གསུང་མགུར 62 – Psalm 62

1  དཀོན་མཆོག་ཁོང་གིས་ང་ལ་སྐྱབས་པའི་ཕྱིར།  ང་ནི་བཟོ་སྲན་གྱིས་སྒུག་བསྡད་ཡོད།  ང་ནི་ཁོང་ལ་གཅིག་པོར་བློ་བཅོལ་ལོ།

2  ཁོང་གཅིག་པོའི་ང་ལ་སྲུང་ཞིང་སྐྱབས།  ཁོང་ནི་ང་ཡི་སྲུང་མཁན་ཡིན་པས་ང་ནམ་ཡང་མི་ཕམ།

3  སྟོབས་མེད་མི་དེ་གཞིག་པའི་ར་བ་འདྲ།  ཁྱོད་ཚོ་ནམ་བར་དེ་ལ་ཕར་རྒོལ་བྱེད།

4  ཁྱོད་ཚོས་ཁོ་ལ་གོ་གནས་ཕབ་པར་འདོད།  ཁྱོད་ཚོ་རྫུན་གྱི་གཏམ་ལ་དགའ་བ་དང་།  ཁྱོད་ཚོས་བྱིན་རླབས་གཏམ་སོགས་སྨྲ་ན་ཡང་།  སེམས་ནང་ཁོ་ལ་སྨོན་ལོག་འདེབས་ཀྱིས་ཡོད།

5  ང་ནི་དཀོན་མཆོག་གཅིག་པུར་བློས་འཁེལ་ཞིང་།  ང་ནི་ཁོང་ལ་རེ་བ་བཅོལ་གྱི་ཡོད།

6  ཁོང་གཅིག་པོའི་ང་ལ་སྲུང་ཞིང་སྐྱབས།  ཁོང་ནི་ང་ཡི་སྲུང་མཁན་ཡིན་པས་ང་ནམ་ཡང་མི་ཕམ།

7  ང་ཡི་ཐར་ལམ་དང་ཆེ་བསྟོད་ཆེད།  ང་ནི་དཀོན་མཆོག་ཁོང་ལ་བློ་བཀལ་གྱི་ཡོད།  ཁོང་ནི་ང་ཡི་དབང་ལྡན་སྲུང་སྐྱོབ་ཡིན།  ཁོང་ནི་ང་ཡི་སྐྱབས་བཅོལ་ཞུ་གནས་ཡིན།

8  ང་ཡི་མི་རྣམས་རྒྱུན་དུ་ཁོང་ལ་བློ་བཅོལ་ཞིག།  ཁྱོད་ཀྱི་སྡུག་བསྔལ་ཡོངས་རྫོགས་ཁོང་ལ་ཞུས།  གང་ལགས་ཟེར་ན་ཁོང་ནི་ང་ཚོའི་སྐྱབས་གནས་ཡིན།

9  མི་ཡི་སྲོག་ནི་དབུགས་ལེན་གཅིག་དང་འདྲ།  ཆེ་དང་ཆུང་བ་དོན་མེད་ཡིན་པ་དང་།  དེ་ཚོ་སྲང་ནང་འདེབས་ན་ལྗིད་ཚད་མེད།  དེ་ཚོ་དབུགས་ལས་ཀྱང་ཡང་བ་ཡོད་པ་ཡིན།

10  དྲག་ཤུལ་ལ་ཡིད་གཏན་མ་བྱེད་ཅིག།  འཕྲོག་བཅོམ་སྒོ་ནས་ཁེ་བཟང་གང་ཞིག་ཐོབ་པའི་རེ་བ་མ་བྱེད་ཅིག།  ནོར་རྣམས་འཕེལ་ཀྱང་དེ་ལ་བློས་མ་བཀལ།

11  ཐེངས་གཅིག་ཙམ་ཡང་མིན་པར་ཐེངས་མང་པོར།  དཀོན་མཆོག་ཁོང་གིས་དབང་ནི་ཁོང་གི་ཡིན་པ་དང།

12  ཁོང་གི་བརྩེ་བ་རྒྱུན་དུ་གཅིག་རང་ཡིན་ཞེས་གསུངས་པ་ང་ཡིས་ཐོས།  ཀྱེ་གཙོ་བོ་ཁྱེད་རང་ཉིད་ཀྱི་ཚང་མ་ལ།  རང་གི་ལས་བཞིན་འབྲས་བུ་གནང་ངོ༎

 

 

1 For God alone my soul waits in silence; from him comes my salvation.

2 He alone is my rock and my salvation, my fortress; I shall not be greatly shaken.

3 How long will all of you attack a man to batter him, like a leaning wall, a tottering fence?

4 They only plan to thrust him down from his high position. They take pleasure in falsehood. They bless with their mouths, but inwardly they curse. Selah

5 For God alone, O my soul, wait in silence, for my hope is from him.

6 He only is my rock and my salvation, my fortress; I shall not be shaken.

7 On God rests my salvation and my glory; my mighty rock, my refuge is God.

8 Trust in him at all times, O people; pour out your heart before him; God is a refuge for us. Selah

9 Those of low estate are but a breath; those of high estate are a delusion; in the balances they go up; they are together lighter than a breath.

10 Put no trust in extortion; set no vain hopes on robbery; if riches increase, set not your heart on them.

11 Once God has spoken; twice have I heard this: that power belongs to God, 12 and that to you, O Lord, belongs steadfast love. For you will render to a man according to his work.

 

གསུང་མགུར 61 – Psalm 61

1  ཀྱེ་དཀོན་མཆོག་ཁྱེད་ཀྱི་ང་ཡི་འོ་དོད་གསན།  ངེད་ཀྱི་སྨོན་ལམ་ལ་གསན་རོགས་གནང་།

2  ཁྱིམ་ནས་ཐག་རིང་དཀའ་ངལ་ནང་ངས་ཁྱེད་བོས།  ང་ལ་སྐྱབས་གནས་བརྟེན་པོར་འཁྲིད་རོགས་གནང་།

3  ཁྱེད་ནི་ང་ཡི་སྲུང་མཁན་ཡིན་པ་དང་།  དགྲ་བོར་རྒོལ་ཕྱིར་ང་ཡི་སྲུང་སྐྱོབ་བརྟེན་པོ་ཡིན།

4  ང་ནི་ཁྱེད་ཀྱི་མཆོད་ཁང་ནང་དུ་ཚེ་གང་གནས་སུ་བཅུག།  ཁྱེད་ཀྱི་ཤོག་པའི་འོག་ཏུ་སྲུང་སྐྱོབ་ཐོབ།

5  ཀྱེ་དཀོན་མཆོག།  ཁྱེད་ཀྱིས་ང་ཡི་དམ་བཅའ་རྣམས་གསན་ཡོད་ཅིང་།  ཁྱེད་ལ་གུས་ཞབས་བྱེད་མཁན་ཚོར་བདག་པ་དེ་ང་ལ་ཁྱེད་ཀྱི་གནང་ཡོད་དོ།

6  རྒྱལ་པོའི་སྐུ་ཚེར་ལོ་མང་པོ་སྣོན་པ་བརྒྱབ་པར་མཛད།  ཁོང་ནི་རྒྱུན་དུ་གསོན་པོ་བཞུགས་བཅུག་རོགས།

7  ཁོང་ནི་ཁྱེད་ཀྱི་དྲུང་དུ་རྒྱལ་སྲིད་རྒྱུན་དུ་སྐྱོང་ཤོག་ཀྱེ་དཀོན་མཆོག།  རང་གི་རྒྱུན་ལྡན་ཐུགས་བརྩེ་དང་ནི་དམ་ཚིག་གིས། ཁོང་ལ་སྲུང་ཞིང་སྐྱོབ་པར་ཤོག།

8  དེར་བརྟེན་དམ་བཅའ་བཞིན་དུ་ཉིན་རེ་ཁྱེད་ལ་མཆོད་འབུལ་ནས།  ང་ཡིས་ཁྱེད་ལ་བསྟོད་པའི་མགུར་མ་གཏན་དུ་ལེན་རྒྱུ་ཡིན༎

 

 

1 Hear my cry, O God, listen to my prayer; 2 from the end of the earth I call to you when my heart is faint. Lead me to the rock that is higher than I, 3 for you have been my refuge, a strong tower against the enemy.

4 Let me dwell in your tent forever! Let me take refuge under the shelter of your wings! Selah

5 For you, O God, have heard my vows; you have given me the heritage of those who fear your name.

6 Prolong the life of the king; may his years endure to all generations!

7 May he be enthroned forever before God; appoint steadfast love and faithfulness to watch over him!

8 So will I ever sing praises to your name, as I perform my vows day after day.

 

གསུང་མགུར 60 – Psalm 60

1  དཀོན་མཆོག་ཁྱེད་ཀྱིས་ང་ཚོར་སྤངས་གནང་བས།  དེའི་ཕྱིར་ང་ཚོར་ཕམ་རྒུད་བྱུང་ཡོད་དོ།  ཁྱེད་ནི་ང་ཚོ་མཉམ་དུ་ཐུགས་ཁྲོ་ཞིང་།  ད་ནི་ང་ཚོའི་ཕྱོགས་སུ་ཕྱིར་ལོག་རོགས་གནང་།

2  ཁྱེད་ཀྱིས་ས་གཞི་འགུལ་དུ་བཅུག་ཡོད།  ཁྱེད་ཀྱིས་དེ་ལ་གཤག་གནང་ཡོད།  ད་ནི་དེ་ཡི་རྨ་རྣམས་གསོ་གནང་རོགས་གནང།  གང་ལགས་ཟེར་ན་དེ་ནི་འགུལ་བཞིན་འདུག།

3  ཁྱེད་ཀྱིས་རང་གི་མི་འབངས་ལ་དཀའ་ངལ་ཆེན་པོ་མྱོང་བཅུག་ཡོད།  ར་བཟི་འདྲ་བ་ང་ཚོའི་རྐང་པ་འཁྱོར་བཞིན་འགྲུལ།

4  ཉེས་སྐྱོན་མེད་པའི་ཕྱིར་ཁྱེད་ལ་མོས་གུས་བྱེད་མཁན་ཚོར།  ཁྱེད་ཀྱིས་དེ་ཚོར་ཟོན་བརྡ་གནང་ཡོད་དོ།

5  ཁྱེད་ཀྱི་སྟོབས་ཀྱིས་ང་ཚོར་སྐྱབས་རོགས་གནང་།  ང་ཚའི་སྨོན་ལམ་དེ་ཚོར་བཀའ་ལན་གནང་རོགས་གནང་།  ཁྱེད་ཀྱིས་གཅེས་པའི་མི་ཚོ་ཐར་བའི་ཕྱིར།

6  ཁོང་གི་དམ་པའི་གནས་ནས་དཀོན་མཆོག་ཁོང་གིས་གསུངས།  རྒྱལ་ཁའི་ངང་ང་ཡིས་ཤེ་ཀེམ་བགོ་རྒྱུ་དང།  སུ་ཀོད་ལུང་གཤོང་ནི་ང་ཡི་མི་འབངས་ལ་བགོ་རྒྱུ་ཡིན།

7  གྷིལ་ཨད་ང་ཡི་ཡིན་མ་ན་ཤེ་ཡང་ང་ཡི་ཡིན།  ཨེཕ་ར་ཡིམ་ནི་ང་ཡི་རྨོག་ཡིན་པ་དང་།  ཡ་ཧུ་དཱ་ནི་ང་ཡི་རྒྱལ་པོའི་ཕྱག་འབེར་ཡིན།

8  འོན་ཀྱང་མོ་ཨབ་ང་ཡིས་འཁྲུད་ཞོང་བཞིན་སྤྱོད་རྒྱུ་ཡིན།  ཨེ་དོམ་ནི་ང་ལ་བདག་པའི་རྟགས་སུ།  དེའི་ཐོག་ང་ཡི་ལྷམ་དེ་དབྱུགས་རྒྱུ་ཡིན།  ཕེ་ལེ་ཤེད་པ་ཚོས་ངའི་སྟེང་རྒྱལ་ནས་ནི།  སྐད་ཤུགས་ཆེན་པོ་རྒྱབ་པར་བསམ་ཡོད་དམ།

9  ཀྱེ་དཀོན་མཆོག།  ང་ལ་ལྕགས་རི་ཡོད་པའི་གྲོང་ནང་སུས་སྐྱེལ་ཐུབ།  སུ་ཡིས་ང་ལ་ཨེ་དོམ་བར་དུ་སྣེ་འཁྲིད་བྱེད་ཡོང།

10  བདེན་པར་ཁྱེད་ཀྱིས་ང་ཚོར་སྤངས་གནང་ངམ།  ང་ཚོའི་དམག་མི་མཉམ་དུ་ཁྱེད་ཕེབས་སམ།

11  དགྲ་བོར་རྒོལ་ཕྱིར་ང་ཚོར་སྐྱབས་རོགས་གནང་།  མི་ཡི་སྐྱབས་རོགས་སོགས་ནི་དོན་མེད་ཡིན།

12  དཀོན་མཆོག་ཁོང་ནི་ང་ཚོའི་ཕྱོགས་ཡོད་ང་ཚོ་རྒྱལ། ཁོང་གིས་ང་ཚོའི་དགྲ་རྣམས་ཕམ་མཛད་དོ༎

 

 

1 O God, you have rejected us, broken our defenses; you have been angry; oh, restore us.

2 You have made the land to quake; you have torn it open; repair its breaches, for it totters.

3 You have made your people see hard things; you have given us wine to drink that made us stagger.

4 You have set up a banner for those who fear you, that they may flee to it from the bow. Selah

5 That your beloved ones may be delivered, give salvation by your right hand and answer us!

6 God has spoken in his holiness: “With exultation I will divide up Shechem and portion out the Vale of Succoth.

7 Gilead is mine; Manasseh is mine; Ephraim is my helmet; Judah is my scepter.

8 Moab is my washbasin; upon Edom I cast my shoe; over Philistia I shout in triumph.”

9 Who will bring me to the fortified city? Who will lead me to Edom?

10 Have you not rejected us, O God? You do not go forth, O God, with our armies.

11 Oh, grant us help against the foe, for vain is the salvation of man!

12 With God we shall do valiantly; it is he who will tread down our foes.