མད་ཐཱ། 9 – Gospel of Matthew 9

9:1  ཡེ་ཤུ་གྲུའི་ནང་བཞུགས་ནས་མཚོའི་ཕ་རོལ་དུ་རང་གི་གྲོང་ཁྱེར་ལ་ཕེབས།

And getting into a boat he crossed over and came to his own city.

9:2  དེ་ནས་མི་ཁ་ཤས་ཀྱིས་གོམ་པ་སྤོ་མི་ཐུབ་པའི་ནད་པ་གཅིག་ཉལ་ཁྲི་སྟེང་ལ་ཁུར་ནས་ཁོང་གི་དྲུང་དུ་འོངས།  ཁོ་ཚོའི་དད་སེམས་མཁྱེན་ནས་ཁོང་གིས་ནད་པ་དེར་  “བུ། བློ་བདེ་བར་བྱོས་ཤིག  ཁྱེད་ཀྱི་སྡིག་ཉེས་བསལ་ཟིན་པ་ཡིན་”  ཞེས་གསུངས་པས།

And behold, some people brought to him a paralytic, lying on a bed. And when Jesus saw their faith, he said to the paralytic, “Take heart, my son; your sins are forgiven.”

9:3  དེར་ཡོད་པའི་ཆོས་ཁྲིམས་ལ་མཁས་པའི་མི་ཁ་ཤས་ཀྱི་བསམ་པ་ལ་མི་འདིས་དཀོན་མཆོག་ལ་སྐུར་བ་འདེབས་སྙམ།

And behold, some of the scribes said to themselves, “This man is blaspheming.”

9:4  ཁོ་ཚོའི་བསམ་པ་མཁྱེན་ནས་ཡེ་ཤུས་ཁོ་ཚོར་  “ཁྱོད་ཚོས་བསམ་བློ་ངན་པ་འདི་ལྟར་བཏང་དགོས་པའི་རྒྱུ་མཚན་གང་ཡིན།

But Jesus, knowing their thoughts, said, “Why do you think evil in your hearts?

9:5  ཁྱེད་ཀྱི་སྡིག་ཉེས་བསལ་ཟིན་ཟེར་བ་ལས་སླ་པོ་ཡིན་ནམ།  ཡང་ན།  ལོངས་ལ་སོང་ཞིག་ཟེར་བ་ལས་སླ་པོ་ཡིན།

For which is easier, to say, ‘Your sins are forgiven,’ or to say, ‘Rise and walk’?

9:6  འོན་ཀྱང་མིའི་རིགས་ཀྱི་བུ་ཟེར་མཁན་དེ་ལ་འཇིག་རྟེན་འདིར་སྡིག་ཉེས་སེལ་བའི་དབང་ཡོད་པ་ཁྱོད་ཚོས་ཤེས་པའི་ཕྱིར༌༌༌༌”  ཞེས་གསུངས་ནས་ཁོང་གིས་ནད་པ་དེ་ལ་  “ལོངས་ལ་ཉལ་ཁྲི་ཁྱེར་ནས་ནང་ལ་ལོག་ཅིག་”  ཅེས་གསུངས་པས།

But that you may know that the Son of Man has authority on earth to forgive sins”—he then said to the paralytic—“Rise, pick up your bed and go home.”

9:7  མི་དེ་ཡར་ལངས་ནས་ཁྱིམ་དུ་ཕྱིར་ལོག

And he rose and went home.

9:8  མི་ཚོགས་ཀྱིས་དེ་མཐོང་ནས་ཡ་མཚན་གྱིས་ཁེངས་ཤིང༌། དེ་ལྟར་ཆེ་བའི་དབང་མི་རྣམས་ལ་གནང་མཁན་གྱི་དཀོན་མཆོག་ལ་བསྟོད་པ་ཕུལ། མད་ཐཱ་ཉེ་གནས་སུ་བོས་པ།

When the crowds saw it, they were afraid, and they glorified God, who had given such authority to men.

9:9  ཡེ་ཤུ་ཕར་ཕེབས་པའི་དུས་སུ་མད་ཐཱ་ཞེས་ཟེར་བའི་མི་ཞིག་ཁྲལ་སྡུད་སར་བསྡད་ཡོད་པ་ཁོང་གིས་གཟིགས་ནས་ཁོ་ལ་  “ཁྱེད་རང་ངའི་རྗེས་སུ་ཤོག་”  ཅེས་གསུངས་པས།  ཁོ་ཡར་ལངས་ཏེ་ཁོང་གི་རྗེས་སུ་འབྲངས།

As Jesus passed on from there, he saw a man called Matthew sitting at the tax booth, and he said to him, “Follow me.” And he rose and followed him.

9:10  ཡེ་ཤུས་ཁྱིམ་ནང་དུ་ཞལ་ལག་བཞེས་པའི་སྐབས་སུ།  ཁྲལ་སྡུད་མཁན་དང་སྡིག་ཉེས་ཅན་མང་པོ་ཞིག་ཡོང་ནས་ཡེ་ཤུ་དང་ཁོང་གི་ཉེ་གནས་མཉམ་དུ་ཟས་ཟ་བཞིན་ཡོད།

And as Jesus reclined at table in the house, behold, many tax collectors and sinners came and were reclining with Jesus and his disciples.

9:11  དེ་ཕཱ་རུ་ཤི་པ་རྣམས་ཀྱིས་མཐོང་ནས་ཁོང་གི་ཉེ་གནས་རྣམས་ལ་  “ཁྱོད་ཚོའི་སྟོན་པས་ཁྲལ་སྡུད་མཁན་དང་སྡིག་ཉེས་ཅན་རྣམས་དང་མཉམ་དུ་ཞལ་ལག་བཞེས་བཞིན་པ་འདི་ཅི་ཡིན་”  ཞེས་ཟེར།

And when the Pharisees saw this, they said to his disciples, “Why does your teacher eat with tax collectors and sinners?”

9:12  ཡེ་ཤུས་གཏམ་དེ་གསན་ནས་  “ཁམས་བཟང་པོའི་མི་རྣམས་ལ་སྨན་པ་མི་དགོས་ཀྱི། ནད་པ་ཚོ་ལ་དགོས་སོ།

But when he heard it, he said, “Those who are well have no need of a physician, but those who are sick.

9:13  སོང་ལ།  ང་ནི་མཆོད་པ་ལ་མི་དགའ་བར་སྙིང་རྗེའི་སེམས་ལ་དགའོ་ཞེས་གསུངས་པའི་དོན་གང་ཡིན་ཤེས་པར་གྱིས་ཤིག  ང་རང་ནི་མི་དྲང་ལྡན་རྣམས་འབོད་དུ་ཡོང་བ་མ་ཡིན་གྱི།  མི་སྡིག་ཅན་རྣམས་འབོད་དུ་ཡོང་བ་ཡིན་”  ཞེས་གསུངས།  སྨྱུང་གནས་སྐོར་འདྲི་བ།

Go and learn what this means: ‘I desire mercy, and not sacrifice.’ For I came not to call the righteous, but sinners.”

9:14  དེ་ནས་ཁྲུས་གསོལ་མཁན་ཡོ་ཧ་ནན་གྱི་སློབ་མ་འགའ་ཞིག་ཡོང་ནས་ཡེ་ཤུ་ལ་  “ང་ཚོ་དང་ཕཱ་རུ་ཤི་པ་རྣམས་ཀྱིས་སྨྱུང་གནས་སྲུང་ཡང༌།  ཁྱེད་ཀྱི་སློབ་མ་རྣམས་ཀྱིས་སྨྱུང་གནས་མི་སྲུང་བ་དེ་ཅི་ཡིན་”  ཞེས་དྲིས།

Then the disciples of John came to him, saying, “Why do we and the Pharisees fast,[c] but your disciples do not fast?”

9:15  ཡེ་ཤུས་ཁོ་ཚོར་  “ཆང་སའི་སྐབས།  མག་པའི་རོགས་པ་རྣམས་ཀྱིས་མག་པ་དང་མཉམ་དུ་ཡོད་དུས་མྱ་ངན་བྱེད་སྲིད་དམ།  འོན་ཀྱང་མག་པ་ཁོ་ཚོ་དང་ཁ་འབྲལ་བའི་དུས་ལ་འབབ་ཡོང༌།  དུས་དེར་ཁོ་ཚོས་སྨྱུང་གནས་སྲུང་ངེས་སོ།

And Jesus said to them, “Can the wedding guests mourn as long as the bridegroom is with them? The days will come when the bridegroom is taken away from them, and then they will fast.

9:16  མི་སུས་ཀྱང་རས་མཐུག་པོས་གོས་སྲབ་པོར་ལྷན་པ་མི་རྒྱག  ལྷན་པ་བརྒྱབ་ན་རས་མཐུག་པོ་དེས་གོས་སྲབ་པོའི་སྲུབས་ཁ་ཇེ་ཆེར་འགྲོའོ།

No one puts a piece of unshrunk cloth on an old garment, for the patch tears away from the garment, and a worse tear is made.

9:17  ཡང་མི་སུ་ཞིག་ཡིན་ཡང་རྒུན་འབྲུམ་ཆང་གསར་པ་པགས་པའི་ཁུག་མ་རྙིང་པའི་ནང་བསྙལ་བར་མི་བྱ་སྟེ།  གལ་ཏེ་བསྙལ་ཚེ་ཆང་འཕེལ་ནས་ཁུག་མ་རྙིང་པ་གས་ཏེ་ཆང་དང་ཁུག་མ་གཉིས་ཀ་འཕྲོ་བརླག་འགྲོ་བར་འགྱུར།  རྒུན་འབྲུམ་ཆང་གསར་པ་དེ་ཁུག་མ་གསར་པའི་ནང་དུ་བླུགས་ནས་གཉིས་ཀ་འཕྲོ་བརླག་མ་འགྲོ་བར་གནས་”  ཞེས་གསུངས།  སྟོན་པ་ཡེ་ཤུས་བུ་མོ་ཞིག་སླར་གསོན་དུ་བཅུག་པ།

Neither is new wine put into old wineskins. If it is, the skins burst and the wine is spilled and the skins are destroyed. But new wine is put into fresh wineskins, and so both are preserved.”

9:18  ཁོང་གིས་ཁོ་ཚོར་དེ་ལྟར་གསུང་སྐབས་དེར་ཡ་ཧུ་དཱ་པའི་འདུ་ཁང་གི་དཔོན་པོ་ཞིག་འོངས་ནས་ཁོང་གི་ཞབས་ལ་གཏུག་སྟེ་  “ངའི་བུ་མོ་ད་ལྟ་རང་ཤི་སོང༌།  འོན་ཏེ་ཁྱེད་ཕེབས་ནས་ཁོ་མོའི་ལུས་སྟེང་ལ་ཕྱག་འཇོག་པར་མཛད་ན་དེ་ནས་ཁོ་མོ་གསོན་པར་འགྱུར་”  ཞེས་ཞུས་ནས།

While he was saying these things to them, behold, a ruler came in and knelt before him, saying, “My daughter has just died, but come and lay your hand on her, and she will live.”

9:19  ཡེ་ཤུ་བཞེངས་ནས་ཉེ་གནས་དང་མཉམ་དུ་མི་དེའི་རྗེས་སུ་ཕེབས།

And Jesus rose and followed him, with his disciples.

9:20  གློ་བུར་དུ་བུད་མེད་ལོ་བཅུ་གཉིས་ཀྱི་བར་དུ་ལུས་ནས་ཁྲག་འཛིར་བའི་ནད་ཕོག་པ་གཅིག་ཁོང་གི་རྒྱབ་ཏུ་ཡོང་ཞིང༌།  ཁོང་གི་སྟོད་གོས་ཀྱི་མཐའ་འཛར་ལ་རེག

And behold, a woman who had suffered from a discharge of blood for twelve years came up behind him and touched the fringe of his garment,

9:21  གང་ཡིན་ཞེ་ན། གལ་སྲིད་ངས་ཁོང་གི་ན་བཟའ་གཅིག་པུ་ལ་རེག་ན་ང་ནད་ལས་ཐར་འོང་བསམས།

for she said to herself, “If I only touch his garment, I will be made well.”

9:22  ཡེ་ཤུས་སྐུ་ཕྱིར་འཁོར་ཏེ་ཁོ་མོར་གཟིགས་པ་དང་  “བུ་མོ། བློ་བདེ་བར་གྱུར་ཅིག ཁྱོད་ཀྱི་དད་པས་ཁྱོད་རང་ནད་ལས་ཐར་བ་ཡིན་”  ཞེས་གསུངས་མ་ཐག་ཁོ་མོ་ནད་ལས་ཐར་བར་གྱུར།

Jesus turned, and seeing her he said, “Take heart, daughter; your faith has made you well.” And instantly the woman was made well.

9:23  ཡེ་ཤུ་དཔོན་པོའི་ཁྱིམ་ལ་ཕེབས་དུས་ཁོང་གིས་གླིང་བུ་གཏོང་མཁན་དང༌།  མི་ཚོགས་ཀྱིས་ཅ་ཅོ་འདོན་པ་གཟིགས་ནས།

And when Jesus came to the ruler’s house and saw the flute players and the crowd making a commotion,

9:24  ཁོང་གིས་ཁོ་རྣམས་ལ་  “བུ་མོ་དེ་ཤི་མེད་པར་གཉིད་ཁུག་འདུག་པས་འདི་ནས་ཕར་སོང་ཞིག་”  ཅེས་གསུངས་པས།  ཁོ་ཚོས་ཁོང་ལ་ཁྲེལ་དགོད་བྱས།

he said, “Go away, for the girl is not dead but sleeping.” And they laughed at him.

9:25  འོན་ཀྱང་མི་ཚོགས་ཕྱི་རོལ་ཏུ་བཏོན་ནས་ཁོང་ཁྱིམ་ནང་དུ་ཕེབས་ཏེ་བུ་མོའི་ལག་པ་ནས་འཇུས་པས་བུ་མོ་ཡར་ལངས།

But when the crowd had been put outside, he went in and took her by the hand, and the girl arose.

9:26  གནས་ཚུལ་འདི་ས་ཕྱོགས་དེའི་གང་སར་ཁྱབ།  ལོང་བ་གཉིས་དང་ལྐུགས་པ་གཅིག

And the report of this went through all that district.

9:27  ཡེ་ཤུ་དེ་ནས་ཕར་ཕེབས་པའི་ཚེ།  མི་ལོང་བ་གཉིས་ཁོང་གི་རྗེས་སུ་འབྲངས་ཏེ་སྐད་ཆེན་པོས་  “ཀྱེ་རྒྱལ་པོ་དཱ་བིད་ཀྱི་སྲས།  ང་ཚོ་ལ་ཐུགས་རྗེ་གཟིགས་”  ཞེས་ཞུས།

And as Jesus passed on from there, two blind men followed him, crying aloud, “Have mercy on us, Son of David.”

9:28  ཁོང་ཁྱིམ་ལ་ཞུགས་དུས་མི་ལོང་བ་དེ་གཉིས་ཁོང་གི་མདུན་དུ་ཡོང༌།  ཁོང་གིས་ཁོ་ཚོར་  “ངས་དོན་འདི་སྒྲུབ་པར་ཡིད་ཆེས་སམ་”  ཞེས་གསུངས་པས་ཁོ་ཚོས་ཁོང་ལ་  “གཙོ་བོ་ལགས།  ཡིད་ཆེས་སོ་”  ཞེས་སྨྲས།

When he entered the house, the blind men came to him, and Jesus said to them, “Do you believe that I am able to do this?” They said to him, “Yes, Lord.”

9:29  དེ་ནས་ཁོང་གིས་ཁོ་ཚོའི་མིག་ཟུང་ལ་རེག་སྟེ་ཁོ་གཉིས་ལ་  “ཁྱེད་ཚོའི་ཡིད་ཆེས་བཞིན་དུ་སྒྲུབ་པར་འགྱུར་”  ཞེས་གསུངས་པས།

Then he touched their eyes, saying, “According to your faith be it done to you.”

9:30  ཁོ་ཚོའི་མིག་ཕྱེ། ཡེ་ཤུས་ཁོ་ཚོར་  “དོན་འདི་མི་གཞན་ལ་མ་ཤོད་ཅིག་”  ཅེས་ནན་གྱིས་བསྐུལ་ཡང༌།

And their eyes were opened. And Jesus sternly warned them, “See that no one knows about it.”

9:31  མི་དེ་གཉིས་ཕྱི་རོལ་དུ་ཐོན་པ་དང༌།  གཏམ་མང་པོ་བཤད་པས་ཁོང་གི་སྙན་གྲགས་ཡུལ་དེའི་གང་སར་ཁྱབ།

But they went away and spread his fame through all that district.

9:32  ལོང་བ་དེ་གཉིས་ཕར་ཕྱིན་རྗེས་མི་གཞན་པས་གདོན་འདྲེས་བཟུང་ནས་སྐད་ཆ་ཤོད་མི་ཐུབ་པའི་མི་ཞིག་ཁོང་གི་མདུན་དུ་ཁྲིད།

As they were going away, behold, a demon-oppressed man who was mute was brought to him.

9:33  ཡེ་ཤུས་གདོན་འདྲེ་དེ་ཕྱིར་བསྐྲད་རྗེས་ལྐུགས་པ་དེས་སྐད་ཆ་བཤད་པས་མི་ཚོགས་ཡ་མཚན་ཆེན་པོ་སྐྱེས་ནས་  “ཡི་སི་ར་ཨེལ་ཡུལ་ལ་དེ་བཞིན་དུ་ནམ་ཡང་མ་མཐོང་”  ཞེས་སྨྲས།

And when the demon had been cast out, the mute man spoke. And the crowds marveled, saying, “Never was anything like this seen in Israel.”

9:34  འོན་ཀྱང་ཕཱ་རུ་ཤི་པ་རྣམས་ཀྱིས་  “བདུད་ཀྱི་རྒྱལ་པོ་ལ་བརྟེན་ནས་ཁོས་གདོན་འདྲེ་སྐྲོད་”  ཅེས་སྨྲས།  ལས་ཀ་བྱེད་མཁན་ཉུང་བའི་སྐོར།

But the Pharisees said, “He casts out demons by the prince of demons.”

9:35  དེ་ནས་ཡེ་ཤུ་གྲོང་ཁྱེར་དང་གྲོང་གསེབ་ཐམས་ཅད་བརྒྱུད་ནས་ཕེབས་ཏེ།  ཁོ་ཚོའི་འདུ་ཁང་རྣམས་ལ་ཆོས་བསྟན་པ་དང༌།  དཀོན་མཆོག་གི་རྒྱལ་སྲིད་ཀྱི་འཕྲིན་བཟང་བསྒྲགས་པ། ནད་རིགས་ཀུན་སེལ་བར་མཛད།

And Jesus went throughout all the cities and villages, teaching in their synagogues and proclaiming the gospel of the kingdom and healing every disease and every affliction.

9:36  མི་ཚོགས་མང་པོ་ནི་རྫི་བོ་མེད་པའི་ལུག་དང་འདྲ་བར་རོགས་མེད་པ་དང་སྡུག་ཕོག་ཡོད་པར་གཟིགས་པས།  ཁོང་གི་ཐུགས་ལ་སྙིང་རྗེ་འཁྲུངས།

When he saw the crowds, he had compassion for them, because they were harassed and helpless, like sheep without a shepherd.

9:37  ཉེ་གནས་རྣམས་ལ་  “སྟོན་ཐོག་རྔ་རྒྱུ་མང་པོ་ཡོད་ཀྱང་ལས་ཀ་བྱེད་མཁན་མང་པོ་མེད་པས།

Then he said to his disciples, “The harvest is plentiful, but the laborers are few;

9:38  ལོ་ཏོག་གི་བདག་པོར་སྟོན་ཐོག་སྡུད་མཁན་རྣམས་རང་གི་ས་ཞིང་ལ་གཏོང་བར་ཞུས་ཤིག་”  ཅེས་གསུངས་སོ།།

therefore pray earnestly to the Lord of the harvest to send out laborers into his harvest.”

མད་ཐཱ། 8 – Gospel of Matthew 8

8:1  ཡེ་ཤུ་རི་བོ་ལས་མར་འབབ་པའི་དུས་སུ་མི་ཚོགས་མང་པོ་ཞིག་ཁོང་གི་རྗེས་སུ་འབྲངས།

When he came down from the mountain, great crowds followed him.

8:2  དེའི་ཚེ་མཛེ་ནད་ཅན་ཞིག་ཁོང་གི་དྲུང་དུ་ཡོང་ནས་པུས་མོ་སར་བཙུགས་ཏེ་  “གཙོ་བོ་ལགས།  གལ་ཏེ་ཁྱེད་ཐུགས་མཉེས་པ་ཡིན་ན་ཁྱེད་ཀྱིས་ང་རང་མཛེ་ནད་དག་པར་མཛད་ཐུབ་” ཅེས་སྨྲས།

And behold, a leper came to him and knelt before him, saying, “Lord, if you will, you can make me clean.”

8:3  ཡེ་ཤུས་ཕྱག་བརྐྱངས་ནས་ཁོ་ལ་རེག་སྟེ་  “ང་དེ་བཞིན་དུ་བྱེད་འདོད་ཡོད།  དག་པར་གྱུར་ཅིག་”  ཅེས་གསུངས་མ་ཐག་ཁོའི་མཛེ་ནད་དག་པར་གྱུར།

And Jesus[b] stretched out his hand and touched him, saying, “I will; be clean.” And immediately his leprosy was cleansed.

8:4  ཡེ་ཤུས་མི་དེར་  “མི་གཞན་ལ་ཅི་ཡང་སྨྲ་བར་མ་བྱོས།  སོང་ལ་རང་གི་ལུས་ཡ་ཧུ་དཱ་པའི་བླ་མར་སྟོན་དང༌།  ཁོ་རྣམས་ལ་བདེན་དཔང་བྱེད་པའི་ཕྱིར་ལུང་སྟོན་པ་མོ་ཤེ་ཡིས་བཀའ་གནང་བ་ལྟར་ཁྱེད་དག་པར་གྱུར་བ་ཡིན་པའི་ཕྱིར་མཆོད་པ་ཞིག་ཕུལ་”  ཞེས་གསུངས། བརྒྱ་དཔོན་གྱི་གཡོག་པོ་བཅོས་པ།

And Jesus said to him, “See that you say nothing to anyone, but go, show yourself to the priest and offer the gift that Moses commanded, for a proof to them.”

8:5  ཁོང་ཀ་ཕར་ན་ཧུམ་ལ་ཕེབས་སྐབས་དམག་མི་བརྒྱ་དཔོན་ཅིག་ཡོང་ནས་ཁོང་ལ་

When he had entered Capernaum, a centurion came forward to him, appealing to him,

8:6  “གཙོ་བོ་ལགས།  ངའི་གཡོག་པོ་ཞ་རིལ་གྱི་ནད་ཕོག་པས་སྡུག་བསྔལ་ཆེན་པོ་མྱོང་སྟེ་ནང་ལ་ཉལ་ཡོད་”  ཅེས་ནན་གྱིས་ཞུས།

“Lord, my servant is lying paralyzed at home, suffering terribly.”

8:7  ཡེ་ཤུས་ཁོ་ལ་  “ང་ཡོང་ནས་ཁོའི་ནད་སེལ་བར་བྱ་”  ཞེས་གསུངས་ཀྱང༌།

And he said to him, “I will come and heal him.”

8:8  ལན་དུ་བརྒྱ་དཔོན་དེས་  “གཙོ་བོ་ལགས།  ཁྱེད་ངའི་ཁྱིམ་ནང་དུ་ཕེབས་པར་མི་འོས་པས་བཀའ་ཁོ་ན་གསུངས་དང༌།  ངའི་གཡོག་པོ་ནད་ལས་ཐར་བར་འགྱུར།

But the centurion replied, “Lord, I am not worthy to have you come under my roof, but only say the word, and my servant will be healed.

8:9  གང་ལགས་ཤེ་ན།  ང་ཡང་གཞན་གྱི་དབང་འོག་ཏུ་ཡོད་པ་དང༌།  ངའི་འོག་ཏུ་ཡང་དམག་མི་ཡོད།  ངས་དམག་མི་ཞིག་ལ་སོང་ཞེས་ཟེར་ན་འགྲོ  གཞན་ལ་ཚུར་ཤོག་ཅེས་བཤད་ན་ཡོང༌།  ངའི་གཡོག་པོར་ལས་ཀ་དེ་བྱོས་ཤིག་ཅེས་བཤད་ན་ཁོས་དེ་ལྟར་བྱེད་”  ཅེས་ཟེར།

For I too am a man under authority, with soldiers under me. And I say to one, ‘Go,’ and he goes, and to another, ‘Come,’ and he comes, and to my servant, ‘Do this,’ and he does it.”

8:10  ཡེ་ཤུས་དེ་གསན་ནས་ཡ་མཚན་སྐྱེས་ཏེ་ཁོང་གི་རྗེས་སུ་འབྲང་བའི་མི་རྣམས་ལ་ “ངས་ཁྱེད་རྣམས་ལ་བདེན་པར་ཟེར་རྒྱུར།  ཡི་སི་ར་ཨེལ་ཡུལ་ལའང་ངས་འདི་འདྲ་བའི་དད་སེམས་ཡོད་པའི་མི་མཐོང་མ་མྱོང༌།

When Jesus heard this, he marveled and said to those who followed him, “Truly, I tell you, with no one in Israel have I found such faith.

8:11  ངས་ཁྱེད་ཚོར་ཟེར་རྒྱུར།  མེས་པོ་ཨབ་ར་ཧམ་དང༌།  ཨི་སཱག་དང༌།  ཡ་ཀོབ་དང་མཉམ་དུ་དཀོན་མཆོག་གི་རྒྱལ་སྲིད་ལ་ཞལ་ཟས་བཞེས་པའི་ཕྱིར་ཤར་ནུབ་ནས་མི་མང་པོ་ཞིག་ཡོང་ངེས་ཡིན།

I tell you, many will come from east and west and recline at table with Abraham, Isaac, and Jacob in the kingdom of heaven,

8:12  འོན་ཀྱང་རྒྱལ་སྲིད་ཀྱི་འབངས་མི་ནི་ཕྱི་རོལ་གྱི་མུན་པའི་ནང་དུ་དབྱུག  ས་ཆ་དེར་ངུ་ཞིང་སོ་ཁྲིག་ཁྲིག་བྱེད་པར་འགྱུར་”  ཞེས་གསུངས།

while the sons of the kingdom will be thrown into the outer darkness. In that place there will be weeping and gnashing of teeth.”

8:13  ཡང་ཡེ་ཤུས་བརྒྱ་དཔོན་དེ་ལ་  “སོང་ལ་ཁྱེད་ཀྱིས་དད་པ་བཞིན་དུ་སྒྲུབ་པར་འགྱུར་”  ཞེས་གསུངས་ནས། དུས་དེ་རང་ལ་གཡོག་པོ་དེ་ནད་ལས་ཐར་བར་གྱུར། ནད་མི་འདྲ་བ་སེལ་བ།

And to the centurion Jesus said, “Go; let it be done for you as you have believed.” And the servant was healed at that very moment.

8:14  ཡེ་ཤུ་ཉེ་གནས་པེ་ཏྲོའི་ཁྱིམ་ནང་དུ་ཕེབས་སྐབས།  པེ་ཏྲོའི་བཟའ་ཟླའི་ཨ་མ་ཚ་བ་རྒྱས་ནས་ཉལ་ཁྲིར་ཉལ་བ་ཁོང་གིས་གཟིགས་པས།

And when Jesus entered Peter’s house, he saw his mother-in-law lying sick with a fever.

8:15  ཁོ་མོའི་ལག་པ་ལ་རེག་པས་ཚ་བ་འཇགས་ཏེ་ཁོ་མོས་ཡར་ལངས་ནས།  ཁོང་ལ་ཞབས་ཕྱི་ཞུས་སོ།

He touched her hand, and the fever left her, and she rose and began to serve him.

8:16  དགོང་མོ་དེར་ཁོ་ཚོས་གདོན་འདྲེས་བཟུང་བའི་མི་མང་པོ་ཁོང་གི་དྲུང་དུ་ཁྲིད་པ་དང༌།  ཁོང་གི་བཀའ་ཡིས་གདོན་འདྲེ་དེ་རྣམས་བསྐྲད་པར་མཛད་ཅིང༌།  ནད་པ་ཐམས་ཅད་གསོ་བར་མཛད།

That evening they brought to him many who were oppressed by demons, and he cast out the spirits with a word and healed all who were sick.

8:17  འདི་ནི་ལུང་སྟོན་པ་ཡེ་ཤ་ཡའི་ལུང་བསྟན་སྒྲུབ་པའི་ཆེད་དུ་ཡིན་ཏེ།  ཁོང་ཉིད། ཁོང་གིས་ང་ཚོའི་ནད་ཀུན་དང༌།།  སྡུག་བསྔལ་ཡོངས་སུ་སེལ་བར་མཛད།།  ཅེས་གསུངས། སྟོན་པ་ཡེ་ཤུའི་རྗེས་སུ་འབྲངས་པའི་སྐོར།

This was to fulfill what was spoken by the prophet Isaiah: “He took our illnesses and bore our diseases.”

8:18  ཡེ་ཤུས་རང་གི་མཐའ་སྐོར་ལ་མི་ཚོགས་གཟིགས་སྐབས།  མཚོའི་ཕ་རོལ་ལ་འགྲོ་བའི་བཀའ་གནང༌།

Now when Jesus saw a crowd around him, he gave orders to go over to the other side.

8:19  ཡ་ཧུ་དཱ་པའི་ཆོས་ཁྲིམས་ལ་མཁས་པའི་མི་ཞིག་ཁོང་གི་དྲུང་དུ་ཡོང་ནས་ཁོང་ལ་ “སྟོན་པ་ལགས།  ཁྱེད་གང་དུ་ཕེབས་ན་ཡང་ང་ཁྱེད་ཀྱི་རྗེས་སུ་འབྲང་བར་བྱ་”  ཞེས་ཟེར་བས།

And a scribe came up and said to him, “Teacher, I will follow you wherever you go.”

8:20  ཡེ་ཤུས་ཁོ་ལ་  “ཝ་ལ་ཝ་ཚང་དང༌།  བྱ་ལ་བྱ་ཚང་ཡོད་ཀྱང༌།  མིའི་རིགས་ཀྱི་བུ་ཟེར་མཁན་ལ་མགོ་བཞག་ས་ཙམ་ཡང་མེད་”  ཅེས་གསུངས།

And Jesus said to him, “Foxes have holes, and birds of the air have nests, but the Son of Man has nowhere to lay his head.”

8:21  ཉེ་གནས་རྣམས་ལས་གཅིག་གིས་ཁོང་ལ་  “གཙོ་བོ་ལགས།  སྔོན་ལ་ང་སོང་ནས་ངའི་ཕའི་སྐུ་ཕུང་དུར་སར་འཇུག་པའི་ལུགས་སྲོལ་སྲུང་བའི་དགོངས་པ་གནང་རོགས་”  ཞེས་སྨྲས།

Another of the disciples said to him, “Lord, let me first go and bury my father.”

8:22  འོན་ཀྱང་ཁོང་གིས་ཁོ་ལ་  “ངའི་རྗེས་སུ་ཤོག གཤིན་པོ་དང་འདྲ་བ་རྣམས་ཀྱིས་རང་གི་གཤིན་པོ་རྣམས་དུར་དུ་འཇུག་ཆོག་”  ཅེས་གསུངས།  རླུ ང་འཚུབ་འཇགས་པར་མཛད་པ།

And Jesus said to him, “Follow me, and leave the dead to bury their own dead.”

8:23  ཡེ་ཤུ་གྲུའི་ནང་འཛུལ་ནས་ཁོང་གི་ཉེ་གནས་ཁོང་གི་རྗེས་སུ་འབྲངས།

And when he got into the boat, his disciples followed him.

8:24  གློ་བུར་དུ་མཚོའི་སྒང་ལ་རླུང་འཚུབ་ཆེན་པོ་ལངས་ཏེ་རྦ་རླབས་གྲུའི་ནང་ཡོང་ནས་གྲུ་ཆུས་ཁེངས་གྲབས་བྱེད།  འོན་ཀྱང་ཡེ་ཤུ་གཟིམས་ཡོད།

And behold, there arose a great storm on the sea, so that the boat was being swamped by the waves; but he was asleep.

8:25  ཁོ་ཚོ་ཉེ་བར་ཡོང་ནས་ཁོང་མནལ་སད་དེ་  “གཙོ་བོ་ལགས།  ང་ཚོ་འཆི་བ་ལ་ཐུག་པས་སྐྱོབ་པར་མཛོད་ཅིག་”  ཅེས་ཟེར།

And they went and woke him, saying, “Save us, Lord; we are perishing.”

8:26  ཁོང་གིས་ཁོ་ཚོར་  “ཁྱོད་ཚོ་དད་ཆུང་བ་རྣམས།  ཞེད་དགོས་དོན་གང་ཡིན་” ཞེས་གསུངས་ཏེ་ཡར་བཞེངས་ནས་རླུང་དང་མཚོ་ལ་བཀའ་བཀྱོན་མཛད་ཅིང༌།  དེ་ཚོ་ཡོངས་སུ་ཞི་བར་གྱུར།

And he said to them, “Why are you afraid, O you of little faith?” Then he rose and rebuked the winds and the sea, and there was a great calm.

8:27  ཡ་མཚན་ཆེན་པོ་སྐྱེས་ཏེ་ཁོ་ཚོས་གཅིག་གིས་གཅིག་ལ་  “སྐྱེས་བུ་འདི་ཅི་ལྟར་ཡིན། རླུང་དང་མཚོ་ཡིས་ཀྱང་ཁོང་གི་བཀའ་ལ་ཉན་པར་བྱེད་”  ཅེས་ཟེར། གདོན་འདྲེ་བསྐྲད་པ།

And the men marveled, saying, “What sort of man is this, that even winds and sea obey him?”

8:28  མཚོའི་ཕ་རོལ་གད་དེ་རེའི་ཡུལ་དུ་ཕེབས་པ་དང༌།  གདོན་འདྲེས་བཟུང་བའི་མི་གཉིས་དུར་ཁང་གི་ཁྲོད་ནས་ཐོན་ཏེ་ཁོང་དང་མཇལ།  ཁོ་ཚོ་ཧ་ཅང་དྲག་པོ་ཡིན་པས་སུའང་ལམ་དེར་འགྲོ་མ་ཐུབ།

And when he came to the other side, to the country of the Gadarenes, two demon-possessed men met him, coming out of the tombs, so fierce that no one could pass that way.

8:29  གློ་བུར་དུ་ཁོ་ཚོས་སྐད་ཆེན་པོས་  “ཀྱེ་དཀོན་མཆོག་གི་སྲས།  ངེད་རྣམས་ཁྱེད་དང་འབྲེལ་བ་ཅི་ཡོད།  དུས་ལ་བབ་པའི་སྔོན་ལ་ང་ཚོར་མནར་གཅོད་གཏོང་བའི་ཕྱིར་ཕེབས་པ་ཡིན་ནམ་”  ཞེས་ཟེར།

And behold, they cried out, “What have you to do with us, O Son of God? Have you come here to torment us before the time?”

8:30  ཐག་རིང་ཙམ་ལ་ཕག་ཁྱུ་ཆེན་པོ་ཞིག་འཚོ་བཞིན་ཡོད་པ་དང༌།

Now a herd of many pigs was feeding at some distance from them.

8:31  གདོན་འདྲེ་དེ་ཚོས་ཁོང་ལ་  “ཁྱེད་ཀྱིས་ང་ཚོ་ཕར་བསྐྲད་ན།  ཕག་ཁྱུའི་ཁྲོད་ལ་གཏོང་བར་མཛོད་”  ཅེས་ཞུ་བ་ཆེན་པོ་ཕུལ།

And the demons begged him, saying, “If you cast us out, send us away into the herd of pigs.”

8:32  ཁོང་གིས་ཁོ་ཚོར་  “སོང་ཞིག་”  ཅེས་གསུངས་པས་གདོན་འདྲེ་དེ་ཚོ་ཕྱིར་ཐོན་ཏེ་ཕག་པའི་ནང་དུ་ཞུགས་ཤིང༌།  ཕག་ཁྱུ་ཧྲིལ་པོ་གཡང་གཟར་ནས་མཆོངས་ཤིང་མཚོའི་ནང་དུ་ནུབ་སྟེ་ཤི།

And he said to them, “Go.” So they came out and went into the pigs, and behold, the whole herd rushed down the steep bank into the sea and drowned in the waters.

8:33  ཕག་རྫི་རྣམས་གྲོང་ཁྱེར་ལ་བྲོས་ནས་གདོན་འདྲེས་བཟུང་བའི་མི་རྣམས་ལ་གང་བྱུང་བ་ཐམས་ཅད་བཤད།

The herdsmen fled, and going into the city they told everything, especially what had happened to the demon-possessed men.

8:34  གྲོང་ཁྱེར་གྱི་མི་ཐམས་ཅད་ཡེ་ཤུ་མཇལ་བར་ཡོང་སྟེ།  ཁོང་མཐོང་ནས་ས་ཆ་གཞན་ལ་ཕེབས་རྒྱུར་ཞུ་བ་ཡང་ཡང་ཕུལ་ལོ།།

And behold, all the city came out to meet Jesus, and when they saw him, they begged him to leave their region.