མད་ཐཱ། 3 – Gospel of Matthew 3

3:1  དེའི་དུས་སུ་ཁྲུས་གསོལ་མཁན་ཡོ་ཧ་ནན་ཡ་ཧུ་དཱ་ཡུལ་གྱི་དབེན་སྟོང་ལ་ཕེབས་ཏེ་

In those days John the Baptist came preaching in the wilderness of Judea,

3:2  “དཀོན་མཆོག་གི་རྒྱལ་སྲིད་ཉེ་བར་འོངས་པས་སྤྱོད་པ་ངན་པ་རྣམས་སྤངས་ནས་སེམས་སྒྱུར་ཞིག་”  ཅེས་བསྒྲགས།

“Repent, for the kingdom of heaven is at hand.”

3:3  ལུང་སྟོན་པ་ཡེ་ཤ་ཡཱ་ཡིས། དབེན་སྟོང་ཡུལ་ནང་གྲགས་པའི་འབོད་སྒྲ་ཡིས།།  གཙོ་བོའི་ཆེད་དུ་ཕེབས་ལམ་གྲ་སྒྲིག་བྱོས།།  ལམ་བུ་དེ་ནི་བདེ་བར་བཟོས་ཤིག་ཨང༌།།  ཞེས་གསུངས་པ་འདི་ནི་ཁྲུས་གསོལ་མཁན་ཡོ་ཧ་ནན་གྱི་སྐོར་ཡིན།

For this is he who was spoken of by the prophet Isaiah when he said, “The voice of one crying in the wilderness: ‘Prepare the way of the Lord; make his paths straight.’”

3:4  ཡོ་ཧ་ནན་གྱིས་རྔ་མོང་གི་སྤུ་ཡི་གོས་གྱོན་པ་དང་རྐེད་པ་ལ་ཀོ་བའི་སྐེ་རགས་བཅིངས་ཤིང༌།  ཟས་ལ་འབུ་ཆ་ག་པ་དང་ཤིང་ནགས་ཀྱི་སྦྲང་རྩི་བཟས།

Now John wore a garment of camel’s hair and a leather belt around his waist, and his food was locusts and wild honey.

3:5  ཡེ་རུ་ཤ་ལེམ་གྲོང་ཁྱེར་དང༌།  ཡ་ཧུ་དཱ་ཡུལ།  ཡོར་དན་གཙང་པོའི་མཐའ་སྐོར་གྱི་ཡུལ་ལ་བཞུགས་མཁན་ཤིན་ཏུ་མང་པོ་ཁོང་གི་དྲུང་དུ་འགྲོ་བཞིན་ཡོད་པས།

Then Jerusalem and all Judea and all the region about the Jordan were going out to him,

3:6  ཁོ་ཚོས་རང་གི་སྡིག་ཉེས་ཁས་བླངས་ཏེ་ཁོང་གིས་ཁོ་ཚོར་ཡོར་དན་གཙང་པོར་ཁྲུས་གསོལ་གནང༌།

and they were baptized by him in the river Jordan, confessing their sins.

3:7  ཕཱ་རུ་ཤི་དང་སཱ་ཅུ་སེ་ཞེས་ཟེར་བའི་ཕྱོགས་རིས་ལ་གཏོགས་པའི་མི་མང་པོ་ཁྲུས་གསོལ་ལེན་པའི་ཕྱིར་ཁོང་གི་དྲུང་དུ་འོང་བར་མཐོང་ནས་ཁོང་གིས་ཁོ་ཚོར་  “དུག་སྦྲུལ་གྱི་རིགས་ཁྱོད་ཚོ།  སྡིག་པའི་ཉེས་ཆད་ཡིན་ཏེ་མ་འོངས་པའི་ཐུགས་ཁྲོ་ལས་འབྲོས་པ་ཁྱོད་ཚོར་སུས་བསྟན།

But when he saw many of the Pharisees and Sadducees coming to his baptism, he said to them, “You brood of vipers! Who warned you to flee from the wrath to come?

3:8  སྤྱོད་པ་ངན་པ་རྣམས་སྤངས་ནས་སེམས་བསྒྱུར་བའི་འབྲས་བུ་ལེགས་པ་སྐྱེད་ཅིག

Bear fruit in keeping with repentance

3:9  ཡང་ཨབ་ར་ཧམ་ང་ཚོའི་མེས་པོ་ཡིན་ཞེས་མ་སོམས།  ངས་ཁྱོད་ཚོར་ཟེར་རྒྱུར།  དཀོན་མཆོག་གིས་རྡོ་འདི་ཚོ་ལས་ཀྱང་ཨབ་ར་ཧམ་ལ་བུ་རྒྱུད་འབྱུང་བར་མཛད་ཐུབ་པའི་ཕྱིར་རོ།

And do not presume to say to yourselves, ‘We have Abraham as our father,’ for I tell you, God is able from these stones to raise up children for Abraham.

3:10  ད་ལྟ་སྟ་རེ་ཞིག་ཤིང་སྡོང་གི་རྩ་ལ་བཞག་ཡོད་པས་འབྲས་བུ་བཟང་པོ་མི་སྐྱེས་པའི་ཤིང་སྡོང་རེ་རེ་བཞིན་བཅད་ནས་མེ་ལ་གཡུག་པར་འགྱུར།

Even now the axe is laid to the root of the trees. Every tree therefore that does not bear good fruit is cut down and thrown into the fire.

3:11  ཁྱོད་ཀྱིས་སྤྱོད་པ་ངན་པ་རྣམས་སྤངས་ནས་སེམས་བསྒྱུར་བའི་ཕྱིར་ངས་ནི་ཆུ་ཡིས་ཁྲུས་གསོལ་བྱེད།  འོན་ཀྱང་ངའི་རྗེས་ལ་ང་ལས་དབང་ཆེ་བ་ཞིག་ཕེབས་ཡོང་བར་ངེས་ཏེ།  ངས་ཁོང་གི་ཞབས་ལྷམ་ཡང་འཁྱེར་བར་མི་འོས།  ཁོང་གིས་ཁྱོད་ཚོར་དཀོན་མཆོག་གི་དམ་པའི་ཐུགས་ཉིད་དང་མེ་ཡི་ཐོག་ནས་ཁྲུས་གསོལ་གནང་བར་འགྱུར།

“I baptize you with water for repentance, but he who is coming after me is mightier than I, whose sandals I am not worthy to carry. He will baptize you with the Holy Spirit and fire.

3:12  ཁོང་གི་གཡུལ་ཁ་ལེགས་པོར་གཙང་མ་བཟོ་བའི་ཆེད་དང༌།  མཛོད་ཁང་ལ་གྲོ་སྡུད་པའི་ཕྱིར་སྦར་མོ་ཕྱག་ལ་ཡོད།  འོན་ཀྱང་རྩྭ་རྣམས་ཁོང་གིས་གསོད་མི་སྲིད་པའི་མེ་ཡིས་སྲེག་པར་བྱ་”  ཞེས་གསུངས། སྟོན་པ་ཡེ་ཤུས་ཁྲུས་གསོལ་བཞེས་པ།

His winnowing fork is in his hand, and he will clear his threshing floor and gather his wheat into the barn, but the chaff he will burn with unquenchable fire.”

3:13  དེ་ནས་ཡེ་ཤུ་ཁྲུས་གསོལ་འཐོབ་བའི་ཕྱིར་ག་ལིལ་ཡུལ་ནས་ཡོར་དན་གཙང་པོའི་འགྲམ་ལ་ཡོ་ཧ་ནན་གྱི་དྲུང་དུ་ཕེབས།

Then Jesus came from Galilee to the Jordan to John, to be baptized by him.

3:14  ཡོ་ཧ་ནན་གྱིས་ཁོང་འགོག་པར་འདོད་དེ་  “ང་ལ་ཁྱེད་ཀྱིས་ཁྲུས་གསོལ་གནང་བའི་དགོས་པ་ཡོད་ཀྱི། ཁྱེད་ངའི་རྩར་ཕེབས་སམ་”  ཞེས་གསུངས་པས།

John would have prevented him, saying, “I need to be baptized by you, and do you come to me?”

3:15  ཡེ་ཤུས་ཁོང་ལ་  “འདི་ལྟར་ངེད་རྣམས་ཀྱིས་དཀོན་མཆོག་གི་བཀའ་ཐམས་ཅད་སྒྲུབ་དགོས་པས་ད་ལྟ་འདི་ལྟར་བྱེད་དུ་ཆུག་”  ཅེས་གསུངས་པ་ན།  ཡོ་ཧ་ནན་གྱིས་དེ་ལྟར་བྱས།

But Jesus answered him, “Let it be so now, for thus it is fitting for us to fulfill all righteousness.” Then he consented.

3:16  ཡེ་ཤུས་ཁྲུས་གསོལ་བཞེས་ཏེ་ཆུ་ནས་ཡར་བཞེངས་མ་ཐག  ནམ་མཁའ་ཕྱེ་སྟེ་དཀོན་མཆོག་གི་དམ་པའི་ཐུགས་ཉིད་ཕུག་རོན་ལྟར་རང་གི་སྟེང་ལ་བབས་པ་གཟིགས།

And when Jesus was baptized, immediately he went up from the water, and behold, the heavens were opened to him, and he saw the Spirit of God descending like a dove and coming to rest on him;

3:17  ཡང་དཀོན་མཆོག་གི་ཞིང་ཁམས་ནས་  “འདི་ནི་ངའི་གཅེས་པའི་སྲས་ཡིན་ཞིང་ང་རང་ཁོང་ལ་ཤིན་ཏུ་དགའོ་”  ཞེས་པའི་གསུང་སྐད་ཅིག་བྱུང་ངོ༌།།

and behold, a voice from heaven said, “This is my beloved Son, with whom I am well pleased.”