མི་འདྲ་བ་གསུམ་མ་རེད།     འདི་ཚོ་གསུམ་པོ་དེ་ཚོ་ངོ་བོ་

གཅིག་རེད།

 

5   དྲི་བ།    གནམ་སྔོན་པོ་དེ་དཀོན་མཆོག་རེད་པས།

ལན།    མ་རེད།    གནམ་སྔོན་པོ་དེ་དཀོན་མཆོག་གིས་བཀོད་གནང་པ་རེད།     དེ་དཀོན་མཆོག་མ་རེད།

དཔེར་ན།    བཟོ་པས་བཟོས་པའི་ཅ་ལག་ཅིག་ལས་བཟོ་པ་པོ་དེ་ཆེ་བ་ཡིན་པ་ནང་བཞིན།     དཀོན་

མཆོག་ཁོང་གནམ་སྔོན་པོ་དེ་ལས་ཞེ་དྲགས་ཀྱིས་ཆེ་བ་རེད།

 

6   དྲི་བ།    སངས་རྒྱས་ཤཱ་ཀྱ་ཐུབ་པ་ཁོང་དཀོན་མཆོག་རེད་པས།

ལན།    མ་རེད།     སངས་རྒྱས་ཤཱ་ཀྱ་ཐུབ་པ་ཁོང་ལོ་(2520) ཉི་སྟོང་ལྔ་རྒྱ་ཉི་ཤུ་ཙམ་གྱི་སྔོན་ལ་རྒྱ་གར་ཡུལ་

གྱི་གྲོང་ཁྱེར་སེར་སྐྱའི་རྒྱལ་པོ་ཟས་གཙང་མའི་སྲས་སུ་འཁྲུངས་པ་རེད།     རྗེས་ལ་ཁོང་སྟོན་པ་ཆེན་

པོ་ཞིག་ཆགས་པ་རེད།    ཡིན་ན་ཡང་ཐོག་མ་མེད་པའི་དཀོན་མཆོག་ཁོང་ག་དུས་ཡིན་ནས་ཡོད་པ་

དང་།     ཁོང་སངས་རྒྱས་ཤཱ་ཀྱ་ཐུབ་པ་མ་འཁྲུངས་གོང་ནས་བཞུགས་ཡོད་པ་རེད།

 

7   དྲི་བ།   དགེ་འདུན་པ་ཚོ་དཀོན་མཆོག་རེད་པས།

ལན།    མ་རེད།     ཁོང་ཚོ་དཀོན་མཆོག་མ་རེད།     དགེ་འདུན་པ་ཚོ་སངས་རྒྱས་ཀྱི་སྟན་པ་འཛིན་མཁན་

གཅིག་པུ་རེད།

 

8   དྲི་བ།    ང་ཚོས་དཀོན་མཆོག་མཐོང་ཐུབ་རྒྱུའི་ཁོང་ལ་གཟུགས་ཡོད་རེད་པས།

ལན།    ཡོད་མ་རེད།    དཀོན་མཆོག་ཁོིང་ཚད་མེད་དང་སྐྱོན་དང་བྲལ་བའི་ཐུགས་ཉིད་ཆེན་པོ་རེད།

ཁོང་ང་ཚོའི་ཤའི་མིག་གིས་མཐོང་ཐུབ་ཡག་ཡོད་མ་རེད།

 

9   དྲི་བ།     གལ་སྲིད་དཀོན་མཆོག་ཁོང་ང་ཚོའི་ཤའི་མིག་གིས་མཐོང་ཐུབ་ཡག་མེད་ན།    དཀོན་མཆོག་ཡོད་

པ་དེ་ང་ཚོས་ག་འདྲ་ཧ་གོ་གི་ཡོད་རེད།

ལན།      གལ་སྲིད་ཁྱེད་རང་གིས་ནམ་མཁའ་དང་།     ས་གཞི་དང་།     མི་དང་།     སྲོག་ཆགས་འདྲ་མིན་

དེ་ཚོ་ཚང་མ་ལ་བལྟས་པ་ཡིན་ན།    དཀོན་མཆོག་མངོན་སུམ་དུ་ཡོད་པ་དེ་ང་ཚོས་ཧ་གོ་གི་རེད།

དཔེར་ན།     གལ་སྲིད་ཁྱེད་རང་གིས་ཆུ་མཐོང་པ་ཡིན་ན།    དེའི་ཉེ་འཁོར་ལ་ཆུ་མིག་དང་ཡང་

ན་ཆུ་དེའི་འབྱུང་ཁུངས་གཞན་དག་ཡོད་པ་དེ་ཁྱེད་རང་གིས་ཤེས་ཐུབ་ཀྱི་རེད།    གལ་སྲིད་ཁྱེད་

རང་གིས་ཤིང་སྡོང་ཞིག་མཐོང་པ་ཡིན་ན།     ཤིང་སྡོང་དེ་ལ་རྩ་བ་ཡོད་པ་དེ་ཁྱེད་རང་གིས་ཤེས་

ཐུབ་ཀྱི་རེད།     གལ་སྲིད་ཁྱེད་རང་གིས་ཁང་པ་ཞིག་མཐོང་པ་ཡིན་ན།       ཁང་པ་དེ་མི་ཞིག་

གིས་བཟོས་ཡིན་པ་དེ་ཁྱེད་རང་གིས་ཤེས་ཀྱི་རེད།     བྱས་ཙང་གལ་སྲིད་ཁྱེད་རང་གིས་འཛམ་བུ་

གླིང་དང་དེ་ནང་གང་ཡོད་པ་ཚང་མ་མཐོང་པ་ཡིན་ན།     དེ་ཚོ་ཚང་མའི་བཀོད་པ་པོ་དཀོན་

མཆོག་ཞིག་ཡོད་པ་དེ་ཁྱེད་རང་གིས་ཤེས་ཐུབ་ཀྱི་རེད།

 

10   དྲི་བ།    དཀོན་མཆོག་ག་འདྲ་བྱུང་རེད།

ལན།    དཀོན་མཆོག་ལ་ཐོག་མ་དང་མཐའ་མ་ཡོད་མ་རེད།      ཁོང་ཚད་མེད་སྐྱོན་དང་བྲལ་བའི་

ཐུགས་ཉིད་ཆེན་པོ་རེད།     ཁོང་ལ་འཁྲུངས་འདས་ཡོད་མ་རེད།

 

11  དྲི་བ།    དཀོན་མཆོག་ག་པར་བཞུགས་ཡོད་རེད།

ལན།    མི་དང་མི་འདྲ་བ་དཀོན་མཆོག་ཁོང་གཟུགས་མེད་རེད།     ཁོང་ཚད་མེད་ཐུགས་ཉིད་ཆེན་པོ་

ཡིན་པ་དང་།     ཁོང་ཕྱོགས་གང་སར་ཡོད་རེད། (ཀུན་ཁྱབ།)

 

12  དྲི་བ།    དཀོན་མཆོག་གི་ངོ་བོ་ག་རེ་འདྲ་པོ་ཡོད་རེད།

ལན།    དཀོན་མཆོག་ཁོང་ཁྱད་དུ་འཕགས་པའི་(དམ་པ་) དང་ཡོངས་སུ་དག་པ་རེད།     ཐུགས་རྗེ་ཆེན་

པོའི་བདག་ཉིད་དང་།     ཚད་མེད་བྱམས་དང་སྙིང་རྗེ་ཅན་དེ་ཁོང་གི་ངོ་བོ་རེད།     ཁོང་ཡོངས་སུ་

རྫོགས་པ་མ་ཚང་བ་མེད་པའི་བདག་ཉིད་ཅན་རེད།

 

13  དྲི་བ།    དཀོན་མཆོག་ཁོང་ཐམས་ཅད་མཁྱེན་པ་རེད་པས།

ལན།     ལགས་རེད།    དཀོན་མཆོག་ཁོང་ཐམས་ཅད་མཁྱེན་པ་རེད།

 

14  དྲི་བ།    དཀོན་མཆོག་ཁོང་ཀུན་དབང་རེད་པས།

ལན།     ལགས་རེད།    དཀོན་མཆོག་ཁོང་ཀུན་དབང་རེད།     ཁོང་གིས་ནམ་མཁའ་དང་།     ས་གཞི་

དང་།     མི་དང་།    འཛམ་བུ་གླིང་ནང་གང་ཡོད་པ་ཚང་མ་བཀོད་གནང་པ་རེད།     ཁོང་

ཀུན་དབང་ཐུགས་ཉིད་ཆེན་པོ་རེད།

 

15  དྲི་བ།    དཀོན་མཆོག་ཟེར་བའི་ཚིག་གི་དོན་དག་ག་རེ་རེད།

ལན།     དཀོན་མཆོག་ཟེར་བའི་ཚིག་གི་དོན་དག་གོང་དུ་འགྲེལ་བཤད་བརྒྱབ་པ་ནང་བཞིན་(ནང་པའི་)

དཀོན་མཆོག་གསུམ་ཟེར་གྱི་ཡོད་རེད། (དྲི་བ་4 ལ་གཟིགས་གནང་རོགས།)   ཡིན་ན་ཡང་ཡེ་ཤུ་པ་

ཚོས་ཡབ་དཀོན་མཆོག་དང་།      སྲས་དཀོན་མཆོག་དང་།     དམ་པའི་ཐུགས་ཉིད་ཀྱི་དཀོན་

མཆོག་སྐོར་ལ་ཤོད་དུས།    རང་གྲུབ་དཀོན་མཆོག་ཟེར་བའི་ཐ་སྙད་དེ་བེད་སྤྱོད་བྱེད་ཀྱི་ཡོད་རེད།

ཡིན་ན་ཡང་མཚམས་རེ་ཁོང་ཚོས་མིང་དེ་ཆ་ཚང་བེད་སྤྱོད་མ་བྱས་ནས་དཀོན་མཆོག་ཟེར་ནས་

གཅིག་པུ་འབོད་ཀྱི་ཡོད་རེད།     དེའི་དོན་དག་རང་གྲུབ་དཀོན་མཆོག་ལས་དཀོན་པ་དང་།

ཁོང་ལས་ཁྱད་དུ་འཕགས་པ་སུ་ཞིག་ཡོད་མ་རེད་ཟེར་གྱི་ཡོད་རེད།

 

16  དྲི་བ།    དཀོན་མཆོག་ལ་མཚན་གཞན་དག་ཡོད་རེད་པས།

ལན།     ལགས་ཡོད་རེད།    དཀོན་མཆོག་ལ་མཚན་མི་འདྲ་བ་མང་པོ་ཡོད་རེད།       ཁོང་ལ་ཡ་ཧོ་ལྦེ་དང་།

དམ་པའི་ཞིང་གི་ཡབ་དང་།     དམ་པའི་ཞིང་གི་གཙོ་བོ་ཟེར་ནས་འབོད་ཀྱི་ཡོད་རེད།     ཁོང་ལ་

‘མཐའ་ཡས་པའི་བདེན་པའི་ཐུགས་ཉིད་ཆེན་པོ་’ ཡང་ཞུ་གི་ཡོད་རེད།     ཡིན་ན་ཡང་དཀོན་

མཆོག་གི་རང་བཞིན་ (དང་ངོ་བོ་) གཅིག་ཏུ་འདུས་གྲུབ་བྱས་ཡོད་རེད།

 

17  དྲི་བ།    ‘ཡ་ཧོ་ལྦེ་’ཟེར་བའི་མཚན་གྱི་དོན་ག་རེ་རེད།

ལན།    ཡ་ཧོ་ལྦེ་ནི་རྗིའུའི་ཚིག་ཡིན་པ་དང་།     དེའི་དོན་དག་“རང་བཞིན་གྱིས་གནས་པ་”ཟེར་གྱི་ཡོད་

རེད།     དཀོན་མཆོག་ཁོང་གདོད་མ་ནས་བཞུགས་ཡོད་པ་དང་།      ཁོང་ལ་ཐོག་མ་དང་མཐའ་མ་

ཡོད་མ་རེད།

 

18  དྲི་བ།    ‘ནམ་མཁའི་ཡབ་’ཞུ་བའི་དོན་དག་ག་རེ་རེད།

ལན།    ཚང་མ་དཀོན་མཆོག་གིས་བཀོད་གནང་པ་རེད།     ཁོང་གིས་མི་ཡང་བཀོད་གནང་པ་རེད།

ཁོང་གི་སྙིང་རྗེ་ཆེན་པོ་ལ་བརྟེན་ནས་ཁོང་གིས་ཁོང་ཚོ་ལ་རང་གི་ཟས་གོས་དང་།     ཁོང་རང་ཚོའི་

དགོས་མཁོ་ཚང་མ་གནང་གི་ཡོད་རེད།     འདི་འདྲ་སོང་ཙང་ཁོང་ལ་དམ་པའི་ཞིང་གི་ཡབ་ཞུ་གི་

ཡོད་རེད།

 

19  དྲི་བ།    ‘ནམ་མཁའི་བདག་པོ་’ཞེས་པའི་ཐ་སྙད་དེའི་དོན་དག་ག་རེ་རེད།

ལན།    ‘དཀོན་མཆོག་’ དང་ ‘ནམ་མཁའི་བདག་པོ་’ཞེས་པའི་དོན་དག་གཅིག་རེད།    བདག་པོ་ཟེར་ན་

གཙོ་བོ་ཟེར་གྱི་ཡོད་རེད།    དཀོན་མཆོག་ཁོང་ནམ་མཁའི་བདག་པོ་རེད།     ཁོང་ལས་མཐོ་བ་

དང་།    ཆེ་བ་གཞན་དག་སུ་ཞིག་ཡོད་མ་རེད།    དེ་འདྲ་སོང་ཙང་ཁོང་ལ་‘ནམ་མཁའི་བདག་པོ་’

ཞུ་གི་ཡོད་རེད།

 

20  དྲི་བ།    ‘ཚད་མེད་བདེན་པའི་ཐུགས་ཉིད་ཆེན་པོ་’ཞེས་པའི་ཐ་སྙད་དེའི་དོན་དག་ག་རེ་རེད།

ལན།     དཀོན་མཆོག་ཁོང་མི་དང་མི་འདྲ་བ་ཁོང་གཟུགས་མེད་རེད།     དེ་འདྲ་སོང་ཙང་ཁོང་ལ་ཚད་

མེད་ཐུགས་ཉིད་ཆེན་པོ་ཞེས་འབོད་ཀྱི་ཡོད་རེད།     འཛམ་བུ་གླིང་འདི་ནང་མིས་བཟོས་པའི་

གསེར་དང་།     དངུལ་དང་།     ས་རྡོ་དང་།     ཤིང་གི་ལྷའི་འདྲ་གཟུགས་མང་པོ་ཡོད་རེད།

(ཡིན་ན་ཡང་དཀོན་མཆོག་འདི་ཚོ་འདྲ་པོ་ཡོད་མ་རེད།)   འདི་འདྲ་སོང་ཙང་ཁོང་ལ་ཚད་མེད་

བདེན་པའི་ཐུགས་ཉིད་ཆེན་པོ་ཞེས་འབོད་ཀྱི་ཡོད་རེད།

 

21  དྲི་བ།    འཛམ་བུ་གླིང་གི་མི་ཚོས་སུ་ལ་དད་པ་དང་ཡིད་ཆེས་བྱེད་དགོས་ཀྱི་ཡོད་རེད།

ལན།     ཁོང་ཚོས་འཁྲུངས་འདས་མེད་པའི་ཚད་མེད་བདེན་པའི་ཐུགས་ཉིད་ཆེན་པོ་ཡིན་པ་ཐོག་མ་དང་

མཐའ་མེད་པའི་བདེན་པའི་དཀོན་མཆོག་ཁོང་ལ་དད་པ་དང་ཡིད་ཆེས་བྱེད་དགོས་ཀྱི་ཡོད་རེད།